ريم پاپاسى فرانتسيسك ەلوردادا ءوتىپ جاتقان الەمدىك جانە ءداستۇرلى دىندەر كوشباسشىلارىنىڭ VII سەزىندە قازاقتىڭ عۇلاماسى ابايدىڭ دىندارلىققا تولى تۋىندىلارى جايلى پىكىر ايتتى, دەپ حابارلايدى Egemen.kz.
«قازاق جەرىنىڭ ەڭ اتاقتى اقىنى, ايگىلى كومپوزيتورى اباي الەمگە دىندارلىققا تولى تۋىندىلاردى قالدىردى. ءبىز بۇل تۋىندىلاردان شابىت الامىز. اباي بىزگە ء«ومىردىڭ سۇلۋلىعى نەدە؟» دەگەن ساۋالدى دا قالدىردى. ونىڭ جاۋابىن ماڭگى ىزدەۋگە بولادى», دەدى ريم پاپاسى الەمدىك جانە ءداستۇرلى دىندەر ليدەرلەرىنىڭ VII سەزىندە.
ريم پاپاسى دىنگە دەگەن قاجەتتىلىكتى وياتاتىن ماسەلەلەر ءجيى ەسكە الىنىپ وتىرۋى قاجەت ەكەنىن ايتتى.
ء«بىز جەردەگى قاجەتتىلىكتەرىمىزدى قاناعاتتاندىرۋ جانە تەك ەكونوميكالىق سيپاتتاعى قاتىناستار ورناتۋ ءۇشىن عانا دۇنيە ەسىگىن اشقان جوقپىز. سونىمەن قاتار, ومىردە ءبىر-بىرىمىزبەن ىنتىماقتاستىقتا بولۋ ءۇشىن دە ءومىر سۇرەمىز. ءبىز ەڭ ماڭىزدى سۇراقتارعا جاۋاپ تابۋىمىز كەرەك. بىزگە رۋحانياتتى ناسيحاتتاۋ كەرەك. اباي جازعانداي, جان مەن ايقىن ويدى ساقتاۋ كەرەك», دەپ قوستى ول.