جامبىل وبلىسىنداعى فابريكانىڭ شاتىرى وپىرىلىپ, ءبىر جۇمىسشى قازا تاپتى. تاعى ءۇش ادام زارداپ شەكتى, دەپ حابارلايدى Egemen.kz Polisia.kz سايتىنا سىلتەمە جاساپ.
13 قىركۇيەك كۇنى ساعات 16:20 شاماسىندا سارىسۋ اۋداندىق پوليتسيا ءبولىمىنىڭ كەزەكشى بولىمىنە «قازفوسفات» جشس تيەسىلى ورتالىق بايىتۋ فابريكاسى عيماراتىنىڭ شاتىر پليتاسى قۇلاعانى تۋرالى اقپارات ءتۇستى. عيمارات ىشىندە جۇمىس ىستەگەن ءۇش قىزمەتكەر ءتۇرلى دەنە جاراقاتىمەن اۋرۋحاناعا جەتكىزىلدى.
وقيعا سالدارىنان كاسىپورىننىڭ 58 جاستاعى جۇمىسشىسى وقيعا ورنىندا قازا تاپتى.
اتالعان فاكتى بويىنشا قر قك 156-بابىنىڭ ءۇشىنشى بولىگى بويىنشا سوتقا دەيىنگى تەرگەۋ باستالدى. سونداي-اق, ەڭبەك ينسپەكتسياسى ارنايى تەكسەرۋ جۇرگىزەدى.