پرەزيدەنت جانىنداعى ورتالىق كوممۋنيكاتسيالار قىزمەتىندە وتكەن ءداستۇرلى بريفينگكە پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ, اۋىل شارۋاشىلىعى ءمينيسترى اسىلجان مامىتبەكوۆ, قارجى ۆيتسە-ءمينيسترى بەرىك شولپانقۇلوۆ جانە «بايتەرەك» ۇلتتىق باسقارۋشى حولدينگى» اق باسقارما توراعاسى قۋاندىق بيشىمباەۆ قاتىسىپ, ۇكىمەت اتقارىپ جاتقان بىرقاتار ماسەلەلەر توڭىرەگىندە ايتىپ بەردى.
«ۇكىمەت يندۋستريالىق-يننوۆاتسيالىق دامۋ مەملەكەتتىك باعدارلاماسىنىڭ ەكىنشى بەسجىلدىعىن ماقۇلدادى. مەملەكەت باسشىسى ونى بەكىتكەننەن كەيىن ۇكىمەت شارالاردىڭ تىڭعىلىقتى جوسپارىن قابىلدايتىن بولادى», دەدى پرەمەر-ءمينيستردىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ.
ەكىنشى بەسجىلدىق ءتورت باعىت بويىنشا دامىتىلماق. ءبىرىنشىسى, ماكروەكونوميكالىق تۇراقتىلىقتى جانە قارجىلىق بازانىڭ ءوسۋىن قامتاماسىز ەتۋى ءتيىستى شيكىزاتتىق سەكتور. ەكىنشىسى, ءوسىم ساپاسىن قامتاماسىز ەتەتىن وڭدەۋ ونەركاسىبى. ءۇشىنشىسى, بولاشاقتا باسەكەلەستىكتى قامتاماسىز ەتەتىن يننوۆاتسيالىق سەكتور بولسا, ءتورتىنشىسى ادامداردى جۇمىسپەن قامتيتىن سەكتور. وسى بەسجىلدىقتا بيزنەستىڭ بارىنشا بەلسەندى قاتىسۋى نازارعا الىنعان. اتاپ ايتقاندا, ۇلتتىق كاسىپكەرلەر پالاتاسى باعدارلامانى ازىرلەۋگە دە, ونى جۇزەگە اسىرۋعا دا اتسالىسپاق.
«اۋىل شارۋاشىلىعى مينيسترلىگىمەن «2015-2019 جىلدارعا ارنالعان قر ازىق-ت ۇلىك ءوندىرىسىن دامىتۋ» باعدارلاماسى ازىرلەندى. باعدارلاما اياسىندا سالادا ءبىرقاتار ماڭىزدى مىندەتتەر ءجۇزەگە اسىرىلماق. باعدارلامانى جۇزەگە اسىرۋ ناتيجەسىندە 2019 جىلى ازىق-ت ۇلىك جانە قايتا وڭدەۋ سالاسىنىڭ نەگىزگى كاپيتالعا ينۆەستيتسيا كولەمى 97 ميلليارد تەڭگەگە, ازىق-ت ۇلىك ءوندىرىسى كولەمى 30 پايىزعا, ياعني 1271 ميلليارد تەڭگەگە جانە ازىق-ت ۇلىك وندىرىسىندە 68 مىڭ ادامعا دەيىن جۇمىسباستىلىق دەڭگەيىنىڭ ۇلعايىپ, ازىق-ت ۇلىك ءوندىرىسىنىڭ يمپورت كولەمى 3 ەسەگە دەيىن تومەندەمەك», دەدى اۋىل شارۋاشىلىعى ءمينيسترى اسىلجان مامىتبەكوۆ.
مينيسترلىكتىڭ قۇزىرەتىنە كىرەتىن ماسەلەلەردى شەشۋ ءۇشىن 2013 جىلدىڭ اقپان ايىندا قابىلدانعان «اگروبيزنەس-2020» باعدارلاماسىمەن جاڭا مەملەكەتتىك قۇرالدار قاراستىرىلعان. جالپى, 2013 جىلى ازىق-ت ۇلىك جانە اۋىل شارۋاشىلىعى شيكىزاتىنىڭ قايتا وڭدەۋ تاۋارلارىنىڭ ىشكى ساۋدا-ساتتىق اينالىمى 4 250 ميلليون دوللاردى قۇراعان. ستاتيستيكا اگەنتتىگىنىڭ مالىمەتتەرى بويىنشا, وتكەن جىلى اۋىل شارۋاشىلىعى شيكىزاتىن قايتا وڭدەۋ كاسىپورىندارى رەسپۋبليكالىق ونەركاسىپ ءوندىرىسىنىڭ 5 پايىز, ال قايتا وڭدەۋ ءوندىرىسىنىڭ 16,5 پايىزىن وندىرگەن.
ازىق-ت ۇلىك ونىمدەرىن ءوندىرۋ قۇرىلىمىنداعى نەگىزگى ۇلەستى استىقتى قايتا وڭدەۋ, نان جانە نان-توقاش, ەتتى قايتا وڭدەۋ مەن جەمىس-كوكونىس سىندى وزگە دە سالالار الادى. سونداي-اق, مۇنىمەن بىرگە جەكە پوزيتسيالار بويىنشا يمپورتتىڭ قوماقتى ۇلەسى ساقتالىپ كەلەدى. بىلتىرعى جىلدىڭ قورىتىندىسىنا سايكەس ەلىمىزگە 3 ميلليارد دوللار سوماسىندا ازىق-ت ۇلىك ونىمدەرى يمپورتتالعان. ول نەگىزىنەن كونديتەرلىك, ءسۇت ءونىمدەرى, قانت, قۇس ەتى مەن جەمىس-كوكونىس كونسەرۆىلەرىندە كورىنىس تاپقان.
ءابدىراحمان قىدىربەك,
«ەگەمەن قازاقستان».