بۇگىن ۇكىمەت وتىرىسىندا عىلىم جانە جوعارى ءبىلىم ءمينيسترى ساياسات نۇربەك بىرىڭعاي ورتالىق ازيالىق جوعارى ءبىلىم كەڭىستىگىن قۇرۋ جۇمىسىنا توقتالدى, دەپ حابارلايدى Egemen.kz.
«قازاقستاندىق جوعارى وقۋ ورىندارىنىڭ ەكسپورتتىق مۇمكىندىكتەرىن كەڭەيتۋ ماقساتىندا شەتەلدە فيليالدار اشىلادى. بىرىڭعاي ورتالىق ازيالىق جوعارى ءبىلىم كەڭىستىگىن قۇرۋ بويىنشا جۇمىس جالعاسادى», دەدى س. نۇربەك.
ونىڭ ايتۋىنشا, سەرىكتەستەرمەن بىرلەسىپ, قازاقستان پلاتفورماسىندا ورتالىق ازيا ەلدەرىنىڭ ءوزارا ءىس-قيمىل بيۋروسىن قۇرۋ ماسەلەسى پىسىقتالۋدا.
«جوعارى وقۋ ورنىنان كەيىنگى ءبىلىم بەرۋدى ينتەرناتسيونالداندىرۋ بويىنشا بارلىق باستامالار قازاقستاندىق «ينتەللەكتۋالدىق جىبەك جولى» حالىقارالىق باستاماسىنىڭ نەگىزى بولادى», دەدى مينيستر.