مەملەكەت باسشىسى قاراعاندى وبلىسىنا جۇمىس ساپارى بارىسىندا اۆتوبۋس جانە كوممەرتسيالىق تەحنيكا وندىرەتىن QazTehna زاۋىتىنىڭ جۇمىسىمەن تانىستى, دەپ حابارلايدى Egemen.kz پرەزيدەنتتىڭ ءباسپاسوز قىزمەتىنە سىلتەمە جاساپ.
پرەزيدەنتكە كاسىپورىن جۇمىسىنىڭ العاشقى ناتيجەلەرى تۋرالى باياندالدى.
زاۋىت 2021 جىلدان بەرى جولاۋشىلار تاسىمالىنا ارنالعان 347 اۆتوبۋس پەن ەلەكتروبۋس قۇراستىرىپ شىعارعان. بيىل جىل سوڭىنا دەيىن قوعامدىق كولىك جەلىسىن جاڭارتۋ باعدارلاماسى اياسىندا وڭىرلەرگە 700-دەن اسا اۆتوبۋس پەن ەلەكتروبۋس جەتكىزۋ جوسپارلانىپ وتىر. ونىڭ ىشىندە 208 اۆتوبۋس ەلىمىزدىڭ توعىز وبلىسىنداعى ءبىلىم بەرۋ ۇيىمدارىنا جىبەرىلمەك.
زاۋىت الەمدەگى جولاۋشىلار كولىگىن ءوندىرۋشى Yutong كومپانياسىمەن سەرىكتەستىك ورناتقان. سەرىكتەستىك اياسىندا كومپانيا قازاقستاندىق زاۋىتقا قاجەتتى تەحنولوگيانى كەزەڭ-كەزەڭىمەن بەرەدى. قازىرگى كەزدە اۆتوبۋستار بولشەگىنىڭ 33 پايىزى جەرگىلىكتى ماتەريالداردان قۇراستىرىلادى. الداعى بەس جىلدا بۇل كورسەتكىشتى 50 پايىزدان اسىرۋ جوسپارلانىپ وتىر.
بۇگىندە زاۋىتتا 560 ادام جۇمىس ىستەيدى. ەڭبەك ۇجىمىنىڭ باسىم بولىگى - ساران قالاسىنىڭ جەرگىلىكتى تۇرعىندارى.