لۋۆردا الەمدەگى ەڭ كونە قۇرانداردىڭ ءبىرى - VIII عاسىرداعى قولجازبا كاتتالانگار قۇرانى ۇسىنىلادى, دەپ حاباولايدى Egemen.kz «انادولى» اگەنتتىگىنە سىلتەمە جاساپ.
كورمە 2022 جىلدىڭ 24 قاراشاسىنان 2023 جىلدىڭ 6 ناۋرىزىنا دەيىن اشىق بولادى. وندا مونۋمەنتالدى جانە ستانوكتىق ونەر, قابىرعا سۋرەتتەرى, سارايلاردىڭ ويۋلانعان بولشەكتەرى, ساندىك-قولدانبالى ونەر بۇيىمدارى ۇسىنىلادى.
كەلۋشىلەر ءۇشىن بارلىعى 168 مۇراجاي ەكسپوناتتارى ۇسىنىلادى. دالىرەك ايتقاندا, لۋۆرعا ءبىزدىڭ داۋىرىمىزگە دەيىنگى V–VI عاسىرلاردان باستاپ تيمۋريدتەر داۋىرىنە دەيىنگى كەزەڭدى قامتيتىن وزبەكستاننىڭ 13 مۇراجايىنان 137 زات جانە الەمنىڭ جەتەكشى مۇراجايلارىنان 31 زات اكەلىندى.
كورمەنىڭ بىرەگەي ەكسپوناتتارىنىڭ ءبىرى - VIII عاسىرداعى قولجازبا كاتتالانگار قۇرانى بولادى.
ۇزاق ۋاقىت بويى ول وزبەكستاننىڭ قاشقاداريا وبلىسىنداعى لانگار-وتا مەشىتىندە ساقتالعان.
زەرتتەۋلەرگە سايكەس, قۇران 206 بەتتەن تۇرادى. قازىرگى ۋاقىتتا تەك 98 بەت ساقتالعان.
1984 جىلى كسرو بيلىگىنىڭ وكىلدەرى كاتتالانگار قۇرانىنىڭ 67 بەتىن الىپ قويعان.
تاعى 81 بەت سانكت-پەتەربۋرگتەگى شىعىس قولجازبالار ينستيتۋتىنىڭ مۇراجايىندا ساقتالعان.