مەملەكەت باسشىسى قاسىم-جومارت توقاەۆ قاتار ءامىرى شەيح ءتاميم بەن حاماد ءال ءتانيدى «التىن قىران» وردەنىمەن ماراپاتتادى, دەپ حابارلايدى Egemen.kz اقورداعا سىلتەمە جاساپ.
پرەزيدەنت قاسىم-جومارت توقاەۆ قازاقستانعا مەملەكەتتىك ساپارمەن كەلگەن قاتار ءامىرى شەيح ءتاميم بەن حاماد ءال تانيگە قازاقستان رەسپۋبليكاسىنىڭ ەڭ جوعارى مەملەكەتتىك ناگراداسى – «التىن قىران» وردەنىن تابىس ەتتى.
وردەن تابىستاۋ راسىمىندە مەملەكەت باسشىسى قاتار ءامىرىنىڭ حالىق الدىنداعى ابىروي-بەدەلىن, ەل باسقارۋ ىسىندەگى دانالىعى مەن ەرەكشە تۇلعالىق قاسيەتتەرىن, الەمدەگى بەيبىتشىلىكتى ساقتاۋعا جانە تۇراقتىلىقتى قامتاماسىز ەتۋگە قوسقان زور ۇلەسىن اتاپ ءوتتى.
قاسىم-جومارت توقاەۆ بيىل دوحادا وتكەن كەزدەسۋدە شەيح ءتاميم بەن حاماد ءال تانيمەن ستراتەگيالىق سەرىكتەستىك ورناتۋ جونىندە ۋاعدالاستىققا قول جەتكىزگەنىن, ەكى مەملەكەت اراسىنداعى دوستىق قارىم-قاتىناستى نىعايتۋعا بار كۇش-جىگەرىن جۇمسايتىنىن ايتتى.