ەلوردادا الەمدىك جانە ءداستۇرلى دىندەر كوشباسشىلارى اعاش وتىرعىزدى

اعاش وتىرعىزۋعا قازاقستان رەسپۋبليكاسى پارلامەنتى سەناتىنىڭ توراعاسى ماۋلەن اشىمباەۆ, ەلوردا اكىمى التاي كولگىنوۆ, الەمدىك جانە ءداستۇرلى دىندەر كوشباسشىلارىنىڭ VII سەزىنىڭ دەلەگاتتارى, ەرىكتىلەر, قالا تۇرعىندارى جانە ت.ب. قاتىستى.

ەلوردا اكىمدىگىنىڭ «قالاتانۋ» ورتالىعىندا اتاپ كورسەتىلگەندەي, جوبانىڭ نەگىزگى يدەياسى - ء«ومىر اعاشى» مونۋمەنتى. بۇل قۇرىلىم كۇمبەز تۇرىندە جاسالادى, ونىڭ ورتاسىندا جاپىراقتى اعاش - ەمەن بار. اعاش سپيرالمەن جانە ۇيلەسىمدى سۋبۇرقاقپەن قورشالادى.

سونداي-اق ء«ومىر اعاشى» مونۋمەنتىنىڭ اينالاسىنا الەمدىك جانە ءداستۇرلى دىندەر كوشباسشىلارىنىڭ VII سەزىنە قاتىسقان دەلەگاتسيالار باسشىلارىنىڭ سانى بويىنشا 60-تان استام جاپىراقتى اعاشتار وتىرعىزىلدى.

«تۇجىرىمدامالىق تابيعي-رەكرەاتسيالىق ايماق قۇرۋ الەمدىك جانە ءداستۇرلى دىندەر كوشباسشىلارىنىڭ 7-سەزىنە ورايلاستىرىلىپ وتىر. پارك تۇجىرىمداماسى قازاقستانداعى ءارتۇرلى كونفەسسيالار مەن ۇلتتار اراسىنداعى ىنتىماقتاستىقتى, دوستىق پەن بىرلىكتى بىلدىرەدى. يدەياعا سايكەس, عاسىرلار بويى تامىرى تەرەڭدە جاتقان سۋ مەن ءومىر اعاشى جەر بەتىندەگى تىرشىلىك بەينەسىنىڭ امبەباپ قۇندىلىعىن بىلدىرەدى. وسىلايشا, ينستاللياتسيا دىنىنە قاراماستان پلانەتاداعى بارلىق ادامدار اراسىنداعى كەلىسىمگە, بەيبىتشىلىك پەن دوستىققا شاقىرۋ رەتىندە ارەكەت ەتەدى.

كۇمبەز ءوز كەزەگىندە ءبىر اسپان استىنداعى الەمدى بەينەلەيدى. وندا 4 نەگىزگى نۇكتەنى – وڭتۇستىك, سولتۇستىك, باتىس, شىعىستى بىلدىرەتىن 4 كىرەبەرىس ايماعى بولادى», دەدى ەلوردا اكىمدىگىنىڭ «قالاتانۋ» ورتالىعىنىڭ باسشىسى ەلنار بازىكەن.

كۇمبەز قابىرعالارىندا دۇنيەنىڭ جاراتىلۋىن, قازاقستان تاريحىنداعى وقيعالاردى كورسەتەتىن بەينەلەر, سونداي-اق قازىرگى زامانعا ۇندەۋ رەتىندە ەلىمىزدىڭ اۋماعىندا تابىلعان ايگىلى ەجەلگى جارتاس سۋرەتتەرى – پەتروگليفتەر سالىنادى. اعاشتىڭ اينالاسىنداعى سپيرال اسپاندى (كۇمبەزدى) جانە جەردى (سۋ بەتىن) بايلانىستىرادى, وسىلايشا الەمنىڭ قانداي نازىك ەكەندىگى تۋرالى ويدى جەتكىزەدى.