الەۋمەتتىك قورعاۋ جۇيەسى قىزمەتكەرلەرىنىڭ كۇنى قارساڭىندا استانادا ە.راحماديەۆ اتىنداعى مەملەكەتتىك اكادەميالىق فيلارمونيادا سالتاناتتى ءىس-شارا ءوتتى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
قازاننىڭ سوڭعى جەكسەنبىسىندە قازاقستان رەسپۋبليكاسىندا الەۋمەتتىك قورعاۋ جۇيەسى قىزمەتكەرلەرىنىڭ كۇنى اتاپ وتىلەدى. بۇل مەرەكەدە العىس سوزدەر الەۋمەتتىك قامسىزداندىرۋ جۇيەسىن دامىتۋعا ەرەكشە ۇلەس قوسقان قىزمەتكەرلەرگە ارنالدى. الەۋمەتتىك سالانىڭ بارلىق قىزمەتكەرلەرىن استانا اكىمىنىڭ ورىنباسارى ەرلان بەكمۋرزاەۆ قۇتتىقتاپ, قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا مەن استانا اكىمى التاي كولگىنوۆتىڭ اتىنان جىلى لەبىزدەرىن ءبىلدىردى.
«قۇرمەتتى ارىپتەستەر, قالا اكىمىنىڭ اتىنان جانە ءوز اتىمنان سىزدەردى مەرەكەمەن, الەۋمەتتىك قورعاۋ جۇيەسى قىزمەتكەرلەرىنىڭ كۇنىمەن قۇتتىقتايمىن! الەۋمەتتىك قىزمەتكەرلەردىڭ كۇندەلىكتى ەڭبەگى-مەملەكەتتىڭ ءوز ازاماتتارىنا قامقورلىعىنىڭ كورسەتكىشى. مۇنداي مەرەكەنىڭ بولۋى ءسىزدىڭ قيىن جانقيارلىق جۇمىسىڭىزعا شىنايى قۇرمەتتىڭ بارىن كورسەتەدى. بۇل جاقسى ءداستۇر بارىمىزگە جاناشىرلىق پەن ءوزارا كومەك قاجەت ەكەنىن ەسكە سالۋى كەرەك. سىزدەردى وسى تاماشا كۇنمەن قۇتتىقتايمىن!», دەدى سپيكەر.
قازىرگى ۋاقىتتا ەلوردادا سەگىز ارنايى الەۋمەتتىك قىزمەت كورسەتۋ ورتالىعى جۇمىس ىستەيدى, وندا ەكونوميكالىق, الەۋمەتتىك-پەداگوگيكالىق, الەۋمەتتىك-تۇرمىستىق قىزمەتتەر كورسەتىلەدى. مۇندا مۇگەدەكتىگى بار ادامدارعا ءومىردىڭ ءدامىن تاتۋعا, بالالارعا اياعىنان تۇرۋعا جانە العاشقى قادامدارىن جاساۋعا كومەكتەسەدى. جالپى, مەملەكەت تاراپىنان كومەككە مۇقتاج ادامداردىڭ ءومىرىن جەڭىلدەتەدى.
ء«بىز بۇل شارانى الەۋمەتتىك قورعاۋ جۇيەسىنىڭ قىزمەتكەرلەرىن ماراپاتتاۋ ءۇشىن ۇيىمداستىردىق. ارينە, ولار ءۇشىن ەڭ جاقسى ماراپات – كومەك كورسەتىلگەندەردىڭ العىسى, بىراق ءبىز ولاردىڭ ماڭىزى زور جۇمىسى ءۇشىن مەملەكەت اتىنان دا ريزاشىلىعىمىزدى بىلدىرگىمىز كەلەدى. قىزمەتكەرلەرىمىزدىڭ بارلىق تۋىستارى مەن جاقىندارىنا دەنساۋلىق تىلەيمىن. ءبىزدىڭ جۇمىسىمىز ۇلكەن شىدامدىلىق پەن توزىمدىلىكتى قاجەت ەتەتىندىكتەن سىزدەرگە شىدامدىلىق تىلەيمىن. قىزمەت الۋشىلار تاراپىنان ارقاشان تۇسىنىستىك بولسىن. ولاردىڭ ارقايسىسىنىڭ ءوز پروبلەمالارى بار جانە ولار ءبىزدىڭ جىلى كوزقاراسىمىز بەن قامقورلىعىمىزدى قاجەت ەتەدى. سىزدەرگە سەرگەكتىك تىلەيمىن, جانە ءبىزدىڭ قىزمەتكەرلەرىمىزدىڭ كوزدەرى تەك بۇگىن عانا ەمەس ءاردايىم باقىتتان جارقىراي بەرسىن!», دەپ اتاپ ءوتتى استانا قالاسىنىڭ جۇمىسپەن قامتۋ جانە الەۋمەتتىك قورعاۋ باسقارماسىنىڭ باسشىسى يليا سكۋب.
ءىس-شارا بارىسىندا الەۋمەتتىك قورعاۋ سالاسىنىڭ ۇزدىك ماماندارى ەڭبەك جانە الەۋمەتتىك قورعاۋ مينيسترلىگىنىڭ «الەۋمەتتىك-ەڭبەك سالاسىنىڭ ۇزدىگى», «ەڭبەك ارداگەرى» ۆەدومستۆولىق ناگرادالارىمەن, استانا اكىمىنىڭ گراموتالارىمەن, ەلوردا باسشىسىنىڭ جانە اكىم ورىنباسارىنىڭ العىس حاتتارىمەن ماراپاتتالدى. سونىمەن قاتار, ءىس-شاراعا ارداگەرلەر, الەۋمەتتىك قورعاۋ بولىمدەرىنىڭ باسشىلارى, الەۋمەتتىك قىزمەتكەرلەر جانە ۇكىمەتتىك ەمەس ۇيىمداردىڭ وكىلدەرى قاتىستى.
«بارلىق ارىپتەستەرىمدى كاسىبي مەرەكەلەرىمەن, الەۋمەتتىك قورعاۋ قىزمەتكەرلەرىنىڭ كۇنىمەن شىن جۇرەكتەن قۇتتىقتايمىن. بۇل مەرەكە مەيىرىمدىلىكتى, ادالدىقتى, شىنشىلدىقتى جانە ەڭ باستىسى, ەرەسەك ۇرپاققا, مۇگەدەكتىگى بار ادامدارعا, ءبىز جۇمىس ىستەيتىن بارلىق ساناتتارعا قۇرمەتپەن قاراۋدى بىلدىرەدى. مەن الەۋمەتتىك قورعاۋ سالاسىندا 15 جىلدان استام جۇمىس ىستەيمىن. مەملەكەت ءبىزدىڭ ەڭبەگىمىزدى اتاپ وتەتىنى مەن ءۇشىن ۇلكەن قۋانىش. ءبىز ءوز جۇمىسىمىز ءۇشىن ماراپاتتار مەن ماقتاۋلاردى تالاپ ەتپەيمىز, بىراق ولاردى العان كەزدە – شابىتتانىپ, ودان دا كوپ جۇمىس ىستەي باستايمىز», دەدى ء«ۇمىت داعدارىس ورتالىعى» كمم قىزمەتكەرى التىن ەرۋباەۆا.
ايتا كەتەيىك, بۇگىندە ەلوردانىڭ الەۋمەتتىك قورعاۋ جۇيەسىندە 1300-دەن استام الەۋمەتتىك قىزمەتكەر جۇمىس ىستەيدى. الەۋمەتتىك قىزمەتكەرلەر كۇن سايىن مىڭداعان زەينەتكەرلەر مەن مۇگەدەكتىگى بار 3000 بالاعا قامقورلىق پەن كوڭىل بولەدى.