قۇرلىقتىق حوككەي ليگاسىندا (قحل) باق سىنايتىن ەلوردانىڭ «بارىسى» ساپىندا ونەر كورسەتەتىن ليندەن ۆەي قحل جۇلدىزدارىنىڭ ماتچىنا قاتىساتىن بولدى.
كانادالىق حوككەيشى چەرنىشەۆ ديۆيزيونىنىڭ قۇرامىندا مۇزايدىنعا شىعادى. بيىلعى ماۋسىمدا «بارىستىڭ» كاپيتانىنا اينالعان ۆەي 23 ماتچ وتكىزىپ, 17 (11+6) ۇپاي ولجالاپ ۇلگەردى. وسى ناتيجەسىنىڭ ارقاسىندا ول تەك «بارىستىڭ» عانا ەمەس, قحل-دىڭ سۇرمەرگەندەر كوشىنە قوسىلدى. تاعى ءبىر ايتا كەتەرلىگى, ليندەن ۆەي وسىمەن ەكىنشى رەت تۇراقتى بىرىنشىلىكتىڭ «جۇلدىزدار ماتچىنا» قاتىسۋ مۇمكىندىگىن الىپ وتىر. ەڭ العاش رەت ول 2018 جىلى استانادا وتكەن «جۇلدىزدار ماتچىندا» مۇزايدىنعا شىققان بولاتىن.
ايتا كەتەيىك, بيىلعى «جۇلدىزدار ماتچى» جەلتوقسان ايىندا رەسەيدىڭ چەليابى قالاسىندا وتەدى دەپ جوسپارلانعان.