پاۆلودار وبلىسىنىڭ تاۋار وندىرۋشىلەرى ەلورداعا كەلەدى

ءوڭىردىڭ اۋىل شارۋاشىلىعى تاۋارىن وندىرۋشىلەر مەن وڭدەۋشى كاسىپورىندارى ەلوردا تۇرعىندارى مەن قوناقتارى ءۇشىن 520 توننا ءونىم اكەلەدى. اتاپ ايتقاندا استاناعا 280 توننا كارتوپ, 60 توننا ءسابىز, 40 توننا ورامجاپىراق, 15 توننا قىزىلشا, 28 توننا سيىر ەتى, 28 توننا جىلقى ەتى, 11 توننا ءسۇت ونىمدەرى, 10 توننا بالىق, 8,5 توننا بال, 7 توننا شۇجىق ونىمدەرى جانە جارتىلاي فابريكاتتار, 6 توننا وسىمدىك مايى, 3 توننا قوي ەتى, 2 توننا قۇس ەتى جانە 100 مىڭ دانا جۇمىرتقا جەتكىزىلەدى.وتكەن جىلدارداعى تاجىريبە بويىنشا پاۆلودارلىق اۋىل شارۋاشىلىعى تاۋارىن وندىرۋشىلەردىڭ بارلىق ونىمدەرىنىڭ ىشىندە استانالىقتار اراسىندا ەت, ەت ونىمدەرى, بال, كارتوپ جانە كوكونىستەر ەرەكشە تانىمال.ايتا كەتۋ كەرەك, اۋىلشارۋاشىلىق بازارلارى تاۋار وندىرۋشىلەرگە ءوز ونىمدەرىن تىكەلەي تۇتىنۋشىلارعا دەلدالسىز ساتۋعا مۇمكىندىك بەرەدى, ناتيجەسىندە تاۋارلاردىڭ باعاسى نارىقتىق باعادان 10-20% تومەن بولادى.جارمەڭكە بارىسىندا ەلوردا تۇرعىندارى مەن قوناقتارىنا ارنالعان كونتسەرتتىك باعدارلاما دايىندالدى.ەلوردادا اۋىلشارۋاشىلىق جارمەڭكەلەرى ءار دەمالىس كۇندەرى 30 قازانعا دەيىن وتەدى.