استانا. 15 مامىر. رەجيسسەر ءادىلحان ەرجانوۆتىڭ «ۇكىلى كامشات» ءفيلمى كانن كينوفەستيۆالىنە قاتىسادى. بۇل تۋرالى Today.kz حابارلادى.
ءادىلحان ەرجانوۆتىڭ ايتۋىنشا, «ۇكىلى كامشات» 2013 جىلدىڭ جازىندا الماتى وبلىسىندا تۇسىرىلگەن.
رەجيسسەر: «كانن كينوفەستيۆالىنە ۇمىتكەرلەردىڭ ەسىمى 17 ساۋىردە انىقتالعان. بىراق, اي سوڭىندا دودادان تىس فيلمدەردىڭ ءتىزىمى دە بەلگىلى بولدى. سونىڭ ىشىندە مەن تۇسىرگەن تۋىندىنىڭ بولعانى قۋانتادى», – دەدى.
جانر بويىنشا, بۇل فيلم دراماعا جاتقىزىلادى. بىراق كينو سىنشىلارى وعان «قارا كومەديا» دەپ ايدار تاعىپتى.
وسىمەن 67-رەت ۇيىمداستىرىلىپ وتىرعان كينوفەستيۆال بۇگىننەن باستاپ 25 مامىرعا دەيىن جالعاسادى. بايقاۋدا 18 فيلم باق سىنايدى. كينوفورۋمنىڭ شىمىلدىعى «موناكولىق گرەيس» تۋىندىسىمەن تۇرىلمەك.
تاعى ءبىر قۋانارلىق ءجايت, تاعى ءبىر وتانداسىمىز مارعۇلان قاپاشەۆتىڭ «ەركىن قۇستار» قىسقامەتراجدى ءفيلمى Short Film Corner باعدارلاماسى اياسىندا كورسەتىلەدى دەپ كۇتىلۋدە.
كانن كينوفەستيۆالىنە بۇعان دەيىن قازاقستاندىق ەكى كينورەجيسسەردىڭ تۋىندىسى قاتىستىرىلعان. ولاردىڭ ءبىرى – د.ومىرباەۆتىڭ «كيللەر» ءفيلمى (1998 ج.) بولسا, ەكىنشىسى – ن.تۇرەباەۆتىڭ قىسقا مەتراجدى «انتيرومانتيكا» اتتى (2001ج.) تۋىندىسى. بۇل ەكەۋىنىڭ ىشىندە «كيللەر» «ەرەكشە كوزقاراس» جۇلدەسىن يەلەنگەن.
جولدىباي بازار.
دەرەككوز: Today.kz.
فوتو: سsoyachts.com.