بۇل تۋرالى مەملەكەت باسشىسى قاسىم-جومارت توقاەۆ اباي وبلىسىنىڭ جۇرتشىلىعىمەن كەزدەسۋىندە ايتتى, دەپ حابارلايدى Egemen.kz.
«سەمەي وتكەن عاسىردىڭ باسىندا قازاقتىڭ رۋحاني استاناسى سانالعان. اباي باستاپ, الاش ارىستارى جالعاعان ۇلى جول ۇلتىمىزدى ەسەيتىپ, مۇلدە جاڭا دەڭگەيگە كوتەردى. ولار قازاقتىڭ بولاشاعى قانداي بولۋى كەرەكتىگىن ايقىنداپ بەردى.ءبىز الىپتارىمىزدىڭ ىرگەلى يدەيالارىن ۇستانا وتىرىپ, ۇلتتىق جاڭعىرۋدىڭ جاڭا بەلەسىنە قادام باسۋىمىز كەرەك», دەدى ق.توقاەۆ.
بۇدان سوڭ, ول اباي اتاپ كورسەتكەن بەس اسىل قاسيەت ءبىزدىڭ بۇگىنگى ماقساتىمىزبەن تولىق ۇندەسەتىنىن ايتتى.
« ۇلى اباي «تولىق ادام» دەگەن ۇعىمدى قازاق قوعامىنا ۇسىنعان ەدى. تولىق ادام, مەنىڭشە, بۇل – بولمىسى كەمەل, كوزقاراسى تەرەڭ, كوكىرەگى وياۋ, ەڭبەكشىل ادام دەگەن ءسوز. وزدەرىڭىزگە ءمالىم, مەن قوعامدا جاڭا قۇندىلىقتار ورنىقتىرۋ قاجەتتىگى جونىندە ۇنەمى ايتىپ جۇرەمىن», دەدى پرەزيدەنت.