مەملەكەت باسشىسى «ازاتتىق قازاقستانعا كەزدەيسوق بۇيىردى, ەلىمىز تاۋەلسىزدىگىن ەڭ سوڭعى بولىپ جاريالادى» دەگەن تۇجىرىمعا قاتىستى پىكىر ءبىلدىردى, دەپ حابارلايدى Egemen.kz.
«قازاقتا «ەگەمەن بولماي, ەل بولماس» دەگەن تەرەڭ ماعىنالى ءسوز بار. كەيدە «ازاتتىق قازاقستانعا كەزدەيسوق بۇيىردى, ەلىمىز تاۋەلسىزدىگىن ەڭ سوڭعى بولىپ جاريالادى» دەگەن بىرجاقتى, ءۇستىرت تۇجىرىمدار ايتىلىپ قالاتىنى جاسىرىن ەمەس. بۇل – سول كەزدەگى جاعدايدى دۇرىس باعامداي الماعان ادامداردىڭ ءسوزى», دەدى مەملەكەت باسشىسى.
سونىمەن قاتار ەگەمەندىككە باستايتىن قاسيەتتى جولدى حالقىمىز ۇزاق جىلدار بويى ءجۇرىپ وتكەنىن ەسكە سالدى.
«ەل اعالارى جانە زيالىلار ۇلتتىڭ ساناسىن ساقتاۋ ءۇشىن قولىنان كەلگەننىڭ ءبارىن جاسادى. ەلدىڭ رۋحىن كوتەرەتىن استارلى كوركەم شىعارمالار جارىق كوردى. ۇلتىمىزدىڭ ازاتتىققا دەگەن ۇمتىلىسى جەلتوقسان وقيعاسى كەزىندە ايقىن كورىندى», دەدى قاسىم-جومارت توقاەۆ.