قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ رەسەي فەدەراتسياسىنا ەكسپورتتى ارتتىرۋعا دايىن ەكەنىن مالىمدەدى, دەپ حابارلايدى, Egemen.kz.
«قازىرگى تاڭدا وندىرىستىك قۋاتتارىمىزدى دامىتا وتىرىپ, ءبىز ءوزارا ءتيىمدى نەگىزدە شەتەلدىك ونىمدەردىڭ كوپتەگەن تۇرلەرىن ءبىر - بىرىمەن الماستىرا الامىز. ەكسپورتتىق-يمپورتتىق وپەراتسيالاردى تالداۋ بۇل باعىتتا كەڭ مۇمكىندىكتەر بارىن كورسەتەدى», دەدى قاسىم-جومارت توقاەۆ بۇگىن استانادا ءوتىپ جاتقان «ورتالىق ازيا-رەسەي» سامميتىندە.
وسىعان بايلانىستى پرەزيدەنت مىسالدار كەلتىردى.
«ماسەلەن, قازاقستان ورتالىق ازيا ەلدەرىنە ەكسپورتتى 1 ملرد دوللارعا ارتتىرۋعا دايىن. سونداي-اق قازاقستاندىق ونىمدەردى رەسەي فەدەراتسياسىنا جەتكىزۋدى 1 ميلليارد دوللاردان استام كولەمدە ۇلعايتا الامىز. ءوڭىردىڭ باسقا مەملەكەتتەرىندە دە وسىنداي رەسۋرستار بار ەكەنىنە سەنىمدىمىن», دەپ تۇيىندەدى ءسوزىن مەملەكەت باسشىسى.