استانادا سپورت جانە دەنە شىنىقتىرۋ ىستەرى اگەنتتىگىنىڭ ۇيىمداستىرۋىمەن مەملەكەتتىك قىزمەتكەرلەر اراسىندا پرەزيدەنتتىك سىنامانى تاپسىرۋعا ارنالعان جارىستار باستالدى. بۇل تۋرالى egemen.kz ءتىلشىسى حابارلادى.
بۇل سىننىڭ ءبىرىنشى كەزەڭى 17-18 مامىر كۇندەرى وتسە, ەكىنشىسى 24-25 مامىردا وتەدى. سپورت جانە دەنە شىنىقتىرۋ ىستەرى اگەنتتىگى توراعاسىنىڭ ورىنباسارى سارسەن قۇرانبەكتىڭ ايتۋىنشا, وعان 9 مەملەكەتتىك ورگاننىڭ جانە 5 اگەنتتىككە باعىنىشتى كاسىپورىن, مەكەمەلەردىڭ 470-كە جۋىق قىزمەتكەرى قاتىسۋدا.
-پرەزيدەنتتىك سىناما تاپسىرۋ ەرىكتى تۇردە وتكىزىلەدى. ونىڭ باستى ماقساتى حالىقتىڭ بويىندا سالاماتتى ءومىر سالتىن قالىپتاستىرۋ, ازاماتتاردىڭ دەنە دايىندىعىن انىقتاۋ,- دەيدى س.قۇرانبەك.
وسى سىننىڭ ءبىرىنشى كەزەڭىندە 60, 100, 500, 1000, 2000, 3000 مەترگە جۇگىرۋ, مەن ۇزىندىققا سەكىرۋدەن جارىستار وتسە, ەكىنشى كەزەڭدە پنەۆماتيكالىق ۆينتوۆكادان اتۋ, تۋرنيككە تارتىلۋ مەن جۇزۋدەن سايىستار وتەدى.
داستان كەنجالين.
دەرەككوز: سپورت جانە دەنە شىنىقتىرۋ ىستەرى اگەنتتىگى.
فوتو: سپورت جانە دەنە شىنىقتىرۋ ىستەرى اگەنتتىگى.