اقتاۋ. 16 مامىر. اقتاۋدا بىر ازاماتتى اكىمشىلىك جاۋاپكەرشىلىككە تارتقىزباۋ ءۇشىن پارا الدى دەگەن كۇدىكپەن ماڭعىستاۋ وبلىستىق سوت اكتىلەرىن ورىنداۋ دەپارتامەنتىنىڭ سوت ورىنداۋشىلارى – ي.سانسىزباەۆ جانە م.جۋرحانوۆ ۇستالدى. بۇل تۋرالى egemen.kz ءتىلشىسى حابارلادى.
ي.سانسىزباەۆ پەن م.جۋرحانوۆقا قاتىستى قىلمىستىق كودەكستىڭ 311-بابىنىڭ 4-بولىگى «ب» تارماعىمەن پارا الۋ فاكتىسى بويىنشا ءىس قوزعالدى.
قازىرگى تاڭدا قىلمىستىق كودەكستىڭ 132-بابىنا سايكەس كۇدىكتىلەر اقتاۋ قالاسىنداعى ۋاقىتشا ۇستاۋ وقشاۋلاعىشىنا قامالدى.
قارجى پوليتسياسى ءباسپاسوز قىزمەتى وزگە اقپاراتتاردىڭ تەرگەۋ مۇددەسىنە بايلانىستى ازىرگە جاريالانبايتىنىن حابارلادى.
گۇلايىم شىنتەمىرقىزى.
دەرەككوز: egemen.kz.
فوتو: Exzk.ru.