كەيىنگى كەزدەرى اشىق ارانداتۋشىلىق باعىتتاعى, مانيپۋلياتسيا اقپاراتتار كوبەيىپ كەتتى. بۇل تۋرالى اقپارات جانە قوعامدىق دامۋ ءمينيسترى دارحان قىدىرالى فەيسبۋكتەگى پاراقشاسىندا جازدى, دەپ حابارلايدى Egemen.kz.
«قازاقستاندا بولماعان وقيعانى وسى جەردە بولدى دەپ كورسەتۋ, فەيك اقپاراتتى تاراتۋدىڭ تۇپكى ماقساتى بەلگىلى. قازىر ەلىمىزدە ءوتىپ جاتقان حالىقارالىق ءىس-شارالار مەن كوپتەگەن ەلدىڭ ليدەرلەرىنىڭ كەلۋى, حالىقارالىق دەڭگەيدەگى ءتۇرلى تاريحي ماڭىزدى شەشىمدەردىڭ قابىلدانۋى قازاقستان يميدجىنە وڭ اسەر ەتەرى بەلگىلى. ال الگىندەي جالعان, ادەيى جاسالعان اقپاراتتىق شابۋىلدار ۋىزداي ۇيىپ وتىرعان ۇلتتىڭ بەرەكەسىن كەتىرۋ ءۇشىن ادەيى جاسالاتىنى انىق. سوندىقتان اسىرەسە, ارىپتەستەرىمە الەۋمەتتىك جەلىدەگى تەكسەرىلمەگەن اقپاراتتارعا سەرگەك قاراپ, تەك قانا دايەكتى مالىمەتتەرگە سۇيەنۋىن سۇرايمىز», دەپ جازىلعان ماتىندە.