كەشە قورعانىس ءمينيسترى سەرىك احمەتوۆ «KADEX-2014» ءۇشىنشى حالىقارالىق قارۋ-جاراق پەن اسكەري-تەحنيكالىق م ۇلىك كورمەسىنىڭ شەڭبەرىندە ءىس-شاراعا قاتىسۋشىلارمەن بىرقاتار كەزدەسۋلەر وتكىزدى.
حالىقارالىق اسكەري-تەحنيكالىق ينتەگراتسيانى بۇدان ءارى نىعايتۋ, ءبىلىم جانە كادرلار دايارلاۋ سالالارىنداعى بىرلەسكەن جوبالاردى ىسكە اسىرۋدا ءوزارا ءتيىمدى ىنتىماقتاستىقتى دامىتۋ ماسەلەلەرى تۇرىك رەسپۋبليكاسىنىڭ وكىلدەرى – ۇلتتىق قورعانىس ءمينيسترىنىڭ ورىنباسارى كەمال ياردىمدجي جانە قورعانىس ونەركاسىبى كوميتەتى توراعاسىنىڭ ورىنباسارى سەدات گۇلدوعانمەن كەزدەسۋدە تالقىلاندى.
پاكىستاننىڭ قورعانىس ءمينيسترى تانۆير حۋسەينمەن كەزدەسۋ بارىسىندا قازاقستاننىڭ اسكەري-تەحنيكالىق ساياساتىن ىسكە اسىرۋ, حالىقارالىق سەرىكتەستەرمەن ءوزارا ءتيىمدى قارىم-قاتىناستى دامىتۋ ءۇشىن «KADEX» كورمەسىنىڭ ماڭىزدىلىعى اتالىپ ءوتتى.
قازاقستان رەسپۋبليكاسى قارۋلى كۇشتەرىن قازىرگى زامانعى قارۋ-جاراق جۇيەلەرىمەن جانە اسكەري تەحنيكامەن قامتاماسىز ەتۋ جونىندەگى جوبالاردى ىسكە اسىرۋداعى ءوزارا ءىس-قيمىلداردىڭ ءارى قارايعى پەرسپەكتيۆاسى «بوينگ» كومپانياسىنىڭ پرەزيدەنتى دجوزەف ماك ەندريۋمەن جانە «Airbus Defense & Space-Militari Aircraft» كومپانياسىنىڭ اعا ۆيتسە-پرەزيدەنتى بريجيت فلوكپەن كەزدەسۋ بارىسىندا تالقىلاندى, دەپ حابارلادى قورعانىس مينيسترلىگىنىڭ ءباسپاسوز قىزمەتى.