اتىراۋ قالاسىنىڭ №2 سوتىندا ەڭبەك, الەۋمەتتىك قورعاۋ جانە كوشى-قون كوميتەتىنىڭ اتىراۋ وبلىسى بويىنشا دەپارتامەنتىنىڭ بۇرىنعى باسشىسىنا قاتىستى قىلمىستىق ءىس قارالدى, دەپ حابارلايدى Egemen.kz وبلىستىق سوتتىڭ سايتىنا سىلتەمە جاساپ.
«مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادام بولا تۇرا, قىزمەت بابىن پايدالانۋمەن, سەنىمىن تەرىس پايدالانۋ جولىمەن الاياقتىق جاساۋ فاكتىسى بويىنشا ەڭبەك, الەۋمەتتىك قورعاۋ جانە كوشى-قون كوميتەتىنىڭ اتىراۋ وبلىسى بويىنشا دەپارتامەنتىنىڭ باسشىسى گ.-عا قىلمىستىق ءىس قارالدى. سونىمەن قاتار بىرنەشە رەت پارا بەرۋ فاكتىسى بويىنشا ك.-عا, بىرنەشە رەت پاراقورلىققا دەلدال بولۋ فاكتىسى بويىنشا ز.-عا قاتىستى قىلمىستىق ءىس قارالدى», دەلىنگەن ۆەدومستۆو اقپاراتىندا.
سوت ۇكىمىمەن سوتتالۋشى گ. كىنالى دەپ تانىلىپ, وعان مەملەكەتتىك قىزمەتتە جانە مەملەكەتتىك ۇيىمداردا لاۋازىمداردى اتقارۋ ءۇشىن ءومىر بويىنا باس بوستاندىعىنان ايىرۋ جازاسى تاعايىندالىپ, 4 900 000 تەڭگە ايىپپۇل سالىندى.مەدياتسيا بويىنشا تاعى ءبىر سوتتالۋشىعا مەملەكەتتىك قىزمەتتە جانە مەملەكەتتىك ۇيىمداردا لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 1 350 000 تەڭگە كولەمىندە ايىپپۇل سالىندى.
ءۇشىنشى سوتتالۋشى بىرنەشە رەت پارا بەرگەنى ءۇشىن كىنالى دەپ تانىلىپ, وعان مەملەكەتتىك قىزمەتتە جانە مەملەكەتتىك ۇيىمداردا لاۋازىمداردى اتقارۋ ءۇشىن ءومىر بويىنا باس بوستاندىعىنان ايىرۋ جازاسى تاعايىندالىپ, 5 750 000 تەڭگە كولەمىندە ايىپپۇل سالىندى.
سوتتىڭ ۇكىمى زاڭدى كۇشىنە ەنگەن جوق.