سەناتور ءالي بەكتاەۆتىڭ توراعالىعىمەن اگرارلىق ماسەلەلەر, تابيعاتتى پايدالانۋ جانە اۋىلدىق اۋماقتاردى دامىتۋ كوميتەتىنىڭ كەڭەيتىلگەن وتىرىسى ءوتتى.
وتىرىستا سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسىل تۇقىمدى مال شارۋاشىلىعى جانە بيووتىن اينالىمى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن قارادى.
زاڭ جوباسىنىڭ نەگىزگى ماقساتى – قولدانىستاعى زاڭنامانى جەتىلدىرۋ, اسىل تۇقىمدى مال شارۋاشىلىعى سالاسىندا زاماناۋي نورماتيۆتىك-قۇقىقتىق بازانى قۇرۋ.
وسىلايشا, زاڭ جوباسى: اگروونەركاسىپ كەشەنىن جاڭعىرتۋ جانە تسيفرلاندىرۋ باعدارلاماسىن ىسكە اسىرۋدى, اسىل تۇقىمدى مال شارۋاشىلىعى سالاسىنداعى تيىمدىلىك پەن باسەكەگە قابىلەتتىلىكتى ارتتىرۋدى, ەۋرازيالىق ەكونوميكالىق وداق شەڭبەرىندە سەلەكتسيالىق-اسىل تۇقىمدىق جۇمىستاردى جۇرگىزۋ مەرزىمدەرىن بىرىزدەندىرۋدى جانە بيوەتانولدى قولدانۋ اياسىن كەڭەيتۋدى كوزدەيدى.
زاڭ جوباسى پالاتانىڭ قاراۋىنا جىبەرىلدى.