قر سىرتقى ىستەر مينيسترلىگى مەملەكەت باسشىسى قاسىم-جومارت توقاەۆتىڭ «سيان قالاسىندا (قىتاي حالىق رەسپۋبليكاسى) قازاقستان رەسپۋبليكاسىنىڭ باس كونسۋلدىعىن اشۋ تۋرالى» جارلىعىنىڭ جوباسىن دايىندادى, دەپ حابارلايدى Egemen.kz.
«قىتاي حالىق رەسپۋبليكاسىنىڭ سيان قالاسىندا قازاقستان رەسپۋبليكاسىنىڭ باس كونسۋلدىعى اشىلسىن», دەلىنگەن قۇجاتتا.
تۇسىندىرمە جازبادا اتاپ وتىلگەندەي, سيان قالاسىندا قر باس كونسۋلدىعىنىڭ اشىلۋى ءبىرىنشى كەزەكتە رەسپۋبليكانىڭ كونسۋلدىق قىزمەتىنىڭ وسى باعىتتاعى قىزمەتىن كۇشەيتەدى, سونداي-اق وڭىردە ساۋدا-ەكونوميكالىق جانە ينۆەستيتسيالىق ىنتىماقتاستىق (قازاقستاندىق ەكسپورتتى ىلگەرىلەتۋ, ينۆەستيتسيالار تارتۋ جانە بىرلەسكەن كاسىپورىندار قۇرۋ) سالاسىنداعى جۇمىستى جۇيەلى نەگىزدە قۇرۋعا مۇمكىندىك بەرەدى.
بۇعان دەيىن حابارلانعانداي, قر ءسىم اقتوبە قالاسىندا قىتايدىڭ باس كونسۋلدىعىن اشۋدى قاراستىراتىن كەلىسىم جوباسىن دايىندادى.
اقتوبەدەگى كونسۋلدىق وكرۋگ اقتوبە, اتىراۋ, ماڭعىستاۋ, باتىس قازاقستان جانە قىزىلوردا وبلىستارىن قامتيدى.
سياندەگى كونسۋلدىق وكرۋگ شەنسي, گانسۋ, سىچۋان, حۋبەي, نينسيا-حۋەي اۆتونوميالىق اۋدانى جانە چۋنتسين قالاسىن قامتيدى.
كەلىسىمگە قول قويۋ شەڭبەرىندە ەكى تاراپپەن الماسۋعا ارنالعان نوتالار دايىندالادى. ولار قازاق جانە قىتاي تىلدەرىندە جاسالىپ, بىردەي كۇشكە يە بولادى.
جارلىق جوباسى 23 قىركۇيەككە دەيىن اشىق نقا سايتىندا ورنالاستىرىلعان.