الماتىدا ەسىرتكى دايىنداۋمەن اينالىسقان ەرلى-زايىپتى ۇستالدى

الماتى وبلىسى ىلە اۋدانىنداعى ۇيلەردىڭ بىرىندە قىلمىستىق ءىس قوزعالدى.

«ەرلى-زايىپتىدان 2 كەلىدەن استام ۇنتاق زات, 7 ليتر سۇيىقتىق قۇيىلعان ىدىس, كانيسترلەردە 40 ليترگە جۋىق حيميالىق زاتتار, سونداي-اق جالعا العان ۇيلەرىنەن 7 كەلىگە جۋىق ەسىرتكى زاتى, جانە مەفەدروندى وندىرۋگە پايدالانعان قۇرال-جابدىقتار مەن وسىمدىك بۇتالارى تابىلدى. ۇستالعانداردىڭ ايتۋىنشا, «جۇمىس بەرۋشى» سينتەتيكالىق ەسىرتكىنىڭ ءار 1 كەلىسىنە 1 ميلليون تەڭگە كولەمىندە سىياقى بەرۋگە ۋادە ەتكەن», دەدى الماتى قالالىق ءىىد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.

اتالعان فاكتى قر قىلمىستىق كودەكسىنىڭ 297-بابىنىڭ 1-بولىگى بويىنشا سوتقا دەيىنگى تەرگەپ-تەكسەرۋدىڭ بىرىڭعاي تىزىلىمىنە تىركەلدى. ايعاقتى زاتتار تاركىلەنىپ, سوت-حيميالىق ساراپتاماعا جىبەرىلدى.