كاسىپكەرلىكتى دامىتۋ جونىندەگى 2021-2025 جىلدارعا ارنالعان ۇلتتىق جوبانى جۇزەگە اسىرۋ اياسىندا ەلوردادا جاڭا بيزنەس-يدەيالاردى ىسكە اسىرۋ ءۇشىن وتەۋسىز نەگىزدە گرانتتار بولىنەدى. 19 قىركۇيەكتە گرانت الۋ ءۇشىن وتىنىمدەردى قابىلداۋ باستالادى, دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.
IV لەكتە 340 ءوتىنىمدى قابىلداۋ جوسپارلانىپ وتىر, ونىڭ ىشىندە 224-ءى - جاستار ءۇشىن جانە 116-سى حالىقتىڭ الەۋمەتتىك وسال توپتارى ءۇشىن قاراستىرىلعان.
وتىنىمدەردى قابىلداۋ كەزەڭ-كەزەڭىمەن «Business.enbek.kz» پورتالى ارقىلى ونلاين رەجيمدە جۇزەگە اسىرىلادى.
بيىل گرانتتار حالىقتىڭ ناقتى ءبىر توپتارى ءۇشىن عانا كوزدەلەتىنىن ايتا كەتۋ كەرەك. ولار:
29 جاسقا دەيىنگى جاستار; اتاۋلى الەۋمەتتىك كومەك الۋشىلار; كوپبالالى وتباسى مۇشەلەرى - كوپبالالى وتباسى بويىنشا جاردەماقى الۋشى جانە (نەمەسە) ونىڭ جۇبايى (زايىبى); اسىراۋشىسىنان ايرىلۋ جاعدايى بويىنشا الەۋمەتتىك جاردەماقى الۋشىلار; قونىس اۋدارۋشىلار, قانداستار; جۇمىس ىستەي الاتىن مۇگەدەكتىگى بار جاندار; اسىراۋشىسىنان ايرىلعان ادامدار - اسىراۋشىسىنان ايرىلۋ بويىنشا جاردەماقى الۋشىلار; مۇگەدەك بالانى (مۇگەدەك بالالاردى) جانە (نەمەسە) ونىڭ جۇبايىن تاربيەلەپ وتىرعان ادامدار جاتادى.