ۇلتتىق ەكونوميكا مينيسترلىگى «اكىمشىلىك مەملەكەتتىك قىزمەتشىلەرگە ەڭبەكاقى تولەۋدىڭ كەيبىر ماسەلەلەرى تۋرالى» ۇكىمەت قاۋلىسىنىڭ جوباسىن دايىندادى, دەپ حابارلايدى Egemen.kz.
قۇجات مەملەكەتتىك اكىمشىلىك قىزمەتشىلەرگە ولاردىڭ جۇمىسىن باعالاۋ ناتيجەلەرى بويىنشا اقشالاي سىياقى تولەۋ ءتارتىبىن بەكىتۋدى كوزدەيدى.
ماسەلەن, «ا» كورپۋسىنىڭ مەملەكەتتىك اكىمشىلىك قىزمەتشىلەرىنە بونۋستار تولەۋ «ا» كورپۋسىنىڭ مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋ ادىستەمەسىنە سايكەس جۇرگىزىلەتىن باعالاۋ ناتيجەلەرى نەگىزىندە تاعايىندالادى.
«ب» كورپۋسىنىڭ مەملەكەتتىك اكىمشىلىك قىزمەتشىلەرىنە بونۋستار تولەۋ «ب» كورپۋسى مەملەكەتتىك اكىمشىلىك قىزمەتشىلەرىنىڭ قىزمەتىن باعالاۋدىڭ ۇلگىلىك ادىستەمەسىنە سايكەس جۇرگىزىلەتىن باعالاۋ ناتيجەلەرى نەگىزىندە تاعايىندالادى.
بونۋستاردى تولەۋ مەملەكەتتىك اكىمشىلىك قىزمەتشىلەرگە ەڭبەكاقى تولەۋدىڭ بىرىڭعاي جۇيەسىندە بونۋستىق قوردى قالىپتاستىرۋعا كوزدەلگەن قاراجات ەسەبىنەن جۇرگىزىلەدى.
بۇل رەتتە بونۋستار جىل قورىتىندىسى بويىنشا تولەنەدى.
اكىمشىلىك مەملەكەتتىك قىزمەتشىگە ول سىناق مەرزىمىن اياقتاعان جانە ەسەپتى كەزەڭدە ونىڭ قىزمەتىن باعالاۋ باستالعان كۇنگە كەمىندە ءۇش اي مەملەكەتتىك قىزمەتتە جۇمىس ىستەگەن جاعدايدا باعالاۋ ناتيجەلەرى بويىنشا بونۋس تولەنەدى دەپ كوزدەلۋدە.
اكىمشىلىك مەملەكەتتىك قىزمەتشى ءبىر لاۋازىمنان مەملەكەتتىك ورگان ىشىندەگى نەمەسە ءبىر مەملەكەتتىك ورگاننان باسقا مەملەكەتتىك ورگانعا ءبىر جىل ىشىندە باسقا لاۋازىمعا اۋىسقان كەزدە بونۋس ول بۇرىن اتقارعان لاۋازىمىنداعى ناقتى جۇمىس ىستەگەن ۋاقىتىنا, سونداي-اق تالاپتارعا سايكەس كەلگەن جاعدايدا جاڭا اتقارعان لاۋازىمى بويىنشا پروپورتسيونالدى تۇردە ەسەپتەلەدى.
قۇجات 3 قازانعا دەيىن جاريا تالقىلاۋ ءۇشىن اشىق نقا سايتىندا ورنالاستىرىلعان.
«ا» كورپۋسىنا كوميتەتتەردىڭ توراعالارى, جاۋاپتى حاتشىلار, اپپارات باسشىلارى, سونداي-اق وبلىستار, استانا, الماتى, شىمكەنت اكىمدەرى اپپاراتتارىنىڭ باسشىلارى كىرەدى.
«ب» كورپۋسىنا «ا» كورپۋسىنا ەنگىزىلمەگەن ورىنداۋشى مەملەكەتتىك قىزمەتشىلەر, ونىڭ ىشىندە پارلامەنت پالاتالارى اپپاراتىنىڭ, پرەمەر-مينيستر كەڭسەسىنىڭ, كونستيتۋتسيالىق كەڭەس اپپاراتىنىڭ, ورتسايلاۋكومنىڭ جانە ت. ب. قىزمەتكەرلەرى جاتادى.