قازاقستاننىڭ اۆياتسيالىق اكىمشىلىگى iPADIS حالىقارالىق ۇيىمىمەن ءوزارا ىنتىماقتاستىق تۋرالى مەموراندۋمعا قول قويدى, دەپ حابارلايدى Egemen.kz قر يدم ازاماتتىق اۆياتسيا كوميتەتىنىڭ ءباسپاسوز قىزمەتىنە سىلتەمە جاساپ.
كەلىسىم اياسىندا قر يدم ازاماتتىق اۆياتسيا كوميتەتى وتاندىق اۆياتسيا سالاسىندا تۇجىرىمدامالىق جانە پراكتيكالىق تاسىلدەردى ارتتىرۋدى جانە حالىقارالىق ىنتىماقتاستىقتىڭ وزىق ستاندارتتارىن دامىتۋدى كوزدەپ وتىر. سونىمەن قاتار تاراپتار ۇشۋ قاۋىپسىزدىگى, اەروناۆيگاتسيالىق الەۋەت پەن تيىمدىلىك, اۆياتسيالىق قاۋىپسىزدىك جانە راسىمدەردى وڭايلاتۋ, اۋە كولىگىن ەكونوميكالىق دامىتۋ جانە قورشاعان ورتانى قورعاۋ سالالارىندا تىعىز ىنتىماقتاستىق ورناتۋعا نيەتتى.
«وسى قۇجات ارقىلى قازاقستان ازاماتتىق اۆياتسيا سەكتورىن دامىتۋ جونىندەگى ءوز مىندەتتەمەلەرىن نىعايتادى جانە ەلىمىزدىڭ اۆياتسيالىق اكىمشىلىگى iPADIS سىندى ىرگەلى ۇيىمدارمەن بايلانىسىن ارتتىرادى. بۇل – اۆياتسيا سەكتورىنا وڭ اسەر ەتەتىن يننوۆاتسيالىق يدەيالاردى ازىرلەۋگە تىڭ سەرپىن بەرمەك», دەپ اتاپ ءوتتى قازاقستاننىڭ اۆياتسيالىق اكىمشىلىگىنىڭ باس ديرەكتورى كاتالين رادۋ.
ءوز كەزەگىندە iPADIS حالىقارالىق ۇيىمىنىڭ پرەزيدەنتى ولۋمۋيۆا بەنارد اليۋ قازاقستاننىڭ اۋە اكىمشىلىگىمەن تىعىز ارىپتەستىك قارىم-قاتىناس ورناتۋعا مۇددەلى ەكەندىگىن جەتكىزدى.
ء«بىز ءوز تاراپىمىزدان يننوۆاتسيالىق تەحنولوگيالار, وقىتۋ, جولاۋشىلار قۇقىعىن قورعاۋ جانە اۋە تاسىمالىنىڭ جالپىعا بىردەي قولجەتىمدىلىگى سياقتى ماڭىزدى ماسەلەلەردە ءاردايىم قولداۋ كورسەتۋگە دايارمىز», دەدى ولۋمۋيۆا بەنارد اليۋ.
ايتا كەتەيىك, iPADIS الەمدىك اۆياتسيا سالاسىنداعى وڭ وزگەرىستەردى ءتيىمدى قورعاۋ ءۇشىن قۇرىلعان. ونىڭ نەگىزگى مىندەتى – حالىقارالىق, ايماقتىق جانە ۇلتتىق دەڭگەيدەگى اۆياتسيا ساياساتى مەن باعدارلامالاردى ازاماتتىق قوعام تاراپىنان وڭتايلى قاراستىرۋ. ۇيىمنىڭ شتاب-پاتەرى كانادانىڭ مونرەال قالاسىندا ورنالاسقان.