«Eurovision-2023» ليۆەرپۋلدە وتەتىن بولدى, دەپ حابارلايدى Egemen.kz BBC سايتىنا سىلتەمە جاساپ.
ادەتتە جەڭىمپاز ەل كەلەسى جىلى بايقاۋدى وزىندە ۇيىمداستىرادى, سوندىقتان «Eurovision-2023» ۋكراينادا ءوتۋى كەرەك ەدى. الايدا, «Eurovision» ۇيىمداستىرۋ كوميتەتى قاۋىپسىزدىك ماقساتىندا كونكۋرستى ۇلىبريتانياعا كوشىرۋ تۋرالى شەشىم قابىلدادى. سەبەبى, سوڭعى بايقاۋدا ەكىنشى ورىن بريتاندىق ءانشى سەم رايدەرگە بۇيىردى.
باستاپقىدا بريتاندىق جيىرما قالا بايقاۋعا قىزىعۋشىلىق تانىتتى. بىراق سوڭىندا ولاردىڭ سانى ەكىگە - ليۆەرپۋل مەن گلازگوعا دەيىن قىسقاردى.
بۇرىن ۇلىبريتانيا بايقاۋدى سەگىز رەت قابىلداعان. بىراق ول ەشقاشان ليۆەرپۋلدە دە, گلازگودا دا وتكەن ەمەس.
«Eurovision» M&s Bank Arena پورت ارەناسىندا, 11 مىڭ كورەرمەنگە ارنالعان, كونگرەسس ورتالىعىنىڭ, قوناق ۇيلەردىڭ جانە تەمىرجول ۆوكزالىنىڭ جانىندا وتەدى.