قازگيدرومەت قازاقستان بويىنشا 27, 28 جانە 29 قىركۇيەككە ارنالعان اۋا رايى بولجامىن ۇسىندى, دەپ حابارلايدى Egemen.kz.
سينوپتيكتەردىڭ مالىمەتىنشە, قىركۇيەكتىڭ سوڭعى اپتاسىندا كۇن سۋىتادى. الداعى كۇندەرى نوۆايا زەمليا وبلىستارىنان سۋىق انتيتسيكلون سولتۇستىك-باتىس تسيكلونمەن جالعاسادى.
«رەسپۋبليكانىڭ سولتۇستىك, ورتالىق جانە شىعىس وبلىستارىندا جاڭبىر قارعا, كوكتايعاققا, تۇمانعا اينالادى جانە اۋا تەمپەراتۋراسى مينۋسكە دەيىن تومەندەيدى. رەسپۋبليكانىڭ وڭتۇستىك-باتىسىندا جانە وڭتۇستىگىندە شاڭدى داۋىل كۇتىلەدى», دەلىنگەن حابارلامادا.
رەسپۋبليكانىڭ سولتۇستىك وبلىستارىندا تۇندە تەرمومەتر كورسەتكىشتەرى 1-6 گرادۋس ايازعا دەيىن تومەندەيدى, كۇندىز اۋانىڭ 1-6 گرادۋسقا دەيىن ازداپ جىلىنۋى كۇتىلەدى. رەسپۋبليكانىڭ وڭتۇستىك جانە باتىس وبلىستارىندا اۋا رايى كۇندىز 15-23 گرادۋسقا دەيىن جىلى بولادى.