بەس كوماندا كوكتەمگى باسەكەلەرگە بارادى

ءسوز باسىندا ايتقانىمىزداي, چەمپيوندار ليگاسىنىڭ توپتىق كەزەڭىندە 2015/2016 جىلدارى ەلىمىزدىڭ كوماندالارى اراسىنان تەك «استانا» عانا دوپ تەبە الدى. سول كەزدە قازاقستان چەمپيونى رەتىندە ىرىكتەۋ سىندى ەكىنشى كەزەڭنەن باستاعان ستانيمير ستويلوۆ شاكىرتتەرى العاشقى كەزدەسۋىن «ماريبورعا» قارسى ويناپ, تۇزدە 0:1, ءوز الاڭىندا 3:1 ەسەبىمەن جەڭىسكە جەتكەن ەدى. ءۇشىنشى ىرىكتەۋ كەزەڭىندە فينليانديانىڭ حيك كومانداسىمەن شەبەرلىك بايقاسقان ەلوردالىق ۇجىم سىرت الاڭدا 0:0, ءوز الاڭىندا 4:3 ەسەبىمەن باسىم ءتۇسىپ, شەشۋشى كەزەڭگە جولداما الدى. ال سوڭعى پلەي-وفف راۋندىندا كيپردىڭ اپوەل قارسى الاڭعا شىققان جەرلەستەرىمىز «استانا-ارەنادا» 1:0, سىرت الاڭدا 1:1 ويناپ, توپتىق كەزەڭگە توپ ەتە قالدى.

سول كەزدە س توبىنا تۇسكەن استانالىقتار «اتلە­تيكو», «بەنفيكا», «گالاتاساراي» كوماندالا­رىنان ءوز الاڭىندا جەڭىلمەدى. سىرت الاڭدا «گالاتاسارايمەن» تاعى دا تەڭ ءتۇسىپ, التى ويىندا ءتورت ۇپاي جينادى. 16,7 ملن ەۋرو تابىس تاپتى.

مىنە, سودان بەرى قانشا جىل وتسە دە, قازاقستاندىق بىردە-ءبىر كلۋب ۋەفا-نىڭ باستى ءتۋرنيرىنىڭ توپتىق كەزەڭىنە وتە الماي ءجۇر. چەمپيوندار ليگاسى تۇگىلى, دەڭگەيى تومەن ەۋروپا ليگاسى مەن ۋەفا كونفەرەنتسيا ليگاسىنىڭ توپتىق كەزەڭىنە ءوتۋ قازاقستاندىق كلۋبتار ءۇشىن ارمان بولىپ تۇر.

مىنا پارادوكسكە نازار اۋدارساق. بۇگىندە جىلدىق بيۋدجەتى جاعىنان كوشباسشى كوماندالارىمىزدان الدەقايدا تومەن ارمەنيانىڭ «كاراباح», مولدو­ۆانىڭ «شەريف» كوماندالارى ەۋروپا ليگاسىنىڭ توپتىق كەزەڭىنە ءوتىپ, ۇپاي جيناپ ءجۇر.

ا توبى

«رەيندجەرس» (شوتلانديا) – «ليۆەرپۋل» (انگليا) – 1:7 (ەرفيلد, 17 – فيرمينو, 24, 55, نۋنەس, 66, سالاح, 76, 80, 81, ەلليوت, 87);

«ناپولي» (يتاليا) – «اياكس» (نيدەرلاند) – 4:2 (لوسانو, 4, راسپادوري, 16, كۆاراتسحەليا, 62-پەن., وسيمەن, 89 – كلاسسەن, 49, بەرگۆەين, 83-پەن.);

يتاليانىڭ «ناپولي» كومانداسى بيىل ۇزاققا باراتىن سياقتى. ا سەرياسىندا كوش باستاپ كەلە جاتقان كوماندا چەمپيوندار ليگاسىنىڭ توپتىق سايىسىن دا ءساتتى وتكىزۋدە. سارسەنبىنىڭ كەشىندە يتاليالىق ۇجىم «اياكستى» قابىلداپ, 4:2 ەسەبىمەن جەڭدى. وسىلايشا, ولار توپتىق باسەكەدە سوققان گولدارىنىڭ سانىن 17-گە جەتكىزىپ, وزىندىك رەكوردتارىن ورناتتى. جالپى توپتاعى ويىنداردا ەڭ كوپ گول سالعان كوماندا – پسج. فرانتسۋزدار 2017-2018 جىلعى ماۋسىمدا قارسىلاستارىنىڭ قاقپاسىنا 25 گول توعىتقان. ء«ناپوليدىڭ» بۇل رەكوردتى جاڭارتۋ-جاڭارتپاۋى 5-تۋردا «رەيندجەرسپەن» وتەتىن ويىننان كەيىن بەلگىلى بولادى. ودان كەيىن يتاليا كلۋبىن سىرت الاڭدا «ليۆەرپۋلمەن» قيىن ويىن كۇتىپ تۇر.

شوتلانديانىڭ «رەيندجەرسىن» ەرىنبەگەننىڭ ءبارى ۇتىپ جاتىر. وسى اپتادا شوتلاندىقتار ءوز الاڭىندا «ليۆەرپۋلدەن» 1:7 ەسەبىمەن ويسىراي جەڭىلدى. بۇل ويىندا مۇحاممەد سالاح 68-مينۋتتا الاڭعا شىعىپ, اينالدىرعان بەس مينۋتتىڭ ىشىندە حەت-تريك جاسادى دا, چەمپيوندار ليگاسىندا ەڭ جىلدام حەت-تريك جاساعان فۋتبولشى اتاندى. بۇعان دەيىنگى رەكوردتى 2011 جىلى «ليون» فۋتبولشىسى بافەتيمبي گوميس ورناتقان. ول زاگرەبتىڭ «دينامو» كومانداسىنىڭ قاقپاسىنا سوققان ءۇش گولىن 8 مينۋتقا «سىيدىرىپ» ەدى. ەندى ونى مۇحاممەد سالاح تاعى ءۇش مينۋتقا قىسقارتتى.

№

كوماندا

و

ۇ

ت

ج

د-ا

ۇپ

1

ناپولي

4

4

0

0

17-4

12

2

ليۆەرپۋل

4

3

0

1

12-6

9

3

اياكس

4

1

0

3

8-12

3

4

رەيندجەرس

4

0

0

4

1-16

0

ۆ توبى

«بايەر» (گەرمانيا) – «پورتۋ» (پورتۋگاليا) – 0:3 (گالەنو, 6, تارەمي, 53, 64-پەن);

«اتلەتيكو» (يسپانيا) – «بريۋگگە» (بەلگيا) – 0:0

بەلگيانىڭ «بريۋگگە» كلۋبى ءوز تاريحىندا تۇڭ­عىش رەت پلەي-وفف سايىسىنا جولداما الدى. 4-تۋردا ءمادريدتىڭ «اتلەتيكو» كومانداسىنا قوناققا بارعان بەلگيالىق ۇجىم الاڭ يەلەرىمەن 0:0 ەسەبىمەن تەڭ وينادى. بۇل تەڭ ويىن «بريۋگگەگە» توپتان شىعۋعا جەتكىلىكتى بولدى.

گەرمانيانىڭ «بايەر» كلۋبى جاقىندا باس باپكەرلىك قىزمەتكە يسپانيالىق حاۆي الونسونى تاعايىنداعان. كەزىندە «ليۆەرپۋل», «رەال» كوماندالارىندا جاسىن­داي جارقىلداعان الونسو بۋندەسليگاداعى العاشقى ويىنىندا «شالكەنى» 4:0 ەسەبىمەن جەڭىپ, ءىرى ۇتىسپەن باستاعان ەدى. الايدا چەمپيوندار ليگاسىنداعى اياق الىسى ابىروي اكەلمەدى. ءوز الاڭىندا «پورتۋمەن» جاسىل الاڭعا شىققان لەۆەركۋزەندىكتەر 0:3 ەسەبىمەن ويسىراي جەڭىلدى.

№

كوماندا

و

ۇ

ت

ج

د-ا

ۇپ

1

بريۋگگە

4

3

1

0

7-0

10

2

پورتۋ

4

2

0

2

6-6

6

3

اتلەتيكو

4

1

1

2

2-5

4

4

بايەر

4

1

0

3

2-6

3

 س توبى

«ۆيكتوريا» (چەحيا) – «باۆاريا» (گەرمانيا) – 2:4 (ۆيكانوۆا, 62, كليمەنت, 75 – مانە, 10, ميۋللەر, 14, گورەتسكا, 25, 35);

«بارسەلونا» (يسپانيا) – «ينتەر» (يتاليا) – 3:3 (دەمبەلە, 40, لەۆاندوۆسكي, 82, 90+2 – بارەللا, 50, مارتينەس, 63, گوسەنس, 89);

ميۋنحەندىك «باۆاريا» كوكتەمگى ماۋسىمعا العاشقى­لار­دىڭ ءبىرى بولىپ, جولداما الدى. 4-تۋردا ولار چەحيا­نىڭ «ۆيكتورياسىن» سىرت الاڭدا 4:2 ەسەبىمەن جەڭدى.

ال كاتالونيانىڭ «بارسەلوناسى» بيىل دا پلەي-وفف باسەكەسىنە شىعا الماي, كوكتەمگى جورىعىن ەۋروپا ليگاسىندا جالعاستىراتىن سياقتى. سارسەنبى كۇنى يسپانيالىق كلۋب «ينتەردى» قابىلداپ, ءسال بولعاندا جەڭىلىپ قالا جازدادى. ويىن 3:3 ەسەبىمەن تەڭ اياقتالدى. الاڭ يەلەرى ءۇشىنشى گولدى تورەشى قوسقان قوسىمشا مينۋتتا سوقتى.

جەڭىستەن سوڭعى مينۋتتاردا ايىرىلىپ قالعان «ينتەر» كەلەسى تۋردا «ۆيكتوريامەن» ءوز الاڭىندا وينايدى. وسى ويىندا ميلاندىق كلۋب جەڭىسكە جەتەتىن بولسا, پلەي-وفف باسەكەسىنىڭ جولداماسىن جامباستارىنا باسادى. مۇنداي جاعدايدا «بارسەلونا» ەۋروپا ليگاسىنا ات باسىن بۇرادى.

№

كوماندا

و

ۇ

ت

ج

د-ا

ۇپ

1

باۆاريا

4

4

0

0

13-2

12

2

ينتەر

4

2

1

1

6-5

7

3

بارسەلونا

4

1

1

2

8-7

4

4

ۆيكتوريا

4

0

0

4

3-16

0

 D توبى

«سپورتينگ» (پورتۋگاليا) – «مارسەل» (فران­تسيا) – 0:2 (گەندۋزي, 20, سانچەس, 30);

«توتتەنحەم» (انگليا) – «اينتراحت» (گەرمانيا) – 3:2 (سون حىن مين, 19, 36, كەين, 28-پەن. – كامادا, 14, اليدۋ, 87);

ناعىز تارتىس وسى توپتا بولىپ جاتىر. ءدال قازىر قاي كوماندانىڭ پلەي-وفف باسەكەسىنە شىعاتىنىن ءدوپ باسىپ ايتۋ قيىن. ازىرگە توپ باستاۋشى – «توتتەنحەم». دەگەنمەن بارلىق ماسەلە سوڭعى ەكى تۋرعا قاراپ تۇر.

№

كوماندا

و

ۇ

ت

ج

د-ا

ۇپ

1

توتتەنحەم

4

2

1

1

5-4

7

2

مارسەل

4

2

0

2

6-4

6

3

سپورتينگ

4

2

0

2

6-6

6

4

اينتراحت

4

1

1

2

3-6

4

 ە توبى

«ميلان» (يتاليا) – «چەلسي» (انگليا) – 0:2 (جورجينو, 21, وبامەيانگ, 34);

«دينامو» (حورۆاتيا) – «زالتسبۋرگ» (اۋستريا) – 1:1 (ليۋبيچي, 40 – زايۆالد, 12);

لوندوننىڭ «چەلسيىنەن» قاتارىنان ەكى رەت ۇتىلعان يتاليانىڭ «ميلانى» ەندى قالعان ەكى ويىندا جەڭىسكە جەتپەسە, پلەي-وفف جولداماسىنان الىستايدى. يتاليا كلۋبى 4-تۋردا «اقسۇيەكتەردى» قابىلداعان ەدى. ويىنىڭ 18-مينۋتىندا «ميلان» قورعاۋشىسى فيكايو توموري قىزىل قاعاز الىپ, ويىننان قۋىلدى. وسىدان كەيىن «چەلسي» جاسىل الاڭدا ۇستەمدىك قۇرىپ, الاڭ يەلەرىنىڭ قاقپاسىنا ەكى دوپ سوقتى. ءبىر قىزىعى, لوندوندىق كلۋب اراعا 19 جىل سالىپ, يتاليا جەرىندە جەڭىسكە جەتتى. 2003 جىلى ولار ءريمنىڭ «لاتسيوسىن» 4:0 ەسەبىمەن ۇتقان ەدى. سودان بەرى اپەنين تۇبەگىنە جاساعان جورىقتارىنىڭ بارلىعى ءساتسىز اياقتالعان.

№

كوماندا

و

ۇ

ت

ج

د-ا

ۇپ

1

چەلسي

4

2

1

1

6-2

7

2

زالتسبۋرگ

4

1

3

0

4-3

6

3

ميلان

4

1

1

2

4-7

4

4

دينامو

4

1

1

2

3-5

4

 F توبى

«سەلتيك» (شوتلانديا) – «لەيپتسيگ» (گەرمانيا) – 0:2 (ۆەرنەر, 75, فورسبەر, 74);

«شاحتەر» (ۋكراينا) – «رەال» (يسپانيا) – 1:1 (زۋبكوۆ, 46 – ريۋديگەر, 90+5);

چەمپيوندار ليگاسىنىڭ قازىرگى جەڭىمپازى «رەال» پلەي-وفف ماسەلەسىن شەشىپ تاستادى. 4-تۋردا «شاحتەرمەن» جاسىل الاڭعا شىققان كارلو انچەلوتتي شاكىرتتەرى ۋكرايندىقتارمەن تەڭ ءتۇستى. ونىڭ وزىندە ەسەپتى ويىننىڭ سوڭعى مينۋتىندا تەڭەستىردى. «رەال» الداعى ەكى ويىندا جەڭىلسە دە, ەكىنشى ورىننان تومەندەمەيدى. ويتكەنى سوڭعى 6-تۋردا «شاحتەر» مەن «لەيپتسيگ» ءوزارا باق سىنايدى. بۇل ويىندا ەكى كوماندانىڭ ءبىرى ۇپاي جوعالتاتىنى ءسوزسىز.

5-تۋردا «رەال» سىرت الاڭدا «لەيپتسيگپەن» وينايدى. «سەلتيك» «شاحتەردى» قابىلدايدى.

№

كوماندا

و

ۇ

ت

ج

د-ا

ۇپ

1

رەال

4

3

1

0

8-2

10

2

لەيپتسيگ

4

2

0

2

6-7

6

3

شاحتەر

4

1

2

1

7-5

5

4

سەلتيك

4

0

1

3

2-9

1

 G توبى

«كوپەنگاگەن» (دانيا) – «مانچەستەر سيتي» (انگليا) – 0:0

«بورۋسسيا-د» (گەرمانيا) – «سەۆيليا» (يسپانيا) – 1:1 (بەللينگەم, 35 – كۋاسسي, 18);

دانيادا «كوپەنگاگەنمەن» ويناعان «مانچەستەر سيتي» الاڭ يەلەرىنىڭ قاقپا ق ۇلىپىن بۇزا المادى. ويىن 0:0 ەسەبىمەن تەڭ اياقتالدى. بۇل ويىندا «مانچەستەر سيتي» باپكەرى حوسەپ گۆارديوللا كوماندانىڭ سۇرمەرگەنى ەرلين حولاندتى الاڭعا شىعارمادى. تەڭ ويىن «مانچەستەر ءسيتيدىڭ» كەلەسى اينالىمعا شىعۋىنا كەدەرگى بولعان جوق. قاتار وتكەن ويىندا دورتمۋندتىڭ «بورۋسسياسى» «سەۆيليامەن» تەڭ ءتۇستى – 1:1.

№

كوماندا

و

ۇ

ت

ج

د-ا

ۇپ

1

مان. سيتي

4

3

1

0

11-1

10

2

بورۋسسيا-د

4

2

1

1

9-4

7

3

سەۆيليا

4

0

2

2

2-9

2

4

كوپەنگاگەن

4

0

2

2

0-8

2

 ن توبى

«ماككابي-حايفا» (يزرايل) – «يۋۆەنتۋس» (يتاليا) – 2:0 (اتسيلي, 7, 42);

پسج (فرانتسيا) – «بەنفيكا» (پورتۋگاليا) – 1:1 (مباپپە, 40-پەن – جواۋ ماريۋ, 62-پەن.);

№

كوماندا

و

ۇ

ت

ج

د-ا

ۇپ

1

پسج

4

2

2

0

7-4

8

2

بەنفيكا

4

2

2

0

6-3

8

3

يۋۆەنتۋس

4

1

0

3

5-7

3

4

ماككابي-ح

4

1

0

3

4-8

3

تۋريندىك «يۋۆەنتۋستىڭ» باسىنان باق تايعان سياقتى. 4-تۋردا ءيزرايلدىڭ ماككابي» كومانداسىنان 0:2 ەسەبىمەن جەڭىلگەن يتاليالىق ۇجىم توپتان شىعا الماي قالۋى دا عاجاپ ەمەس. كەلەسى تۋردا «يۋۆەنتۋس» «بەنفيكامەن» سىرت الاڭدا وينايدى. بۇل ماتچتا تەڭ ويىننىڭ ءوزى «يۋۆەنتۋستى» قۇتقارا المايدى. ماسسيميليانو اللەگري شاكىرتتەرىنە تەك قانا جەڭىس كەرەك. بىراق جەڭگەننىڭ وزىندە سوڭعى تۋردا پسج كلۋبىنان ايلاسىن اسىرا الماسا, ەۋروپا ليگاسىنا جول تارتۋى مۇمكىن.

«يۋۆەنتۋستىڭ» جاعدايىن قيىنداتىپ تاستاعان «ماككابي» چەمپيوندار ليگاسىنىڭ توپتىق باسەكەسىندە سوڭعى رەت 2002 جىلى جەڭىسكە جەتكەن. ول كەزدە يزرايلدىك كوماندا «مانچەستەر يۋنايتەدتى» 3:0 ەسەبىمەن ۇتقان.