پرەمەر-ءمينيستردىڭ ورىنباسارى – قارجى ءمينيسترى ەرۇلان جاماۋباەۆ مەملەكەتتىك ورگانداردىڭ, «اتامەكەن» ۇكپ جانە بيزنەس-قوعامداستىق وكىلدەرىنىڭ قاتىسۋىمەن كاسىپكەرلىكتىڭ ناقتى ماسەلەسى بويىنشا جيىن وتكىزدى, دەپ حابارلايدى Egemen.kz ۇكىمەتتىڭ باسپاسوز قىزمەتىنە سىلتەمە جاساپ.
جيىن بارىسىندا مەملەكەت باسشىسىنىڭ كاسىپكەرلىك قىزمەتتى «تازا پاراقتان» رەتتەۋدى ەنگىزۋ, سونداي-اق مەملەكەتتىك باقىلاۋ جانە قاداعالاۋ جۇيەسىن اۆتوماتتاندىرۋ جونىندەگى تاپسىرمالارىن ورىنداۋ ماسەلەلەرى قارالدى.
بيزنەس-قوعامداستىق وكىلدەرى سالىق پرەفەرەنتسيالارىنا, جەر قاتىناستارىنا, كولىك شىعىندارىن سۋبسيديالاۋعا, مەملەكەتتىك ساتىپ الۋ راسىمدەرىن جەتىلدىرۋگە جانە باسقا دا ماسەلەلەرگە قاتىستى تۇيىتكىلدەردى كوتەردى.
جيىن قورىتىندىسى بويىنشا ە. جاماۋباەۆ بىرقاتار ءتيىستى تاپسىرمالار بەردى, سونىڭ ىشىندە بەلگىلەنگەن مەرزىمدە رەتتەۋشى اكتىلەردى تالداۋدى اياقتاۋ بويىنشا.