ءورت 17 قازان كۇنى تاڭەرتەڭ ساعات 10:00 شاماسىندا اقساي شاتقالىندا باستالعان. وقيعا ورنىندا تۇسىرىلگەن ۆيدەو الەۋمەتتىك جەلىدە تارادى, دەپ حابارلايدى Egemen.kz.
الماتى وبلىسى توتەنشە جاعدايلار دەپارتامەنتىنىڭ حابارلاۋىنشا, كەزەكشى بولىمشەنىڭ باسقارۋ پۋلتىنە رايىمبەك اۋىلدىق وكرۋگى, كوكلاساي ساياجايى ماڭىندا ءورت شىققانى تۋرالى حابارلاما تاڭعى ساعات 10.00-دە تۇسكەن.
«وقيعا ورنىنا دەرەۋ توتەنشە جاعدايلار دەپارتامەنتىنىڭ 12 قىزمەتكەرى مەن ءۇش ارنايى تەحنيكا جونەلتىلدى. سونىمەن قاتار ىلە-الاتاۋ ۇلتتىق تابيعي پاركىنىڭ 20 قىزمەتكەرى مەن ارنايى ءتورت ءورت ءسوندىرۋ تەحنيكاسى جىبەرىلدى.
ءورت سوندىرۋشىلەرى اتالعان ورىنعا 10.39-دا جەتكەن. كەيىن تاۋ باۋرايىندا, شامامەن 10 گا اۋماقتا ءشوپ باعاناسىندا ءورت شىققانى انىقتالدى. ەلدى مەكەندەرگە قاۋىپ ءتونىپ تۇرعان جوق», دەدى مينيسترلىكتىڭ ءباسپاسوز قىزمەتى.
قازىر ءورت ءسوندىرۋ جۇمىستارى جالعاسۋدا.