2014 جىلعى 18 ءساۋىر, استانا, ۇكىمەت ءۇيى
«ەلەكتر ەنەرگياسىنىڭ تەڭگەرىمدەۋشى نارىعىنىڭ جۇمىس ىستەۋى قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 29 قاراشاداعى №1508 قاۋلىسىنا وزگەرىستەر مەن تولىقتىرۋ ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ەلەكتر ەنەرگياسىنىڭ تەڭگەرىمدەۋشى نارىعىنىڭ جۇمىس ىستەۋى قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 29 قاراشاداعى № 1508 قاۋلىسىنا (قازاقستان رەسپۋبليكاسىنىڭ ءپۇاج-ى, 2013 ج., № 1, 17-قۇجات) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن ەلەكتر ەنەرگياسىنىڭ تەڭگەرىمدەۋشى نارىعىنىڭ جۇمىس ىستەۋى قاعيدالارىندا:
2-تارماق مىناداي مازمۇنداعى 10-1) تارماقشامەن تولىقتىرىلسىن:
«10-1) جاڭارتىلاتىن ەنەرگيا كوزدەرىن قولداۋ جونىندەگى ەسەپ ايىرىسۋ- قارجى ورتالىعى (بۇدان ءارى – ەسەپ ايىرىسۋ-قارجى ورتالىعى) – جۇيەلىك وپەراتور قۇراتىن جانە قازاقستان رەسپۋبليكاسىنىڭ ۇكىمەتى ايقىندايتىن, جاڭارتىلاتىن ەنەرگيا كوزدەرىن پايدالانۋ جونىندەگى وبەكتىلەر وندىرگەن جانە قازاقستان رەسپۋبليكاسىنىڭ بىرىڭعاي ەلەكتر ەنەرگەتيكاسى جۇيەسىنىڭ ەلەكتر جەلىلەرىنە بەرىلگەن ەلەكتر ەنەرگياسىن ورتالىقتاندىرىلعان تۇردە ساتىپ الۋدى جانە ساتۋدى «جاڭارتىلاتىن ەنەرگيا كوزدەرىن پايدالانۋدى قولداۋ تۋرالى» 2009 جىلعى 4 شىلدەدەگى قازاقستان رەسپۋبليكاسىنىڭ زاڭىندا كوزدەلگەن تارتىپپەن جۇزەگە اسىراتىن زاڭدى تۇلعا;»;
46-تارماقتا:
ءبىرىنشى ابزاتس مىناداي رەداكتسيادا جازىلسىن:
«46. جۇيەلىك وپەراتور, ەسەپ ايىرىسۋ-قارجى ورتالىعىن قوسپاعاندا, ءاربىر تەڭگەرىم پروۆايدەرى ءۇشىن تاۋلىكتىڭ ءاربىر ساعاتىنا ەلەكتر ەنەرگياسىنىڭ تەڭگەرىمسىزدىگى ءۇشىن تولەمدەردى ەسەپتەۋدى جۇزەگە اسىرادى:»;
4) تارماقشا مىناداي رەداكتسيادا جازىلسىن:
«4) ەسەپ ايىرىسۋ كەزەڭىنىڭ ناتيجەلەرى بويىنشا شەكتەس مەملەكەتتەردىڭ ۇيىمدارىمەن جانە شارۋاشىلىق جۇرگىزۋشى سۋبەكتىلەرىمەن, ەسەپ ايىرىسۋ- قارجى ورتالىعىمەن جاسالعان شارتتار مەن ءوزارا قارىم-قاتىناستاردىڭ وزگە تالاپتارىمەن نەگىزدەلگەن ەسەپ ايىرىسۋ دەبەتى مەن ەسەپ ايىرىسۋ كرەديتىنىڭ كولەمدەرى سايكەس كەلمەگەن جاعدايدا, ەلەكتر ەنەرگياسى وڭ تەڭگەرىمسىزدىگىنىڭ ساعاتتىق باعالارى تۇزەتۋشى كوەففيتسيەنتتى ەسەپكە الا وتىرىپ, قايتا ەسەپتەلەدى;».
2. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.