پروكۋرور قايرات ساتىبالدىنىڭ مۇلكىن تاركىلەپ, بەلگىلى ءبىر لاۋازىمداردى اتقارۋ قۇقىعىنان ايىرۋمەن التى جىلعا باس بوستاندىعىنان ايىرۋدى سۇرادى, دەپ حابارلايدى Egemen.kz.
استانا قالاسى بايقوڭىر اۋدانىنىڭ №2 سوتىندا قايرات ساتىبالدىنىڭ ءىسى قارالىپ جاتىر.
«ق.ساتىبالدىنىڭ مۇلكى تاركىلەنىپ, 10 جىل مەرزىمگە لاۋازىمدى قىزمەت اتقارۋ قۇقىعىنان, سونداي-اق 6 جىلعا باس بوستاندىعىنان ايىرۋ ۇكىمى تاعايىندالسىن. ول ۇلتتىق قاۋىپسىزدىك ورگاندارىنىڭ گەنەرال-مايورى اتاعىنان, «قۇرمەت» جانە «پاراسات» وردەندەرىنەن ايىرۋ تۋرالى ۇسىنىس ەنگىزىلسىن. ساتىبالدىنىڭ تۇتقىندا ۇستالعان ۋاقىتىن تۇتقىنداعى ءبىر كۇن 1,5 كۇنگە تەڭ دەپ ەسەپتەلسىن», دەدى پروكۋرور جانگەلدى ەسەباەۆ.
قايرات ساتىبالدى ءوز كەزەگىندە ۇسىنىلعان جازا تۇرىمەن كەلىسەتىنىن ايتتى.