قازاقستان رەسپۋبليكاسىنىڭ زاڭى №202-V قرز

رۇقساتتار جانە حابارلامالار تۋرالى

وسى زاڭ جەكەشە كاسىپكەرلىك سۋبەكتىلەرىنىڭ جانە وسى زاڭدا كوزدەلگەن باسقا دا تۇلعالاردىڭ جەكەلەگەن قىزمەت تۇرلەرىن نەمەسە ارەكەتتەردى جۇزەگە اسىرۋىنىڭ رۇقسات بەرۋ نەمەسە حابارلاما جاساۋ ءتارتىبىن ەنگىزۋگە بايلانىستى قوعامدىق قاتىناستاردى رەتتەيدى. 1-تاراۋ. جالپى ەرەجەلەر 1-باپ. وسى زاڭدا پايدالانىلاتىن نەگىزگى ۇعىمدار وسى زاڭدا مىناداي نەگىزگى ۇعىمدار پايدالانىلادى: 1) اقپاراتتاندىرۋ سالاسىنداعى ۋاكىلەتتى ورگان – اقپاراتتاندىرۋ جانە «ەلەكتروندىق ۇكىمەت» سالاسىندا باسشىلىقتى جۇزەگە اسىراتىن ورتالىق مەملەكەتتىك ورگان; 2) بىلىكتىلىك تالاپتارى – ءوتىنىش بەرۋشىنىڭ جانە ليتسەنزياتتىڭ جەكەلەگەن ليتسەنزيالاناتىن قىزمەت تۇرىمەن جانە (نەمەسە) ليتسەنزيالاناتىن قىزمەت ءتۇرىنىڭ كىشى تۇرىمەن اينالىسۋ قابىلەتىن سيپاتتايتىن, ليتسەنزيا جانە (نەمەسە) ليتسەنزياعا قوسىمشا بەرۋ كەزىندە دە, ونىڭ جارامدىلىعى ۋاقىتىنىڭ بۇكىل كەزەڭىندە دە قويىلاتىن ساندىق جانە ساپالىق نورماتيۆتەر مەن كورسەتكىشتەر جيىنتىعى; 3) ەكىنشى ساناتتاعى رۇقساتتى بەرۋگە ۋاكىلەتتى ورگان – قازاقستان رەسپۋبليكاسىنىڭ زاڭناماسىنا سايكەس قۇزىرەتىنە رۇقسات بەرۋ ءراسىمىن جۇزەگە اسىرۋ جونىندەگى فۋنكتسيالار جاتقىزىلعان مەملەكەتتىك ورگان نەمەسە لاۋازىمدى تۇلعا; 4) ەكىنشى ساناتتاعى رۇقساتتى يەلەنۋشى – ەكىنشى ساناتتاعى جارامدى رۇقساتى بار جەكە نەمەسە زاڭدى تۇلعا; 5) ليتسەنزيالاناتىن قىزمەت ءتۇرى – اينالىسۋ ءۇشىن وسى زاڭعا سايكەس ليتسەنزيا الۋ تالاپ ەتىلەتىن قىزمەت ءتۇرى (بەلگىلى ءبىر ارەكەت (وپەراتسيا, ساقتاندىرۋ سىنىپتارى); 6) ليتسەنزيا – جەكە نەمەسە زاڭدى تۇلعاعا قاۋىپتىلىكتىڭ جوعارى دەڭگەيىنە بايلانىستى ليتسەنزيالاناتىن قىزمەت ءتۇرىن نە ليتسەنزيالاناتىن قىزمەتتىڭ كىشى ءتۇرىن جۇزەگە اسىرۋعا ليتسەنزيار بەرەتىن ءبىرىنشى ساناتتاعى رۇقسات; 7) ليتسەنزيار – وسى زاڭعا سايكەس ليتسەنزيالاۋدى جۇزەگە اسىراتىن مەملەكەتتىك ورگان; 8) ليتسەنزيات – ليتسەنزياسى بار جەكە نەمەسە زاڭدى تۇلعا; 9) ليتسەنزيالاناتىن قىزمەت ءتۇرىنىڭ كىشى ءتۇرى – ءبىر ليتسەنزيا اياسىندا ءتيىستى ليتسەنزيالاناتىن قىزمەت ءتۇرىن ناقتىلاۋ; 10) ليتسەنزيالاۋ – ليتسەنزيانى جانە (نەمەسە) ليتسەنزياعا قوسىمشالاردى جانە ليتسەنزيانىڭ جانە (نەمەسە) ليتسەنزياعا قوسىمشالاردىڭ تەلنۇسقاسىن بەرۋگە جانە قايتا رەسىمدەۋگە, رۇقساتتىق باقىلاۋدى جۇزەگە اسىرۋعا, ليتسەنزيانىڭ جانە (نەمەسە) ليتسەنزياعا قوسىمشالاردىڭ قولدانىسىن توقتاتا تۇرۋعا, قايتا باستاۋعا جانە توقتاتۋعا بايلانىستى ءىس-شارالار كەشەنى; 11) ليتسەنزيانىڭ يەلىكتەن شىعارىلاتىندىعى – باسقا جەكە نەمەسە زاڭدى تۇلعانىڭ بىلىكتىلىك تالاپتارىنا سايكەستىگىن تەكسەرۋ راسىمدەرىن جۇرگىزبەي, وعان ليتسەنزيانى قايتا رەسىمدەۋ مۇمكىندىگى; 12) جارامدى رۇقسات – بەرىلگەن, ۇزارتىلعان نەمەسە قايتا رەسىمدەلگەن, قولدانىسى وسى زاڭعا سايكەس توقتاتىلا تۇرماعان نەمەسە توقتاتىلماعان رۇقسات; 13) ءوتىنىش بەرۋشى – ليتسەنزيالاۋدان نەمەسە رۇقسات بەرۋ راسىمىنەن ءوتۋ ءۇشىن ءتيىستى رۇقسات بەرۋ ورگانىنا جۇگىنگەن نەمەسە حابارلاما جىبەرگەن جەكە نەمەسە زاڭدى تۇلعا, زاڭدى تۇلعانىڭ فيليالى نەمەسە وكىلدىگى, ليتسەنزيات, ەكىنشى ساناتتاعى رۇقساتتى يەلەنۋشى; 14) رەتتەۋشى مەملەكەتتىك ورگاندار – رۇقسات بەرۋ نەمەسە حابارلاما جاساۋ ءتارتىبى ەنگىزىلگەن نەمەسە ەنگىزۋ جوسپارلانىپ جاتقان ناقتى سالادا كاسىپكەرلىك قىزمەتتى رەتتەۋگە جاۋاپتى مەملەكەتتىك ورگاندار; 15) رۇقسات – رۇقسات بەرۋ ورگاندارى ليتسەنزيالاۋ نەمەسە رۇقسات بەرۋ ءراسىمى ارقىلى جۇزەگە اسىراتىن, جەكە نەمەسە زاڭدى تۇلعانىڭ قىزمەتتى نەمەسە ارەكەتتەردى (وپەراتسيالاردى) جۇزەگە اسىرۋعا قۇقىعىن راستاۋ; 16) رۇقساتتىق باقىلاۋ – رۇقسات بەرۋ ورگاندارىنىڭ رۇقسات جانە (نەمەسە) رۇقساتقا قوسىمشا بەرىلگەنگە دەيىن ءوتىنىش بەرۋشىنىڭ بىلىكتىلىك نەمەسە رۇقسات بەرۋ تالاپتارىنا سايكەستىگىن تەكسەرۋگە باعىتتالعان قىزمەتى, سونداي-اق, ولار بەرىلگەننەن كەيىن ليتسەنزياتتاردىڭ جانە ەكىنشى ساناتتاعى رۇقساتتى يەلەنۋشىلەردىڭ قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسىن ساقتاۋىن قامتاماسىز ەتۋ; 17) رۇقسات بەرۋ ورگاندارى – ليتسەنزيارلار جانە ەكىنشى ساناتتاعى رۇقساتتاردى بەرۋگە ۋاكىلەتتى ورگاندار; 18) رۇقسات بەرۋ ءتارتىبى – قىزمەتتى نەمەسە ارەكەتتەردى (وپەراتسيالاردى) جۇزەگە اسىرۋ باستالعانعا دەيىن تۇلعانىڭ وسى زاڭدا كوزدەلگەن جارامدى رۇقساتقا يە بولۋ مىندەتىن بەلگىلەۋ; 19) رۇقسات بەرۋ ءراسىمى – ەكىنشى ساناتتاعى رۇقساتتى بەرۋگە جانە وعان قاتىستى قازاقستان رەسپۋبليكاسىنىڭ زاڭناماسىندا كوزدەلگەن وزگە دە ارەكەتتەردى جاساۋعا, سونداي-اق رۇقساتتىق با­قى­لاۋدى جۇزەگە اسىرۋعا بايلانىستى ءىس-شارالار كەشەنى; 20) رۇقسات بەرۋ تالاپتارى – ءوتىنىش بەرۋشىنىڭ جانە ەكىنشى ساناتتاعى رۇقساتتى يەلەنۋشىنىڭ رۇقسات بەرۋ ءتارتىبى ەنگىزىلگەن جەكەلەگەن قىزمەت ءتۇرىن نەمەسە ارەكەتتى (وپەراتسيانى) جۇزەگە اسىرۋ قابىلەتىن سيپاتتايتىن, ەكىنشى ساناتتاعى رۇقساتتى بەرۋ كەزىندە دە, ونىڭ جارامدىلىعى ۋاقىتىنىڭ بۇكىل كەزەڭىندە دە قويىلاتىن ساندىق جانە ساپالىق نورماتيۆتەر مەن كورسەتكىشتەردىڭ جيىنتىعى; 21) رۇقساتتار مەن حابارلامالاردىڭ مەم­لە­كەت­تىك ەلەكتروندىق ءتىزىلىمى – بەرىلگەن, قاي­تا رەسىمدەلگەن, توقتاتىلا تۇرعان, كۇشى جو­يىل­عان, ۇزارتىلعان, قايتا باستالعان جانە قولدا­نىسى توقتاتىلعان رۇقساتتار جانە ولاردىڭ تەل­نۇسقالارى تۋرالى, سونداي-اق الىنعان حابارلامالار تۋرالى مالىمەتتەر قامتىلعان رۇقساتتار مەن حابارلامالاردىڭ مەملەكەتتىك اقپاراتتىق جۇيەسىنىڭ قۇراۋىشى; 22) رۇقساتتار جانە حابارلامالار سالاسىنداعى ۋاكىلەتتى ورگان – رۇقساتتار مەن حابارلامالار سالاسىنداعى باسشىلىقتى جانە سالاارالىق ۇيلەستىرۋدى جۇزەگە اسىراتىن ورتالىق مەملەكەتتىك ورگان; 23) رۇقسات بەرۋ نەمەسە حابارلاما جاساۋ ءتارتىبىنىڭ رەتتەۋشىلىك اسەرىن تالداۋ (بۇدان ءارى – رەتتەۋشىلىك اسەردى تالداۋ) – كەيىننەن مەملەكەتتىك رەتتەۋ ماقساتتارىنا قول جەتكىزۋدى باعالاۋعا مۇمكىندىك بەرەتىن, ەنگىزىلەتىن رۇقسات بەرۋ نەمەسە حابارلاما جاساۋ ءتارتىبىنىڭ پايداسى مەن شىعىندارىن سالىستىرۋدىڭ تالدامالىق ءراسىمى; 24) رۇقسات بەرۋ نەمەسە حابارلاما جاساۋ ءتارتىبىن قاتاڭداتۋ – ءوتىنىش بەرۋشىلەرگە, ليتسەن­زياتتارعا نەمەسە ەكىنشى ساناتتاعى رۇقسات­تاردى يەلەنۋشىلەرگە قوسىمشا تالاپتار, ءمىن­دەت­تەر بەلگىلەۋ نەمەسە جۇكتەمەنى وزگەشە ۇلعايتۋ; 25) رۇقساتتار مەن حابارلامالاردىڭ مەملە­كەتت­ىك اقپاراتتىق جۇيەسى – ليتسەنزيالاۋ­دى, سايكەستەندىرۋ ءنومىرىن بەرە وتىرىپ, رۇقسات الۋ بولىگىندە رۇقسات بەرۋ راسىمدەرىن ەلەكتروندىق تۇردە جۇزەگە اسىرۋعا, ءوتىنىش بەرۋشىنىڭ حابارلاما جىبەرۋىنە جانە وسى پروتسەستەردى قامتاماسىز ەتۋگە ارنالعان, «ەلەكتروندىق ۇكىمەتتىڭ» قۇراۋىشى بولىپ تابىلاتىن اقپاراتتىق جۇيە; 26) رۇقساتتىڭ ەلەكتروندىق نىسانى – رۇقساتتار مەن حابارلامالاردىڭ مەملەكەتتىك اقپاراتتىق جۇيەسىن پايدالانا وتىرىپ رەسىمدەلەتىن جانە الىناتىن, قاعاز جەتكىزگىشتەگى رۇقساتپەن ءمانى بىردەي ەلەكتروندىق قۇجات نىسانىنداعى رۇقسات; 27) تاريحي دەرەكتەر – حابارلامالاردى قابىل­داۋدى جۇزەگە اسىراتىن رۇقسات بەرۋ ورگاندارى مەن مەملەكەتتىك ورگانداردا رۇقساتتار مەن حابار­لامالاردىڭ مەملەكەتتىك ەلەكتروندىق ءتىزىلىمىن جۇرگىزۋ مۇمكىندىگى ۋاقىتشا نەمەسە ۇدايى بولماعان كەزەڭدە بەرىلگەن نەمەسە جىبەرىلگەن رۇقساتتار مەن حابارلامالار تۋرالى اقپارات; 28) حابارلاما – قازاقستان رەسپۋبليكاسىنىڭ ۇكىمەتى نەمەسە قازاقستان رەسپۋبليكاسىنىڭ ۇلتتىق بانكى بەكىتكەن نىسان بويىنشا ءوتىنىش بەرۋشى جاساعان, قىزمەتتىڭ نەمەسە ارەكەتتىڭ جۇزەگە اسىرىلۋىنىڭ باستالعانى نەمەسە توقتاتىلعانى تۋرالى اقپارات بەرەتىن قۇجات; 29) حابارلاما جاساۋ ءتارتىبى – قىزمەتتى نەمەسە ارەكەتتەردى جۇزەگە اسىرۋ باستالعانعا دەيىن جەكە نەمەسە زاڭدى تۇلعانىڭ بۇل تۋرالى وسى زاڭدا بەلگىلەنگەن تارتىپپەن حابارلامالاردى قابىلداۋدى جۇزەگە اسىراتىن مەملەكەتتىك ورگاندى حاباردار ەتۋ مىندەتىن بەلگىلەۋ; 30) ىلەسپە رۇقسات – ءوتىنىش بەرۋشىگە باسقا رۇقساتتى بەرۋ ءۇشىن قازاقستان رەسپۋبليكاسىنىڭ زاڭناماسىنا سايكەس مىندەتتى شارت بولىپ تابىلاتىن ەكىنشى ساناتتاعى رۇقسات; 31) ەكسپورت جانە يمپورت سالاسىنداعى ۋاكىلەتتى ورگاندار – ەكسپورت جانە يمپورت سالاسىندا باسشىلىقتى جۇزەگە اسىراتىن ورتالىق مەملەكەتتىك ورگاندار. 2-باپ. قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسى 1. قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسى قازاقستان رەسپۋبليكاسىنىڭ كونستيتۋتسياسىنا نەگىزدەلەدى جانە وسى زاڭ مەن قازاقستان رەسپۋبليكاسىنىڭ وزگە دە نورماتيۆتىك قۇقىقتىق اكتىلەرىنەن تۇرادى. 2. ەگەر قازاقستان رەسپۋبليكاسى راتيفي­كاتسيا­لاعان حالىقارالىق شارتتا وسى زاڭدا كوزدەل­گەننەن وزگەشە قاعيدالار بەلگىلەنگەن بولسا, وندا حالىقارالىق شارتتىڭ قاعيدالارى قولدانىلادى. 3-باپ. وسى زاڭنىڭ قولدانىلۋ سالاسى 1. وسى زاڭنىڭ كۇشى قازاقستان رەسپۋب­ليكا­سىنداعى ءبىر مەزگىلدە مىناداي بەلگىلەرگە سايكەس كەلەتىن بارلىق رۇقساتتار مەن حابارلامالارعا قولدانىلادى: 1) جەكە نەمەسە زاڭدى تۇلعا قىزمەتتى نەمەسە ارەكەتتى (وپەراتسيانى) جۇزەگە اسىرۋدى باستاۋ ءۇشىن – رۇقساتتى العان, ال حابارلامانى جىبەرگەن بولۋعا ءتيىس; 2) قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىنىڭ تالاپتارىنا سايكەس رۇقسات (ىلەسپە رۇقساتتان باسقا) الۋ جانە حابارلاما جىبەرۋ قازاقستان رەسپۋبليكاسىنىڭ زاڭناماسىندا بەلگىلەنگەن تۇلعالار توبى ءۇشىن مىندەتتى بولىپ تابىلادى, ال ولاردى الماي قىزمەتتى نەمەسە ارەكەتتەردى (وپەراتسيا­لاردى) جۇزەگە اسىرۋ قىلمىستىق نەمەسە اكىمشىلىك جاۋاپتىلىققا اكەپ سوعادى; 3) رۇقساتتى بەرۋدى جانە حابارلامانى قابىلداۋدى ۋاكىلەتتى مەملەكەتتىك ورگاندار نەمەسە ۋاكىلەتتى مەملەكەتتىك ورگانداردىڭ لاۋازىمدى ادامدارى جۇزەگە اسىرادى; 4) رۇقسات الۋ, حابارلاما جىبەرۋ جونىندەگى مىندەت: جەكە جانە زاڭدى تۇلعالارعا – جەكەشە كاسىپكەرلىك سۋبەكتىلەرىنە; رەتتەلەتىن كاسىبي قىزمەتپەن اينالىسۋعا قۇقىق الاتىن جەكە تۇلعالارعا; جەكەشە كاسىپكەرلىك سۋبەكتىلەرى بولىپ تابىلمايتىن, بىراق ءوزىنىڭ قىزمەتىن نەمەسە ارەكەتتەرىن (وپەراتسيالارىن) جۇزەگە اسىرۋ ءۇشىن جەكەشە كاسىپكەرلىك سۋبەكتىلەرى سياقتى سونداي رۇقساتتاردى الۋعا مىندەتتى جەكە جانە زاڭدى تۇلعالارعا جۇكتەلەدى; 5) رۇقسات بەرۋدى جۇزەگە اسىراتىن ورگاندار قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسى پرەزيدەنتىنىڭ جارلىقتارىندا, قازاقستان رەسپۋبليكاسى ۇكىمەتىنىڭ قاۋلىلارىندا نەمەسە قازاقستان رەسپۋبليكاسى ۇلتتىق بانكىنىڭ نورماتيۆتىك قۇقىقتىق اكتىلەرىندە بەلگىلەنگەن تالاپتارعا سايكەستىگىن تەكسەرۋدى جۇرگىزۋگە جانە قازاقستان رەسپۋبليكاسىنىڭ زاڭناماسىندا بەلگىلەنگەن تالاپتارعا سايكەس كەلمەگەن جاعدايلاردا رۇقسات بەرۋدەن باس تارتۋعا ۋاكىلەتتى بولادى. 2. وسى زاڭنىڭ كۇشى: 1) وسى زاڭعا 1 جانە 2-قوسىمشالاردا كوزدەل­مە­گەن, «تەحنيكالىق رەتتەۋ تۋرالى» قازاقستان رەس­پۋب­ليكاسىنىڭ زاڭىندا بەلگىلەنگەن رۇقساتتارعا; 2) زاڭدى تۇلعالاردى مەملەكەتتىك تىركەۋگە جانە فيليالدار مەن وكىلدىكتەردى ەسەپتىك تىركەۋگە, زاڭدى تۇلعالار قىزمەتىنىڭ توقتاتىلۋىن مەملەكەتتىك تىركەۋگە, فيليالدار مەن وكىلدىكتەردى ەسەپتىك تىركەۋدەن شىعارۋعا; 3) «ۆاليۋتالىق رەتتەۋ جانە ۆاليۋتالىق باقىلاۋ تۋرالى» قازاقستان رەسپۋبليكاسىنىڭ زاڭىنا سايكەس جۇزەگە اسىرىلاتىن ۆاليۋتالىق وپەراتسيالاردى تىركەۋگە جانە ۆاليۋتالىق وپەراتسيالار تۋرالى جانە شەتەل بانكىندە شوت اشۋ تۋرالى حابارلاما جاساۋعا; 4) «باعالى قاعازدار رىنوگى تۋرالى» قازاقستان رەسپۋبليكاسىنىڭ زاڭىنا سايكەس باعالى قاعازدار ەميتەنتتەرى ۇسىناتىن اقپارات پەن ەسەپتەردى قوسا العاندا, ەميسسيالىق باعالى قاعازداردى شىعارۋدى مەملەكەتتىك تىركەۋگە, شەت مەملەكەت اۋماعىندا رەزيدەنت-ۇيىمداردىڭ ەميسسيالىق باعالى قاعازدارىن شىعارۋعا جانە (نەمەسە) ورنالاستىرۋعا رۇقسات بەرۋگە; 5) قازاقستان رەسپۋبليكاسى ۇلتتىق بانكىنىڭ نورماتيۆتىك قۇقىقتىق اكتىلەرىنە سايكەس قارجى سالاسىنداعى قىزمەتتى جانە قارجى رەسۋرستارىن شوعىرلاندىرۋعا بايلانىستى قىزمەتتى جۇزەگە اسىرۋ پروتسەسىندە باعالى قاعازدار ەميتەنتتەرى مەن قارجى ۇيىمدارى جىبەرەتىن حابارلامالارعا (مالىمەتتەرگە); 6) «قازاقستان رەسپۋبليكاسىنىڭ مەملەكەتتىك شەكاراسى تۋرالى» قازاقستان رەسپۋبليكاسىنىڭ زاڭىندا بەلگىلەنگەن, وسى زاڭعا 2-قوسىمشادا كوزدەلمەگەن رۇقساتتارعا; 7) تابيعي مونوپوليالار سالالارىندا جانە رەتتەلەتىن نارىقتاردا تابيعي مونوپوليالار سۋبەكتىلەرىنىڭ تاريف بەلگىلەۋدى رەتتەۋ جانە رەتتەلەتىن نارىق سۋبەكتىلەرىنىڭ باعا بەلگىلەۋ بولىگىندە باسشىلىقتى جۇزەگە اسىراتىن ۋاكىلەتتى ورگاننىڭ ارەكەتتەرىنە; 8) «مەملەكەتتىك قۇپيالار تۋرالى» قازاقستان رەسپۋبليكاسىنىڭ زاڭىندا بەلگىلەنگەن رۇقساتتارعا قولدانىلمايدى. 4-باپ. رۇقساتتار جانە حابارلامالار سالاسىنداعى مەملەكەتتىك رەتتەۋدىڭ نەگىزگى قاعيداتتارى رۇقساتتار جانە حابارلامالار سالاسىنداعى مەملەكەتتىك رەتتەۋدىڭ نەگىزگى قاعيداتتارى مىنالار بولىپ تابىلادى: 1) تۇتىنۋشىلار, كاسىپكەرلەر جانە مەملەكەت مۇددەلەرىنىڭ تەڭگەرىمى; 2) رۇقسات بەرۋ نەمەسە حابارلاما جاساۋ ءتارتىبىن ەنگىزۋدىڭ نەگىزدىلىگى جانە تيىمدىلىگى; 3) مەملەكەتتىك ورگاندار قىزمەتىنىڭ اشىقتىعى جانە اقپاراتقا قولجەتىمدىلىك; 4) ءوزارا جاۋاپتىلىق; 5) سىبايلاس جەمقورلىقتان ازات بولۋ. 5-باپ. تۇتىنۋشىلار, كاسىپكەرلەر جانە مەملەكەت مۇددەلەرىنىڭ تەڭگەرىمى 1. رۇقسات بەرۋ نەمەسە حابارلاما جاساۋ ءتارتىبىن ەنگىزۋ قىزمەت نەمەسە ارەكەتتەر (وپەراتسيالار) قاۋىپسىزدىگىنىڭ جەتكىلىكتى دەڭگەيىن, كاسىپكەرلەرگە وبەكتيۆتى تۇردە قاجەتتى ەڭ از جۇكتەمە كەزىندە تۇتىنۋشىلاردىڭ قۇقىقتارىن بارىنشا ءتيىمدى قورعاۋدى قامتاماسىز ەتۋ ماقساتىندا جۇزەگە اسىرىلادى. 2. بىلىكتىلىك جانە رۇقسات بەرۋ تالاپتارى ءوتىنىش بەرۋشىگە, ليتسەنزياتقا نەمەسە ەكىنشى ساناتتاعى رۇقساتتى يەلەنۋشىگە الداعى قىزمەت جانە ارەكەت (وپەراتسيا) نەمەسە وبەكت قاۋىپسىزدىگىنىڭ تالاپ ەتىلەتىن دەڭگەيىن قامتاماسىز ەتۋ ءۇشىن جەتكىلىكتى ساندىق جانە ساپالىق نورماتيۆتەر مەن كورسەتكىشتەردىڭ ەڭ از قاجەتتى جيىنتىعىن قامتاماسىز ەتۋگە ءتيىس. 3. رۇقسات بەرۋ ورگاندارىنىڭ قازاقستان رەسپۋبليكاسىنىڭ نورماتيۆتىك قۇقىقتىق اكتىلەرىندە تىكەلەي كوزدەلمەگەن قۇجاتتاردى بەرۋدى تالاپ ەتۋگە قۇقىعى جوق. 6-باپ. رۇقسات بەرۋ نەمەسە حابارلاما جاساۋ ءتارتىبىن ەنگىزۋدىڭ نەگىزدىلىگى جانە تيىمدىلىگى 1. رۇقسات بەرۋ نەمەسە حابارلاما جاساۋ ءتارتىبىن ەنگىزۋدىڭ نەگىزدىلىگى جانە تيىمدىلىگى مەملەكەتتىك رەتتەۋ ماقساتىنا قول جەتكىزۋدە نەگىزدەۋدىڭ, كەلىسۋدىڭ جانە ولاردىڭ تيىمدىلىگىنە مونيتورينگ جۇرگىزۋدىڭ مىندەتتى راسىمدەرىن ەنگىزۋ ارقىلى قامتاماسىز ەتىلەدى. 2. رۇقساتتاردى بەرۋ كەزىندە, سونداي-اق وزگە جاعدايلاردا الىناتىن الىمداردىڭ نەمەسە تولەمدەردىڭ مولشەرى مەملەكەتتىڭ رۇقسات بەرۋ ءتارتىبىن اكىمشىلەندىرۋگە جۇمسالاتىن شىعىندارىن وتەۋ قاجەتتىگىنە بايلانىستى ايقىندالۋعا ءتيىس. رەتتەۋ شەكتەۋشى سيپاتتا بولعان جاعدايدا قازاقستان رەسپۋبليكاسىنىڭ زاڭدارىمەن رۇقساتتار بەرۋ كەزىندە الىمداردى نەمەسە تولەمدەردى الۋ جانە ولاردىڭ مولشەرى م ۇلىك تسەنزى جانە نارىققا كىرۋ ءۇشىن شەكتەۋ رەتىندە, سونداي-اق قاۋىپتىلىك دەڭگەيى جوعارى قىزمەتكە نەمەسە شەكتەۋلى رەسۋرستار نەمەسە كۆوتانى پايدالانۋ قىزمەتىنە بەرىلەتىن رۇقساتتارعا قاتىستى كوزدەلۋى مۇمكىن. 3. ەنگىزىلگەن رۇقسات بەرۋ نەمەسە حابارلاما جاساۋ ءتارتىبىنىڭ جۇكتەمەسى رەتتەۋشىلىك اسەردى تالداۋ ارقىلى ولشەنۋگە جانە باعالانۋعا ءتيىس. 4. رەتتەۋ قۇرالدارىن تاڭداۋ قىزمەت تۇرلەرىنە نەمەسە ارەكەتتەرگە (وپەراتسيالارعا) جانە جەكەشە كاسىپكەرلىك سۋبەكتىلەرىنە قاتىستى تاۋەكەلدەردى باعالاۋ جانە باسقارۋ قاعيداتتارى نەگىزگە الىنا وتىرىپ جۇزەگە اسىرىلادى. ءارتۇرلى جەكەشە كاسىپكەرلىك سۋبەكتىلەرىنىڭ الداعى قىزمەتىنە نەمەسە ارەكەتىنە (وپەراتسياسىنا) بايلانىس­تى قاۋىپتىلىك دەڭگەيىنە قاراي قىزمەتتىڭ ءبىر ءتۇرى نەمەسە ارەكەت (وپەراتسيا) شەڭبەرىندە رۇقسات الۋ نەمەسە حابارلاما جىبەرۋ جونىندە تالاپ بەلگىلەنۋى مۇمكىن. 5. رۇقسات بەرۋ ءتارتىبى, ەگەر قازاقستان رەسپۋبليكاسىنىڭ زاڭدارىندا كوزدەلگەن ونىمگە قويىلاتىن تالاپتار, سايكەستىكتى مىندەتتى راستاۋ جونىندەگى تالاپتار مەملەكەتتىك رەتتەۋ ماقساتتارىنا قول جەتكىزۋ ءۇشىن جەتكىلىكسىز بولعان جاعدايلاردا بەلگىلەنەدى. 7-باپ. مەملەكەتتىك ورگاندار قىزمەتىنىڭ اشىقتىعى جانە اقپاراتتىڭ قولجەتىمدىلىگى 1. قازاقستان رەسپۋبليكاسىنىڭ زاڭنامالىق اكتىلەرىنە رۇقساتتارعا جانە (نەمەسە) حابارلاما­لارعا قاتىستى وزگەرىستەر جانە (نەمەسە) تولىق­تىرۋ­لار ەنگىزۋ وسى وزگەرىستەر جانە (نەمەسە) تولىق­تىرۋلار جۇرتشىلىقپەن تالقىلانعاننان كەيىن جۇزەگە اسىرىلۋعا ءتيىس. 2. مەملەكەتتىك ورگانداردا بار, پايدالانىلۋى شەكتەلمەگەن جانە مۇددەلى ادامدارعا قاجەتتى اقپارات قولجەتىمدى بولۋعا ءتيىس. 3. مەملەكەتتىك قۇپيالاردى جانە زاڭمەن قورعا­لاتىن وزگە دە قۇپيانى قۇرايتىن اقپاراتتى قوس­پاعاندا, بەرىلگەن رۇقساتتار, جىبەرىلگەن حابار­لامالار, رۇقساتتار بەرۋدىڭ جانە حابارلاما­لار جىبەرۋدىڭ شارتتارى تۋرالى مالىمەتتەر «ەلەكتروندىق ۇكىمەتتىڭ» ۆەب-پورتالىندا جانە مەم­لەكەتتىك ورگانداردىڭ ينتەرنەت-رەسۋرستارىندا قازاق جانە ورىس تىلدەرىندە ورنالاستىرىلۋعا ءتيىس. 4. رۇقسات بەرۋ نەمەسە حابارلاما جاساۋ ءتارتىبىن ەنگىزۋگە جانە جۇزەگە اسىرۋعا بايلانىستى بارلىق راسىمدەر مەن تالاپتار بارلىق مۇددەلى ادامدار ءۇشىن تۇسىنىكتى بولۋعا ءتيىس. 8-باپ. ءوزارا جاۋاپتىلىق 1. رۇقسات بەرۋ ارقىلى مەملەكەت ليتسەنزياتتىڭ, ەكىنشى ساناتتاعى رۇقساتتى يەلەنۋشىنىڭ مەم­لەكەتتىك رەتتەۋ ماقساتتارىنا سايكەس قاۋىپسىزدىكتىڭ ەڭ تومەن دەڭگەيىن قامتاماسىز ەتۋىن راستايدى. 2. القالى تۇردە قاراۋ جانە (نەمەسە) شەشىم قابىلداۋ مۇمكىندىگى, ادەتتە, ءوتىنىش بەرۋشىنىڭ تاجىريبەسىن جانە (نەمەسە) بىلىكتىلىگىن باعالاۋدى نەمەسە باسقا ءوتىنىش بەرۋشىلەردىڭ جاعدايلارىمەن سالىستىرعاندا ءوتىنىش بەرۋشىنىڭ قىزمەتتى نەمەسە ارەكەتتى (وپەراتسيانى) جۇزەگە اسىرۋىنىڭ نەعۇرلىم ۇزدىك جاعدايىن تاڭداۋدى جۇزەگە اسىرۋ قاجەت بولعان جاعدايدا بەلگىلەنۋى مۇمكىن. 9-باپ. سىبايلاس جەمقورلىقتان ازات بولۋ 1. رۇقسات بەرۋ نەمەسە حابارلاما جاساۋ ءتارتىبىن ەنگىزۋ جانە جۇزەگە اسىرۋ كەزىندە مۇددەلەر قاقتىعىسى جانە قۇقىقتى تاڭداپ قولدانۋ فاكتىلەرى ورىن الماۋعا ءتيىس. 2. رۇقسات بەرۋ راسىمدەرىن جۇزەگە اسىرۋ ءتارتىبىن رەگلامەنتتەيتىن نورماتيۆتىك قۇقىقتىق اكتىلەردى قابىلداۋ كەزىندە ليتسەنزيالاۋ جانە رۇقسات بەرۋ راسىمدەرى پروتسەسىندە جەكە جانە زاڭدى تۇلعالاردىڭ مەملەكەتتىك ورگاندارمەن بايلانىستارىن شەكتەۋ ماقساتىندا, ادەتتە, «ءبىر تەرەزە» قاعيداتىن قولدانۋ كوزدەلەدى, بۇل رەتتە مەملەكەتتىك ورگانداردان الىناتىن بارلىق قاجەتتى كەلىسۋلەردى رۇقسات بەرەتىن ورگانداردىڭ وزدەرى الۋعا ءتيىس. 3. جەكە جانە زاڭدى تۇلعالاردان وسى زاڭدا كوز­دەلمەگەن رۇقساتتاردىڭ نەمەسە حابارلا­مالاردىڭ بولۋىن تالاپ ەتۋگە ەشكىم دە قۇقىلى ەمەس. 2-تاراۋ. رۇقساتتار جانە حابارلامالار سالاسىنداعى مەملەكەتتىك رەتتەۋ جۇيەسى 10-باپ. قازاقستان رەسپۋبليكاسى ۇكىمەتىنىڭ قۇزىرەتى قازاقستان رەسپۋبليكاسى ۇكىمەتىنىڭ قۇزىرەتىنە: 1) رۇقساتتار جانە حابارلامالار سالاسىنداعى مەملەكەتتىك ساياساتتىڭ نەگىزگى باعىتتارىن ازىرلەۋ; 2) ليتسەنزيارلاردى, ليتسەنزيا بەرۋگە كەلىسۋدى جۇزەگە اسىراتىن مەملەكەتتىك ورگانداردى ايقىنداۋ; ويىن بيزنەسى سالاسىنداعى ليتسەنزيالاناتىن قىزمەت تۇرلەرىنە بىلىكتىلىك تالاپتارىن جانە قۇجاتتار تىزبەسىن قوسپاعاندا, بىلىكتىلىك تالاپتارى مەن ولارعا سايكەستىكتى راستايتىن قۇجاتتار تىزبەسىن بەكىتۋ; 3) ليتسەنزيانى جانە (نەمەسە) ليتسەنزياعا قوسىمشانى الۋعا جانە قايتا رەسىمدەۋگە ارنالعان وتىنىشتەر نىساندارىن, ليتسەنزيانىڭ جانە (نەمەسە) ليزەنتسياعا قوسىمشانىڭ نىسانىن بەكىتۋ; 4) ەكىنشى ساناتتاعى رۇقساتتاردى بەرۋگە ۋاكىلەتتى ورگانداردى, ەكىنشى ساناتتاعى رۇقساتتى بەرۋدى كەلىسۋدى جۇزەگە اسىراتىن مەملەكەتتىك ورگانداردى ايقىنداۋ جانە رۇقسات بەرۋ تالاپتارى مەن ولارعا سايكەستىكتى راستايتىن قۇجاتتار تىزبەسىن بەكىتۋ; 5) ەكىنشى ساناتتاعى رۇقساتتاردى الۋعا ارنالعان وتىنىشتەر نىساندارىن, ەكىنشى ساناتتاعى رۇقساتتار نىساندارىن بەكىتۋ; 6) رۇقسات بەرۋ راسىمدەرىن جۇزەگە اسىرۋ قاعيدالارىن جانە وسى زاڭدا رۇقسات بەرۋ ءتارتىبى ەنگىزىلگەن قىزمەتتى نەمەسە ارەكەتتەردى (وپەراتسيالاردى) جۇزەگە اسىرۋ قاعيدالارىن بەكىتۋ; 7) حابارلامالاردىڭ نىساندارىن جانە مەملەكەتتىك ورگانداردىڭ حابارلامالاردى قابىلداۋ قاعيدالارىن بەكىتۋ, حابارلامالاردى قابىلداۋدى جۇزەگە اسىراتىن مەملەكەتتىك ورگانداردى ايقىنداۋ; 8) ءوندىرىلۋى, قايتا وڭدەلۋى, تاسىمالدانۋى, ساتىپ الىنۋى, ساقتالۋى, وتكىزىلۋى, پايدالانىلۋى جانە جويىلۋى ليتسەنزيالانۋعا جاتاتىن ۋلاردىڭ تىزبەسىن بەكىتۋ; 9) رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ قاعيدالارىن بەكىتۋ; 10) رۇقسات بەرۋ نەمەسە حابارلاما جاساۋ ءتارتىبىنىڭ رەتتەۋشىلىك اسەرىنە تالداۋ جۇرگىزۋ جانە ونى پايدالانۋ قاعيدالارىن بەكىتۋ; 11) رۇقساتتار مەن حابارلامالاردىڭ مەملەكەتتىك اقپاراتتىق جۇيەسىنىڭ جۇمىس ىستەۋ قاعيدالارىن جانە ونىڭ فۋنكتسيونالدىق مىندەتتەرىن بەكىتۋ; 12) وزىنە كونستيتۋتسيادا, وسى زاڭدا, قازاقستان رەسپۋبليكاسىنىڭ وزگە دە زاڭدارىندا جانە قازاقستان رەسپۋبليكاسى پرەزيدەنتىنىڭ اكتىلەرىندە جۇكتەلگەن وزگە دە فۋنكتسيالاردى ورىنداۋ جاتادى. 11-باپ. رۇقساتتار جانە حابارلامالار سالاسىنداعى ۋاكىلەتتى ورگاننىڭ قۇزىرەتى رۇقساتتار جانە حابارلامالار سالاسىنداعى ۋاكىلەتتى ورگاننىڭ قۇزىرەتىنە: 1) رۇقساتتار جانە حابارلامالار سالاسىنداعى مەملەكەتتىك ساياساتتى ىسكە اسىرۋ; 2) دامۋ پروتسەسىن باسقارۋ, قولجەتىمدىلىك قۇ­قىقتارىن بەلگىلەۋ, رۇقساتتار مەن حابار­لاما­لاردىڭ مەملەكەتتىك ەلەكتروندىق ءتىزىلىمىنىڭ جۇمىس ىستەۋىن قامتاماسىز ەتۋ; 3) ليتسەنزيانى جانە (نەمەسە) ليتسەنزياعا قوسىمشانى الۋعا جانە قايتا رەسىمدەۋگە ارنالعان وتىنىشتەر نىساندارىن, ليتسەنزيانىڭ جانە (نەمەسە) ليتسەنزياعا قوسىمشانىڭ نىسانىن ازىرلەۋ; 4) حابارلاما نىسانىن جانە مەملەكەتتىك ورگانداردىڭ حابارلامالاردى قابىلداۋ قاعيدالارىن بەكىتۋ تۋرالى, سونداي-اق حابارلامالاردى قابىلداۋدى جۇزەگە اسىراتىن مەملەكەتتىك ورگانداردى ايقىنداۋ تۋرالى نورماتيۆتىك قۇقىقتىق اكتىنىڭ جوباسىن ازىرلەۋ; 5) رۇقسات بەرۋ نەمەسە حابارلاما جاساۋ ءتارتىبىنىڭ رەتتەۋشىلىك اسەرىنە تالداۋ جۇرگىزۋ جانە ونى پايدالانۋ قاعيدالارىن ازىرلەۋ; 6) رەتتەۋشىلىك اسەرگە تالداۋدى جۇزەگە اسىرۋ ماسەلەلەرى بويىنشا ادىستەمەلىك كومەك كورسەتۋ جانە رەتتەۋشى مەملەكەتتىك ورگانداردىڭ قىزمەتىن ۇيلەستىرۋ; 7) رەتتەۋشى مەملەكەتتىك ورگانداردىڭ رەتتەۋ­شىلىك اسەردى تالداۋ راسىمدەرىن ساقتاۋىن باعالاۋدى جۇزەگە اسىرۋ; 8) رەتتەۋشى مەملەكەتتىك ورگانداردىڭ رەتتەۋ­شىلىك اسەردى تالداۋ جونىندەگى جۇمىسىنىڭ جاي-كۇيى تۋرالى ەسەپتەرىن قاراۋ; 9) قازاقستان رەسپۋبليكاسىنىڭ ۇكىمەتىنە رەتتەۋشى مەملەكەتتىك ورگاندارداعى رەتتەۋشىلىك اسەردى تالداۋ جونىندەگى جۇمىستىڭ جاي-كۇيى تۋرالى ەسەپتى دايىنداۋ; 10) رەتتەۋشى مەملەكەتتىك ورگاندار دايىندايتىن رەتتەۋشىلىك اسەردى تالداۋلاردىڭ ناتيجەلەرىنە ساراپتامالىق قورىتىندىلار بەرۋ جانە ولاردى قازاقستان رەسپۋبليكاسىنىڭ ۇكىمەتىنە جىبەرۋ; 11) مەملەكەتتىك قىزمەتشىلەردى جانە وزگە دە ادامداردى رەتتەۋشىلىك اسەردى تالداۋدى ەنگىزۋ جانە جۇزەگە اسىرۋ ماسەلەلەرى بويىنشا وقىتۋدى ۇيىمداستىرۋ; 12) اۆتوماتتاندىرۋعا جاتاتىن جانە جاتپايتىن رۇقساتتار تىزبەسىن بەكىتۋ تۋرالى اقپاراتتاندىرۋ سالاسىنداعى ۋاكىلەتتى ورگانمەن بىرلەسكەن بۇيرىقتى بەكىتۋ; 13) رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ قاعيدالارىن ازىرلەۋ; 14) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەت­تىكتەردى جۇزەگە اسىرۋ جاتادى. 12-باپ. رەتتەۋشى مەملەكەتتىك ورگانداردىڭ قۇزىرەتى 1. رەتتەۋشى مەملەكەتتىك ورگانداردىڭ قۇزىرەتىنە: 1) ليتسەنزيارلاردى, ليتسەنزيا بەرۋدى كەلىسۋدى جۇزەگە اسىراتىن مەملەكەتتىك ورگانداردى ايقىن­داۋ تۋرالى, سونداي-اق ويىن بيزنەسى سالا­سىن­داعى ليتسەنزيالاناتىن قىزمەت تۇرلەرىنە قويىلاتىن بىلىكتىلىك تالاپتارى مەن قۇجاتتار تىزبەسىن قوسپاعاندا, بىلىكتىلىك تالاپتارى مەن ولارعا سايكەستىكتى راستايتىن قۇجاتتار تىزبەسىن بەكىتۋ تۋرالى نورماتيۆتىك قۇقىقتىق اكتىلەر جوبالارىن ازىرلەۋ جانە رۇقساتتار جانە حابارلامالار سالاسىنداعى ۋاكىلەتتى ورگانمەن جانە اقپاراتتاندىرۋ سالاسىنداعى ۋاكىلەتتى ورگانمەن كەلىسۋ; 2) ەكىنشى ساناتتاعى رۇقساتتاردى بەرۋگە ۋاكىلەتتى ورگانداردى, ەكىنشى ساناتتاعى رۇقساتتاردى بەرۋدى كەلىسۋدى جۇزەگە اسىراتىن مەملەكەتتىك ورگانداردى ايقىنداۋ تۋرالى, سونداي-اق رۇقسات بەرۋ تالاپتارى مەن ولارعا سايكەستىكتى راستايتىن قۇجاتتار تىزبەسىن بەكىتۋ تۋرالى نورماتيۆتىك قۇقىقتىق اكتىلەر جوبالارىن ازىرلەۋ جانە رۇقساتتار جانە حابارلامالار سالاسىنداعى ۋاكىلەتتى ورگانمەن جانە اقپاراتتاندىرۋ سالاسىنداعى ۋاكىلەتتى ورگانمەن كەلىسۋ; 3) ەكىنشى ساناتتاعى رۇقساتتى الۋعا ارنالعان وتىنىشتەردىڭ نىساندارىن, ەكىنشى ساناتتاعى رۇقساتتاردىڭ نىساندارىن ازىرلەۋ جانە رۇقساتتار جانە حابارلامالار سالاسىنداعى ۋاكىلەتتى ورگانمەن جانە اقپاراتتاندىرۋ سالاسىنداعى ۋاكىلەتتى ورگانمەن كەلىسۋ; 4) رۇقسات بەرۋ راسىمدەرىن جۇزەگە اسىرۋ قاعيدا­لارىنىڭ جانە وسى زاڭدا رۇقسات بەرۋ ءتارتىبى ەنگىزىلگەن قىزمەتتى نەمەسە ارەكەتتەردى (وپەراتسيالاردى) جۇزەگە اسىرۋ قاعيدالارىنىڭ جوبا­لارىن ازىرلەۋ جانە رۇقساتتار جانە حابارلامالار سالاسىنداعى ۋاكىلەتتى ورگانمەن جانە اقپارات­تاندىرۋ سالاسىنداعى ۋاكىلەتتى ورگانمەن كەلىسۋ; 5) رەتتەۋشىلىك اسەردى تالداۋدى جۇزەگە اسىرۋ; 6) رەتتەۋشىلىك اسەردى تالداۋ جونىندەگى جۇمىستىڭ جاي-كۇيى تۋرالى ەسەپتەردى دايىنداۋ جانە رۇقساتتار جانە حابارلامالار سالاسىنداعى ۋاكىلەتتى ورگانعا ۇسىنۋ; 7) جەكە جانە زاڭدى تۇلعالاردىڭ وتىنىشتەرى بويىنشا ولاردىڭ ناقتى قىزمەت تۇرلەرىن نەمەسە ارەكەتتەردى (وپەراتسيالاردى) جۇزەگە اسىرۋعا ارنالعان رۇقساتتاردى الۋ قاجەتتىگى نەمەسە الۋ قاجەتتىگىنىڭ جوقتىعى تۋرالى قورىتىندى بەرۋ; 8) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرۋ جاتادى. 2. قارجى سالاسىنداعى قىزمەت جانە قارجى رەسۋرس­تارىن شوعىرلاندىرۋعا بايلانىستى قىزمەت ءۇشىن بىلىكتىلىك تالاپتارىن جانە ولارعا سايكەستىكتى راستايتىن قۇجاتتاردىڭ تىزبەسىن, ليتسەنزيالاردى الۋعا ارنالعان وتىنىشتەردىڭ نىساندارىن جانە ليتسەنزيانىڭ جانە (نەمەسە) ليتسەنزياعا قوسىمشانىڭ نىساندارىن, رۇقسات بەرۋ تالاپتارى مەن ولارعا سايكەستىكتى راستايتىن قۇجاتتاردىڭ تىزبەسىن, ەكىنشى ساناتتاعى رۇقساتتاردى الۋعا ارنالعان وتىنىشتەردىڭ نىساندارىن جانە ەكىنشى ساناتتاعى رۇقساتتاردىڭ نىساندارىن, رۇقسات بەرۋ راسىمدەرىن جۇزەگە اسىرۋ قاعيدالارىن جانە وسى زاڭدا رۇقسات بەرۋ ءتارتىبى ەنگىزىلگەن قىزمەتتى نەمەسە ارەكەتتەردى (وپەراتسيالاردى) جۇزەگە اسىرۋ قاعيدالارىن, حابارلامالاردىڭ نىساندارىن جانە وسى زاڭدا حابارلاما جاساۋ ءتارتىبى ەنگىزىلگەن حابارلامالاردى قابىلداۋ ءتارتىبىن رۇقساتتار جانە حابارلامالار سالاسىنداعى ۋاكىلەتتى ورگانمەن جانە اقپاراتتاندىرۋ سالاسىنداعى ۋاكىلەتتى ورگانمەن كەلىسىم بويىنشا قازاقستان رەسپۋبليكاسىنىڭ ۇلتتىق بانكى ازىرلەيدى جانە بەكىتەدى. 13-باپ. رۇقسات بەرۋ ورگاندارىنىڭ قۇزىرەتى رۇقسات بەرۋ ورگاندارىنىڭ قۇزىرەتىنە: 1) ءوتىنىش بەرۋشىنىڭ بىلىكتىلىك نەمەسە رۇقسات بەرۋ تالاپتارىنا سايكەستىگىن بەلگىلەۋ; 2) ليتسەنزيالاۋدى نەمەسە رۇقسات بەرۋ راسىمدەرىن جۇزەگە اسىرۋ; 3) رۇقساتتىق باقىلاۋدى جۇزەگە اسىرۋ; 4) مەملەكەتتىك قۇپيالاردى جانە زاڭمەن قورعالاتىن وزگە دە قۇپيانى قۇرايتىن اقپاراتتى, ازاماتتىق جانە قىزمەتتىك قارۋدى جانە وعان پاترونداردى, ازاماتتىق پيروتەحنيكالىق زاتتاردى جانە ولار قولدانىلىپ جاسالعان بۇيىمداردى ساتىپ الۋعا ارنالعان رۇقساتتاردى, ەڭبەكشى كوشىپ قونۋشىلارعا ارنالعان رۇقساتتاردى قوسپاعاندا, رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ; 5) رۇقسات بەرۋ راسىمدەرىن جانە ليتسەنزيالاۋدى رۇقساتتار مەن حابارلامالاردىڭ مەملەكەتتىك اقپاراتتىق جۇيەسى ارقىلى ونىڭ جۇمىس ىستەۋ قاعيدالارىنا سايكەس ەلەكتروندىق تۇردە جۇزەگە اسىرۋ; 6) مەملەكەتتىك ورگاندارعا ءوتىنىش بەرۋشىنىڭ قازاقستان رەسپۋبليكاسى زاڭناماسىنىڭ تالاپتارىنا سايكەستىگى بولىگىندە رۇقسات بەرۋدى كەلىسۋ تۋرالى ساۋال جىبەرۋ; 7) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرۋ جاتادى. 14-باپ. حابارلامالار قابىلداۋدى جۇزەگە اسىراتىن مەملەكەتتىك ورگانداردىڭ قۇزىرەتى حابارلامالار قابىلداۋدى جۇزەگە اسىراتىن مەملەكەتتىك ورگانداردىڭ قۇزىرەتىنە: 1) حابارلامالاردى قابىلداۋ; 2) رۇقساتتار مەن حابارلامالاردىڭ مەملەكەتتىك ەلەكتروندىق ءتىزىلىمىن جۇرگىزۋ; 3) حابارلاما جاساۋ ءتارتىبىن رۇقساتتار مەن حابارلامالاردىڭ مەملەكەتتىك اقپاراتتىق جۇيەسى ارقىلى ونىڭ جۇمىس ىستەۋ قاعيدالارىنا سايكەس ەلەكتروندىق تۇردە جۇزەگە اسىرۋ; 4) ءوتىنىش بەرۋشىنىڭ قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسى پرەزي­دەنتىنىڭ جارلىقتارىندا, قازاقستان رەسپۋبليكاسى ۇكىمەتىنىڭ قاۋلىلارىندا نەمەسە قازاقستان رەسپۋبليكاسى ۇلتتىق بانكىنىڭ نورماتيۆتىك قۇقىقتىق اكتىلەرىندە بەلگىلەنگەن تالاپتاردى ساقتاۋىن تەكسەرۋ; 5) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ, قازاقستان رەسپۋبليكاسى ۇكىمەتىنىڭ جانە قازاقستان رەسپۋبليكاسى ۇلتتىق بانكىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرۋ جاتادى. 15-باپ. اقپاراتتاندىرۋ سالاسىنداعى ۋاكىلەتتى ورگاننىڭ قۇزىرەتى اقپاراتتاندىرۋ سالاسىنداعى ۋاكىلەتتى ورگاننىڭ قۇزىرەتىنە: 1) اۆتوماتتاندىرۋعا جاتاتىن جانە جاتپايتىن رۇقساتتاردىڭ تىزبەسىن بەكىتۋ تۋرالى بىرلەسكەن بۇيرىقتى رۇقساتتار جانە حابارلامالار سالاسىنداعى ۋاكىلەتتى ورگانمەن بىرگە ازىرلەۋ جانە بەكىتۋ; 2) رۇقساتتار مەن حابارلامالاردىڭ مەملەكەتتىك اقپاراتتىق جۇيەسىنىڭ جۇمىس ىستەۋ قاعيدالارىن ازىرلەۋ جانە رۇقساتتار جانە حابارلامالار سالاسىنداعى ۋاكىلەتتى ورگانمەن كەلىسۋ; 3) وسى زاڭدا, قازاقستان رەسپۋبليكاسىنىڭ وزگە دە زاڭدارىندا, قازاقستان رەسپۋبليكاسى پرەزيدەنتىنىڭ جانە قازاقستان رەسپۋبليكاسى ۇكىمەتىنىڭ اكتىلەرىندە كوزدەلگەن وزگە دە وكىلەتتىكتەردى جۇزەگە اسىرۋ جاتادى. 3-تاراۋ. قىزمەتتى نەمەسە ارەكەتتەردى (وپەراتسيالاردى) جۇزەگە اسىرۋدىڭ رۇقسات بەرۋ جانە حابارلاما جاساۋ ءتارتىبى 16-باپ. رەتتەلەتىن قىزمەتتىڭ نەمەسە ارەكەتتەردىڭ (وپەراتسيالاردىڭ) قاۋىپتىلىك دەڭگەيلەرى 1. رۇقسات بەرۋ نەمەسە حابارلاما جاساۋ ءتارتىبى الدا جۇزەگە اسىرىلاتىن قىزمەتتىڭ نەمەسە ارەكەتتەردىڭ (وپەراتسيالاردىڭ) قاۋىپتىلىك دەڭگەيىنە قاراي ەنگىزىلەدى جانە مىناداي دەڭگەيلەرگە بولىنەدى: 1) ءبىرىنشى ساناتتاعى رۇقساتتار – جوعارى دەڭگەيلى قاۋىپتىلىككە بايلانىستى قىزمەت تۇرلەرىنە (كىشى تۇرلەرىنە) نەمەسە ارەكەتتەرگە (وپەراتسيالارعا) قاتىستى ەنگىزىلەتىن ليتسەنزيالار; 2) ەكىنشى ساناتتاعى رۇقساتتار – ليتسەنزيالار بولىپ تانىلمايتىن, ورتا دەڭگەيلى قاۋىپتىلىككە بايلانىستى قىزمەت تۇرلەرىنە (كىشى تۇرلەرىنە) نەمەسە ارەكەتتەرگە (وپەراتسيالارعا) قاتىستى ەنگىزىلەتىن بارلىق رۇقساتتار; 3) حابارلامالار تومەن دەڭگەيلى قاۋىپتىلىككە بايلانىستى, بىراق مەملەكەتتىك ورگانداردىڭ وسىنداي قىزمەت تۇرلەرىنىڭ نەمەسە ارەكەتتەردىڭ باستالعاندىعى نەمەسە توقتاتىلعاندىعى تۋرالى اقپارات الۋىن تالاپ ەتەتىن قىزمەت تۇرلەرىنە نەمەسە ارەكەتتەرگە قاتىستى ەنگىزىلەدى. 2. قىزمەتتىڭ نەمەسە ارەكەتتەردىڭ (وپەرا­تسيالاردىڭ) قاۋىپتىلىك دەڭگەيلەرى رەتتەۋشىلىك اسەردى تالداۋ نەگىزىندە بەلگىلەنەدى. 17-باپ. رۇقسات بەرۋ جانە حابارلاما جاساۋ تارتىپتەرى تۋرالى جالپى ەرەجەلەر 1. جەكە جانە زاڭدى تۇلعالاردىڭ جەكەلەگەن قىزمەت تۇرلەرىن نەمەسە ارەكەتتەردى (وپەراتسيالاردى) جۇزەگە اسىرۋدى باستاۋ جانە كەيىننەن جۇزەگە اسىرۋ ءۇشىن جارامدى رۇقساتىنىڭ بولۋى نەمەسە وسى زاڭدا بەلگىلەنگەن تارتىپپەن حابارلامالار قابىلداۋدى جۇزەگە اسىراتىن مەملەكەتتىك ورگاندارعا حابارلاما جىبەرۋگە مىندەتتى. 2. جەكە جانە زاڭدى تۇلعالاردىڭ وسى زاڭدا رۇقسات بەرۋ نەمەسە حابارلاما جاساۋ ءتارتىبى بەلگىلەنگەن قىزمەتتى نەمەسە ارەكەتتەردى (وپەراتسيالاردى) ءتيىستى رۇقساتتى الماي نەمەسە ءتيىستى حابارلامانى جىبەرمەي جۇزەگە اسىرۋىنا جول بەرىلمەيدى. وسى زاڭدا وزدەرىنە قاتىستى رۇقسات بەرۋ نەمەسە حابارلاما جاساۋ ءتارتىبى بەلگىلەنگەن قىزمەتتى نەمەسە ارەكەتتى (وپەراتسيانى) جۇزەگە اسىرۋ باس­تالعانعا دەيىن جەكە نەمەسە زاڭدى تۇلعالار رۇق­ساتتى الۋعا جانە ول جارامدى بولۋعا ءتيىس, ال حابارلامانى جەكە نەمەسە زاڭدى تۇلعا جىبەرۋگە ءتيىس. 3. وسى زاڭعا سايكەس وزدەرىنە قاتىستى رۇقسات بەرۋ نەمەسە حابارلاما جاساۋ ءتارتىبى ەنگىزىلگەنگە دەيىن قىزمەتتى نەمەسە ارەكەتتى (وپەراتسيانى) رۇقساتسىز نەمەسە حابارلاماسىز جۇزەگە اسىرىپ كەلگەن جەكە جانە زاڭدى تۇلعالار وسى زاڭدا وزدەرىنە قاتىستى رۇقسات بەرۋ نەمەسە حابارلاما جاساۋ ءتارتىبى ەنگىزىلەتىن قىزمەتتى نەمەسە ارەكەتتى (وپەراتسيانى) جۇزەگە اسىرۋدى جالعاستىرۋ ءۇشىن ءتيىستى رۇقساتتى الۋعا نەمەسە ءتيىستى حابارلاما جىبەرۋگە مىندەتتى. 4. وسى باپتىڭ 1 جانە 2-تارماقتارى وسى زاڭنىڭ 18-بابى 5-تارماعىنىڭ ءبىرىنشى بولىگىندە جانە 28-بابىنىڭ 2-تارماعىندا كوزدەلگەن جاعدايلارعا قولدانىلمايدى. 5. وسى زاڭدا رۇقسات بەرۋ نەمەسە حابارلاما جاساۋ ءتارتىبىن بەلگىلەۋ ادامداردىڭ ءومىرى مەن دەنساۋلىعىن, قورشاعان ورتانى, مەنشىكتى قورعاۋ, ۇلتتىق قاۋىپسىزدىكتى جانە قۇقىق ءتارتىبىن قامتاماسىز ەتۋ ماقساتىندا قىزمەتتىڭ نەمەسە ارەكەتتىڭ (وپەراتسيانىڭ) قاۋىپتىلىك دەڭگەيىنە قاراي جۇرگىزىلەدى. 6. وسى زاڭعا 1, 2 جانە 3-قوسىمشالاردا رۇقسات­تار­دىڭ جانە حابارلامالاردىڭ تولىق تىزبەسى كوز­دەلەدى. 7. رۇقساتتارعا, سونداي-اق ولارعا قوسىمشالارعا قاتىستى بەرۋ, ۇزارتۋ, قايتا رەسىمدەۋ, قايتا باستاۋ جانە قازاقستان رەسپۋبليكاسىنىڭ زاڭناماسىندا كوزدەلگەن باسقا دا ارەكەتتەردى جۇزەگە اسىرۋ مەملەكەتتىك كورسەتىلەتىن قىزمەتتەر بولىپ تابىلادى جانە وسى زاڭعا قايشى كەلمەيتىن بولىگىندە «مەملەكەتتىك كورسەتىلەتىن قىزمەتتەر تۋرالى» قازاقستان رەسپۋبليكاسىنىڭ زاڭىمەن رەتتەلەدى. 18-باپ. رۇقسات بەرۋ نەمەسە حابارلاما جاساۋ ءتارتىبىن ەنگىزۋ جانە ونىڭ كۇشىن جويۋ ءتارتىبى 1. رۇقسات بەرۋ نەمەسە حابارلاما جاساۋ ءتارتىبى ءتيىستى رۇقساتتى نەمەسە حابارلامانى وسى زاڭعا 1, 2 جانە 3-قوسىمشالاردا كوزدەلگەن رۇقساتتار نەمەسە حابارلامالار تىزبەلەرىنە ەنگىزۋ ارقىلى عانا ەنگىزىلەدى. 2. رۇقسات بەرۋ نەمەسە حابارلاما جاساۋ ءتارتىبىن ەنگىزۋ ءۇشىن رەتتەۋشى مەملەكەتتىك ورگاندار رەت­تەۋ­شىلىك اسەردى تالداۋ ءراسىمىن الدىن الا جۇرگىزۋگە ءتيىس. وسى تارماقتىڭ كۇشى قازاقستان رەسپۋبليكاسىنىڭ ۇلتتىق بانكىنە قولدانىلمايدى. 3. بۇرىن رۇقسات بەرۋ تارتىبىنە جاتقىزىلماعان قىزمەتكە نەمەسە ارەكەتكە (وپەراتسياعا) قاتىستى رۇقسات بەرۋ ءتارتىبى ەنگىزىلگەن كەزدە رۇقسات الۋ مىندەتى قىزمەتتى نەمەسە ارەكەتتى (وپەراتسيانى) جۇزەگە اسىراتىن جەكە نەمەسە زاڭدى تۇلعادا رۇقسات الۋ ءتارتىبىن رەگلامەنتتەيتىن جانە (نەمەسە) رۇقسات الۋ ءۇشىن مىندەتتى تالاپتاردى بەلگىلەيتىن نورماتيۆتىك قۇقىقتىق اكت قولدانىسقا ەنگىزىلگەن كۇننەن باستاپ تۋىندايدى. 4. رۇقسات الۋ ءتارتىبىن رەگلامەنتتەيتىن, رۇقسات بەرۋ نەمەسە بىلىكتىلىك تالاپتارىن جانە (نەمەسە) ءوتىنىش بەرۋشىلەردىڭ وسىنداي تالاپتارعا ءساي­كەستىگىن راستايتىن قۇجاتتار تىزبەسىن بەكىتەتىن نور­ماتيۆتىك قۇقىقتىق اكتىلەر العاشقى رەسمي جاريالانعان كۇنىنەن كەيىن كۇنتىزبەلىك جيىرما ءبىر كۇن وتكەنگە دەيىن قولدانىسقا ەنگىزىلە المايدى. بۇرىن رۇقسات بەرۋ تارتىبىنە جاتقىزىلماعان قىزمەتكە نەمەسە ارەكەتتەرگە (وپەراتسيالارعا) قاتىستى رۇقسات بەرۋ ءتارتىبى ەنگىزىلگەن جاعداي­دا, ءوتىنىش بەرۋشىلەر رۇقسات الۋ ءتارتىبىن رەگلامەنتتەيتىن, رۇقسات بەرۋ نەمەسە بىلىكتىلىك تالاپتارىن جانە (نەمەسە) ءوتىنىش بەرۋشىلەردىڭ وسىنداي تالاپتارعا سايكەستىگىن راستايتىن قۇجاتتار تىزبەسىن بەكىتەتىن نورماتيۆتىك قۇقىقتىق اكتىلەر قولدانىسقا ەنگىزىلگەنگە دەيىن, بىراق كورسەتىلگەن اكتىلەر قولدانىسقا ەنگىزىلگەنگە دەيىن بەس جۇمىس كۇنىنەن كەشىكتىرمەي رۇقسات الۋعا ءوتىنىش بەرۋگە قۇقىلى. بۇل رەتتە وسى تارماقتىڭ ەكىنشى بولىگىنە سايكەس بەرىلگەن وتىنىشتەر بويىنشا رۇقساتتار بەرۋدى نەمەسە ولاردى بەرۋدەن ءۋاجدى تۇردە باس تارتۋدى رۇقسات بەرۋ ورگاندارى وسى تارماقتىڭ ءبىرىنشى بولىگىندە كورسەتىلگەن نورماتيۆتىك قۇقىقتىق اكتىلەر قولدانىسقا ەنگىزىلگەننەن كەيىن, ولاردى بەرۋ ءۇشىن بەلگىلەنگەن مەرزىمدەردە جانە تارتىپپەن جۇزەگە اسىرۋعا ءتيىس. 5. وسى باپتىڭ 4-تارماعىنا سايكەس رۇقسات الۋعا ءوتىنىش بەرگەن ءوتىنىش بەرۋشىلەر رۇقسات بەرىلگەنگە دەيىن نەمەسە ونى بەرۋدەن ءۋاجدى تۇردە باس تارتىلعانعا دەيىن رۇقسات بەرۋ ءتارتىبى ەنگىزىلگەن قىزمەتتى نەمەسە ارەكەتتى (وپەراتسيانى) رۇقساتى بولماي-اق جۇزەگە اسىرۋعا قۇقىلى. وسى تارماقتىڭ كۇشى قارجى سالاسىنداعى قىزمەتكە جانە قارجى رەسۋرستارىن شوعىرلان­دى­رۋعا بايلانىس­تى قىزمەتكە بەرىلەتىن رۇقساتتارعا قولدانىلمايدى. 6. رۇقسات بەرۋ نەمەسە حابارلاما جاساۋ ءتار­تىبى­نىڭ كۇشىن جويۋ وسى زاڭعا 1, 2 جانە 3-قوسىم­شالاردا كوزدەلگەن رۇقساتتار مەن حابارلامالار تىزبەلەرىنەن رۇقساتتى نەمەسە حابارلامانى الىپ تاستاۋ ارقىلى جۇزەگە اسىرىلادى جانە جەكە نەمەسە زاڭدى تۇلعانىڭ قىزمەتتى نەمەسە ارەكەتتى (وپەراتسيانى) رۇقساتى بولماي-اق نەمەسە حابارلاما جىبەرمەي-اق جۇزەگە اسىرۋ قۇقىعىنا اكەپ سوعادى. 19-باپ. رەتتەۋشىلىك اسەردى تالداۋ 1. ايقىندالعان ماقساتتارعا قول جەتكىزۋ نەمەسە ناقتى ايقىندالعان پروبلەمالاردى شەشۋ ءۇشىن بالامالى رەتتەۋ تاسىلدەرىن تاڭداۋ ارقىلى رۇقساتتار جانە حابارلامالار سالاسىنداعى مەملەكەتتىك ساياساتتىڭ پارمەندىلىگى مەن تيىمدىلىگىن ارتتىرۋ رەتتەۋشىلىك اسەردى تالداۋدىڭ ماقساتى بولىپ تابىلادى. 2. رەتتەۋشىلىك اسەردى تالداۋ رۇقسات بەرۋ نەمەسە حابارلاما جاساۋ ءتارتىبى ەنگىزىلگەنگە دەيىن جانە ەنگىزىلگەننەن كەيىن جۇرگىزىلەدى. 3. رەتتەۋشىلىك اسەردى تالداۋعا: 1) رۇقسات بەرۋ نەمەسە حابارلاما جاساۋ ءتارتىبىن ەنگىزۋدى نەمەسە قاتاڭداتۋدى كوزدەيتىن مەملەكەتتىك جوسپارلاۋ جۇيەسى قۇجاتتارىنىڭ جوبالارى; 2) قازاقستان رەسپۋبليكاسىنىڭ رۇقسات بەرۋ نەمەسە حابارلاما جاساۋ ءتارتىبىن ەنگىزۋدى نەمەسە قاتاڭداتۋدى كوزدەيتىن زاڭدارى جوبالارىنىڭ تۇجىرىمدامالارى; 3) قازاقستان رەسپۋبليكاسىنىڭ رۇقسات بەرۋ نەمەسە حابارلاما جاساۋ ءتارتىبىن ەنگىزۋدى نەمەسە قاتاڭداتۋدى كوزدەيتىن زاڭدارىنىڭ جوبالارى; 4) وسى زاڭنىڭ 10-بابىنىڭ 2), 4) جانە 6) تار­ماقشالارىندا كوزدەلگەن قازاقستان رەسپۋبليكاسى ۇكىمەتى قاۋلىلارىنىڭ جوبالارى جاتادى. 4. رەتتەۋشىلىك اسەردى تالداۋدىڭ ناتيجەلەرى بويىنشا رۇقسات بەرۋ نەمەسە حابارلاما جاساۋ ءتارتىبىن قولدانۋدىڭ تيىمدىلىگىنە قاراي رۇقساتتاردىڭ نەمەسە حابارلامالاردىڭ جەكەلەگەن تۇرلەرى ءبىر تۇردەن ەكىنشى تۇرگە اۋىستىرىلۋى نە ولاردىڭ كۇشى جويىلۋى مۇمكىن. جۇزەگە اسىرىلۋى ءۇشىن وسى زاڭعا سايكەس رۇقساتتىڭ بولۋى نەمەسە حابارلاما جىبەرۋ تالاپ ەتىلەتىن قىزمەتتى نەمەسە ارەكەتتەردى (وپەراتسيالاردى) مەملەكەتتىك رەتتەۋ ماقساتتارىنا قول جەتكىزىلمەگەن جاعدايدا, رۇقسات بەرۋ نەمەسە حابارلاما جاساۋ ءتارتىبىنىڭ كۇشى جويىلۋعا جاتادى. 5. قازاقستان رەسپۋبليكاسىنىڭ ۇكىمەتى قازاقستان رەسپۋبليكاسىنىڭ رۇقساتتار جانە حابارلامالار تۋرالى زاڭناماسىن جەتىلدىرۋ جانە قازاقستان رەسپۋبليكاسىنىڭ ۇكىمەتى ايقىندايتىن باسقا دا مىندەتتەر مەن فۋنكتسيالاردى ورىنداۋ ماسەلەلەرى جونىندەگى ۇسىنىستار مەن ۇسىنىمداردى تۇجىرىمداۋ ماقساتىندا كونسۋلتاتيۆتىك-كەڭەسشى ورگان – كاسىپكەرلىك قىزمەتتى رەتتەۋ ماسەلەلەرى جونىندەگى ۆەدومستۆوارالىق كوميسسيا قۇرادى. جاڭا رۇقسات بەرۋ نەمەسە حابارلاما جاساۋ ءتارتىبىن ەنگىزۋ كاسىپكەرلىك قىزمەتتى رەتتەۋ ماسەلەلەرى جونىندەگى ۆەدومستۆوارالىق كوميسسيانىڭ وتىرىسىندا ق