19-23 قىركۇيەك ارالىعىندا ءۇرىمشى قالاسىندا (شىنجاڭ-ۇيعىر اۆتونوميالىق اۋدانى, شۇاا) گيبريدتى فورماتتا شۇاا مەن ەۋرازيا ەلدەرى اراسىنداعى ساۋدا, قارجى, ينۆەستيتسيالار, تۋريزم, عىلىم, جاڭا تەحنولوگيالار جانە مادەنيەت سالاسىنداعى ىنتىماقتاستىقتى ىلگەرىلەتۋگە باعىتتالعان VII حالىقارالىق «قىتاي – ەۋرازيا» كورمەسى ءوتىپ جاتىر, دەپ حابارلايدى Egemen.ءkz سىم-گە سىلتەمە جاساپ.
ءىس-شاراعا ەۋرازيا ءوڭىرىنىڭ 32 ەلىنەن 3 مىڭنان استام كاسىپورىن قاتىسۋدا. ولاردىڭ اراسىندا قازاقستاندىق كاسىپورىندار دا بار.
كورمە اياسىندا قازاقستاننىڭ قىتايداعى ەلشىلىگىنىڭ, «Kazakh Invest «ۇك» اق جانە «قىتاي – ەۋرازيا» كورمەسى حاتشىلىعىنىڭ ۇيىمداستىرۋىمەن گيبريدتى فورماتتا «قازاقستان – شۇاا كاسىپكەرلەر فورۋمى» وتكىزىلدى. ءىس-شارانىڭ ماقساتى – ەكى ەل كاسىپكەرلەرى اراسىنداعى بايلانىستاردى جانداندىرۋ جانە ساۋدا مەن ينۆەستيتسيالىق ءوزارا ءىس-قيمىلدى كەڭەيتۋ بولدى.
فورۋمدا قازاقستاننىڭ ينۆەستيتسيالىق احۋالى مەن ەكونوميكالىق الەۋەتى, ەلىمىزدە بيزنەس جۇرگىزۋ ءۇشىن جاعدايدى جاقسارتۋ بويىنشا ۇكىمەت قابىلداپ جاتقان شارالار, سونداي-اق ۇلتتىق كومپانيالاردىڭ مۇمكىندىكتەرى تانىستىرىلدى.
ءىس-شارا قورىتىندىسى بويىنشا جالپى سوماسى 475 ملن اقش دوللاردى قۇرايتىن مىس جانە تسيركوني كونتسەنتراتىن ساتىپ الۋ, قازاقستاندىق جەمىستەر مەن كوكونىستەردى قىتايعا ەكسپورتتاۋ, اۆتوكلاۆتى گازوبلوكتاردى ءوندىرۋ جانە باسقا بىرقاتار كوممەرتسيالىق قۇجاتقا قول قويىلدى.
سونىمەن قاتار قازاقستاننىڭ قىتايداعى ەلشىلىگىنىڭ ۇيىمداستىرۋىمەن كورمە اۋماعىندا بارلىق قاتىسۋشىلار اراسىندا قازاقستاننىڭ ەڭ ءىرى ۇلتتىق پاۆيلونى ورنالاستىرىلعان, وندا 20 ءىرى قازاقستاندىق تاماق جانە جەڭىل ونەركاسىپ كاسىپورىندارىنىڭ, قۇرىلىس ماتەريالدارى وندىرىسىنىڭ (كۇنباعىس مايى, كونديتەرلىك ونىمدەر, بال, ۇن, ماكارون ونىمدەرى, شىرىندار, سپيرتتىك ىشىمدىكتەر جانە باسقا دا ونىمدەر) 140-تان استام ءونىم تۇرلەرى ۇسىنىلعان.
قازاقستاندىق پاۆيلوننىڭ جۇمىسى 23 قىركۇيەككە دەيىن جالعاسادى. قحر-عا قازاقستاندىق ءونىمدى جەتكىزۋگە كەلىسىم-شارت جاساسۋعا مۇددەلى قىتايدىڭ ىسكەرلىك توپتارىنىڭ وكىلدەرىنە كونسۋلتاتيۆتىك قولداۋ كورسەتىلۋدە.