ءبىر ايدا بيداي مەن مەسليننىڭ ەكسپورتتىق باعاسى 10%-عا جانە ءبىر جىلدا 32%-عا ءوستى. ەكسپورتتىڭ ءوزى زاتتاي ماندە 3%-عا جانە قۇندىق ماندە بىردەن 40%-عا ءوستى, دەپ حابارلايدى Egemen.kz ەnergyprom.kz-كە سىلتەمە جاساپ.
بيىلعى قاڭتار-شىلدە ايلارىنىڭ قورىتىندىسى بويىنشا قازاقستاننان ەكسپورتقا 1 ملرد اقش دوللارىنا 3,3 ملن توننا بيداي مەن مەسلين جىبەرىلدى. زاتتاي كورىنىستە ءوسىم 3,2%-دى, ال اقشالاي كورىنىستە 40,4%-دى قۇرادى.
تمد ەلدەرىنە 2,3 ملن توننا ءونىم جونەلتىلدى, بۇل ءبىر جىل بۇرىنعىعا قاراعاندا 3%-عا ارتىق. ەڭ كوپ كولەم وزبەكستان (1,5 ملن توننا), تاجىكستان (416 مىڭ توننا) جانە تۇركىمەنستانعا (217,9 مىڭ توننا) ەكسپورتتالدى.
تمد قۇرامىنا كىرمەيتىن وزگە ەلدەرگە 1 ملن توننا بيداي جونەلتىلدى, بۇل وتكەن جىلمەن سالىستىرعاندا 3,6%-عا ارتىق. ماسەلەن, يرانعا 458,9 مىڭ توننا ءونىم جىبەرىلدى, مۇنداعى جىلدىق ءوسىم 34,2%-دى قۇرادى. توپ-3 ەلدىڭ قاتارىنا اۋعانستان (267,3 مىڭ توننا) جانە يتاليا (151,2 مىڭ توننا) دا كىردى.
2022 جىلعى شىلدەنىڭ قورىتىندىسى بويىنشا بيداي مەن مەسلينگە ەكسپورتتىق جەتكىزىلىمدەردىڭ باعاسى ءبىر ايدا 10,1%-عا, جىل باسىنان باستاپ 14,5%-عا جانە ءبىر جىلدا 32,1%-عا ءوستى.
ونىڭ ىشىندە تمد ەلدەرى ءۇشىن ايلىق ديناميكاداعى باعالار 11%-عا, قالعان ەلدەر ءۇشىن 8,4%-عا ءوستى. جىلدىق ديناميكادا تمد ەلدەرى ءۇشىن باعانىڭ ءوسۋى 35,4%-دى, قالعان ەلدەر ءۇشىن 23%-دى قۇرادى.
بيىل بيدايعا ارنالعان ەگىس الاڭى 12,9 ملن گەكتاردى قۇرادى, بۇل ءبىر جىل بۇرىنعىعا قاراعاندا 0,2%-عا ارتىق.