استانا. 16 مامىر. مينسكىدە ءوتىپ جاتقان الەم چەمپيوناتى بەسىنشى تۋرىنىڭ قازىرگە دەيىن العاشقى ەكى ويىنىنىڭ ناتيجەلەرى بەلگىلى بولدى. بۇل تۋرالى چەمپيونات.رۋ حابارلادى.
الدىمەن 15 مامىر كۇنى وينالعان 4-تۋردىڭ سوڭعى ويىندارىنا تقتالا كەتەيىك. وسى كۇنى كانادا دانيانى تالقانداپ شىقتى – 6:1! ال لاتۆيا سەنساتسيا جاساۋىن ودان ءارى جالعاستىردى. ول تارتىستى باسەكەدە اقش قۇراماسىنان جەڭىستى تارتىپ اكەتتى. ەسەپ – 6:5! شۆەتسيا ءوز كەزەگىندە فرانتسيانى 2:1 ەتىپ ارەڭ ۇتتى. فينليانديانىڭ بەلارۋستەن باسىمدىعى دا تىم كۇشتى بولعان جوق. وندا 2:0 دەگەن ەسەپ تىركەلدى.
ال بۇگىن 5-تۋردىڭ ويىندارى باستالدى. ازىرگە ەكى ماتچتىڭ ەسەپتەرى بەلگىلى. سونىڭ ىشىندە قازاقستان قۇراماسى اقش كومانداسىنان وۆەر-تايمدا ۇتىلدى. ەسەپ – 3:4. ال ماتچ بىلاي ءوربىدى. الدىمەن قازاقستاندىقتار ءبىرىنشى كەزەڭنىڭ 15-مينۋتىندا العا شىقتى. شايبانى رومان ستارچەنكو ءتۇسىردى. سالدەن كەيىن قارسىلاستار (سميت) ەسەپتى تەڭەستىردى. ەكىنشى كەزەڭدە ءبىزدىڭ حوككەيشىلەر (رومانوۆ) تاعى ەسەپتى ۇلعايتتى. ارادا 2 مينۋت وتكەندە, اقش كومانداسى (دجونس) تارازى باسىنا قايتا قالپىنا كەلتىردى. بىراق ءبىرازدان سوڭ العا شىعۋ كەزەگى امەريكالىقتارعا ءوتىپ كەتتى (دونوۆان). ءبىزدىڭ جىگىتتەر ءۇشىنشى كەزەڭدە ستارچەنكونىڭ گولىمەن ەسەپتى قايتا تەڭەستىردى. الايدا, ءبارىن وۆەر-تايمداعى دجونستىڭ گولى شەشىپ كەتتى.
تۇندە شۆەتسيا – سلوۆاكيا, فينليانديا – شۆەيتساريا اراسىندا كەزدەسۋلەر وتەدى.
قازىر ا توبىندا كانادا 5 ويىننان 13 ۇپايمەن كوش باستاپ كەلە جاتسا, ۆ توبىندا رەسەي 4 ويىننان بارلىق 12 ۇپايدى الىپ, الدىنا جان سالماي تۇر.
دامير قوجامقۇل.
دەرەككوز: چەمپيونات.رۋ.
فوتو: چەمپيونات.رۋ.