اتىراۋداعى ايتىس

– قازاقتىڭ ۇلتتىق ونەرىنىڭ ءبىرى – اتادان ميراس ايتىس. حالىق­تىڭ مۇڭ-مۇقتاجىن, كوپتىڭ كوكەيىن­دە جۇرگەن ماسەلەلەردى اۋىز ادەبيە­تىنىڭ ۇلگىسىمەن جەتكىزەتىن اقىن­داردىڭ رەسپۋبليكالىق ايتىسى ءار وڭىردە ءوتىپ كەلەدى. بىراق بۇل ايتىس­تىڭ ءجونى بولەك. ويتكەنى بيىل 13 جىلدان كەيىن مەملەكەتتىك مەرەكە رەتىندە قايتا بەكىتىلگەن رەس­پۋبليكا كۇنىنە ارنالىپ وتىر, – دەدى وبلىس اكىمىنىڭ ورىنباسارى جاسۇلان بيسەمبيەۆ.

وزىندىك ماقامى مەن ءسوز ساپتاۋى بولەك اقىندار ەل ەگەمەندىگى بە­كىتىلگەن رەسپۋبليكا كۇنى مەن تا­ۋەلسىزدىكتى, بيىك بەلەسكە جەت­كى­زەر بەكەم بىرلىكتى ارقاۋ ەتتى. اري­نە, مۇنايلى اتىراۋدىڭ ەكو­لو­­گيالىق احۋالىن, الەۋمەتتىك تۇر­مىس­تى جاقسارتۋعا ىقپالى بار جول ماسەلەسىن دە نازاردان تىس قال­دىرمادى.

قازىلاردىڭ شەشىمىمەن رەسپۋب­ليكالىق ايتىستىڭ باس جۇلدەسى – 1,5 ملن تەڭگە قوستانايلىق اقىن ايبەك قاليەۆ يەلەندى. ال 1 ملن تەڭگە جۇل­دەسى بار ءبىرىنشى ورىن جەر­گىلىك­تى ايتىسكەر سەرىكبول پانا­بەر­ديەۆكە بەرىلدى. ەكىنشى ورىنعا لايىق دەپ تانىلعان نۇربەيبىت نۇعىمانوۆ (اتىراۋ وبلىسى) پەن سەرىك قۋانعان (شىعىس قازاقستان وبلىسى) 700 مىڭ تەڭگەگە يە بولدى.

ءۇشىنشى ورىننىڭ 500 مىڭ تەڭ­گەلىك ءۇش جۇلدەسى رۇستەم قايىر­تاي­ ۇلى (اباي وبلىسى), سىرىمبەك سار­سەنباەۆ (اتىراۋ وبلىسى) پەن باتىرجان كادىربايعا (اتىراۋ وبلىسى) بۇيىردى. كورشىلەس اق­توبە مەن باتىس قازاقستان وبلىسى­نان قاتىسقان قوس ارۋ – جۇل­دىز قو­جابەكوۆا مەن جانسايا مۋ­سي­نا­نىڭ ونەرى 400 مىڭ تەڭگەنىڭ ارنايى جۇلدەسىمەن اتاپ ءوتىلدى.

سونداي-اق ونەربەك داۋلەكەنوۆ (اتىراۋ وبلىسى), اسپانبەك شۇ­­عاتاەۆ (پاۆلودار وبلىسى), ال­شىن­­بەك مۇقانعاليەۆ (اتىراۋ وب­­لىسى), نۇربولات نۇعمانوۆ (اتى­راۋ وبلىسى), ەرجان ءامىروۆ (قى­زىلوردا وبلىسى), ديدار ابباس (جامبىل وبلىسى) پەن ولجاس وتارعا (استانا قا­لاسى) ىنتالاندىرۋ سىيلىعى رە­تىن­دە 300 مىڭ تەڭگە تابىستالدى.

اتىراۋ وبلىسى