2014 جىلعى 16 ءساۋىر, استانا, ۇكىمەت ءۇيى
شەكارالىق بەلدەۋدىڭ, كارانتيندىك بەلدەۋدىڭ جانە شەكارالىق ايماقتىڭ شەكتەرىن بەلگىلەۋ تۋرالى
2003 جىلعى 20 ماۋسىمداعى قازاقستان رەسپۋبليكاسى جەر كودەكسىنىڭ 120-بابىنا جانە «قازاقستان رەسپۋبليكاسىنىڭ مەملەكەتتىك شەكاراسى تۋرالى» 2013 جىلعى 16 قاڭتارداعى قازاقستان رەسپۋبليكاسىنىڭ زاڭى 55-بابىنىڭ 4) تارماقشاسىنا سايكەس قازاقستان رەسپۋبليكاسىنىڭ ۇكىمەتى قاۋلى ەتەدى:
1. مىناداي:
1) مەملەكەتتىك شەكاراعا شەكتەسىپ جاتقان:
قىتاي حالىق رەسپۋبليكاسىمەن – ەنى ەكى مىڭ مەتر;
رەسەي فەدەراتسياسىمەن, قىرعىز رەسپۋبليكاسىمەن, وزبەكستان رەسپۋبليكاسىمەن جانە تۇرىكمەنستانمەن – ەنى ءجۇز مەتر;
قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ شەكارا قىزمەتى تىكەلەي مەملەكەتتىك شەكارانىڭ بويىندا ينجەنەرلىك قۇرىلىستار مەن بوگەۋىشتەردىڭ شەبىن جابدىقتاعان كورسەتىلگەن ۋچاسكەلەردە كورسەتىلگەن شەپتىڭ شەكاراسىنا دەيىنگى شەكارالىق بەلدەۋدىڭ;
2) ەنى ەلۋ مەترگە دەيىن, بىراق وتىز مەتردەن كەم ەمەس شەكارالىق بەلدەۋ شەگىندەگى كارانتيندىك بەلدەۋدىڭ;
3) مىناداي:
قىتاي حالىق رەسپۋبليكاسىمەن – شەكارالىق بەلدەۋگە تىكەلەي شەكتەسىپ جاتقان قازاقستان رەسپۋبليكاسىنىڭ اكىمشىلىك-اۋماقتىق بىرلىكتەرىنىڭ (اۋداندارى) اۋماقتارى شەگىندەگى;
رەسەي فەدەراتسياسىمەن, قىرعىز رەسپۋبليكاسىمەن, وزبەكستان رەسپۋبليكاسىمەن جانە تۇرىكمەنستانمەن – شەكارالىق بەلدەۋگە تىكەلەي شەكتەسىپ جاتقان قازاقستان رەسپۋبليكاسىنىڭ اكىمشىلىك-اۋماقتىق بىرلىكتەرى اۋماعىنىڭ جيىرما بەس كيلومەتر شەگىندەگى;
كاسپي تەڭىزىنىڭ جاعالاۋى بويىنشا – جاعالاۋدىڭ قۇمدى قايراڭىنا تىكەلەي شەكتەسىپ جاتقان اۋماعىنىڭ جيىرما بەس كيلومەتر شەگىندەگى شەكارالىق ايماقتىڭ شەكتەرى بەلگىلەنسىن.
2. مىنالاردىڭ كۇشى جويىلدى دەپ تانىلسىن:
1) «قازاقستان رەسپۋبليكاسىنىڭ مەملەكەتتىك شەكاراسى تۋرالى» قازاقستان رەسپۋبليكاسى زاڭىنىڭ ورىندالۋىن قامتاماسىز ەتۋ جونىندەگى شارالار تۋرالى» قازاقستان رەسپۋبليكاسى
مينيسترلەر كابينەتىنىڭ 1993 جىلعى 30 ماۋسىمداعى №552 قاۋلىسى (قازاقستان رەسپۋبليكاسىنىڭ ءپۇاج-ى, 1993 ج., № 25, 306-قۇجات);
2) «قازاقستان رەسپۋبليكاسىنىڭ مەملەكەتتىك شەكاراسىن كۇزەتۋ مەن قورعاۋدى قامتاماسىز ەتۋدىڭ كەيبىر ماسەلەلەرى تۋرالى» قازاقستان رەسپۋبليكاسى ۇكىمەتىنىڭ 2005 جىلعى 22 شىلدەدەگى .№771 قاۋلىسىنىڭ (قازاقستان رەسپۋبليكاسىنىڭ ءپۇاج-ى, 2005 ج., №31, 409-قۇجات) 1, 4-تارماقتارى;
3) «قازاقستان رەسپۋبليكاسى ۇكىمەتىنىڭ كەيبىر شەشىمدەرىنە وزگەرتۋلەر ەنگىزۋ جانە كۇشى جويىلعان دەپ تانۋ تۋرالى» قازاقستان رەسپۋبليكاسى ۇكىمەتىنىڭ 1996 جىلعى 17 مامىرداعى №609 قاۋلىسىمەن بەكىتىلگەن قازاقستان رەسپۋبليكاسى ۇكىمەتىنىڭ شەشىمدەرىنە ەنگىزىلەتىن وزگەرتۋلەردىڭ (قازاقستان رەسپۋبليكاسىنىڭ ءپۇاج-ى, 1996 ج., № 28, 190-قۇجات) 3-تارماعى.
3. وسى قاۋلى العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.