اقتاۋ. 16 مامىر. بۇگىن اقتاۋدا «جەدەل جاردەم» كولىگى جول اپاتىنا ۇشىرادى. بۇل تۋرالى egemen.kz ءتىلشىسى حابارلادى.
وقيعا ن.ءجانتورين اتىنداعى وبلىستىق مۋزىكالىق-دراما تەاترى ماڭىندا ورىن الدى. دابىلىن قوسىپ, قالاداعى شاعىناۋدانداردىڭ بىرىنەن ورتالىق كوشەگە شىعا بەرگەن «جەدەل جاردەم» كولىگى «تويوتا كامري» اۆتوكولىگىمەن سوقتىعىسىپ قالدى. ناتيجەسىندە «جەدەل جاردەم» كولىگى باعىتىنان بۇرىلىپ, ءبىر قاپتالىنا قاراي قيسايا قۇلادى. كولىكتەگى دارىگەر ايەلگە دارىگەرلىك كومەك كورسەتىلۋدە.
قۇزىرلى ورىنداردىڭ ايتۋىنشا, وقيعا سەبەبىن انىقتاۋ ءۇشىن تەرگەۋ امالدارى جۇرگىزىلمەك.
گۇلايىم شىنتەمىرقىزى.
دەرەككوز: egemen.kz.
فوتو: egemen.kz.