جاڭا جولداۋ مەملەكەت باسشىسىنىڭ رەفورمالارعا باعىتتالعان ساياساتىنىڭ تابىستى جۇزەگە اسىرىلىپ جاتقاندىعىن راستايدى. الەۋمەتتانۋشىلار زەرتتەۋلەرىندە قوعامنىڭ ادىلەتتىلىك پەن مەملەكەتتىك ساياساتتىڭ اشىق بولۋ كەرەكتىگىن ءسوز ەتەدى. وسى ەكى ماسەلە مەملەكەت باسشىسى ق.توقاەۆتىڭ ساياساتىنان كورىنىس تاپقانىن اتاپ ءوتۋ كەرەك.
نەگىزگى باسىم باعىتتاردىڭ ءبىرى – بالالار بولاشاعىنىڭ جارقىن بولۋى. جىل باسىندا جاريالانعان بالالار جىلى وتە ماڭىزدى, دۇرىس شەشىممەن اياقتالىپ وتىر. مەملەكەت باسشىسى 2024 جىلدان باستاپ ۇلتتىق قوردىڭ جىلدىق ينۆەستيتسيالىق كىرىسىنىڭ 50 پايىزىن بالالار شوتىنا 18 جاسقا دەيىن الدىن الا الۋ قۇقىعىنسىز اۋدارىپ وتىرۋدى ۇسىندى. ءىس جۇزىندە بۇل ءىس-شارا قازاقستاندىقتاردىڭ «ەكونوميكالىق تولقۇجاتىن» قالىپتاستىرۋ بولىپ سانالادى. مۇنداي تاجىريبە الەمنىڭ بىرقاتار ەلىندە بار جانە ول بولاشاقتا بالالارعا ەلىمىزدىڭ ماتەريالدىق رەسۋرستارىن پايدالانعانى ءۇشىن تولەم الۋعا مۇمكىندىك بەرەدى. بۇل – قوعامداعى سۇرانىسقا يە قادامداردىڭ ءبىرى.
ۇلتتىق قوردىڭ بولاشاق ۇرپاققا ارنالعان قور ەكەنى بىرنەشە رەت ايتىلدى. بولاشاق ۇرپاق بۇل شەشىمدى تەك ابستراكتىلى كاتەگوريا دەپ تۇسىنبەي, شىن مانىندە, 18 جاسقا تولعان كەزدە بەلگىلى ءبىر باستاپقى كاپيتالعا يە بولاتىنىنا سەنىمدى بولۋى كەرەك. قارجىنى قايدا جۇمسايتىنىن ءار جاس ءوزى انىقتايدى. ءبىلىم الۋعا جۇمساي ما, جىلجىمايتىن م ۇلىك الا ما نەمەسە اۆتوكولىكتەرگە ينۆەستيتسيا قۇيا ما – ونى ءوزى شەشەدى.
جالپى, قاسىم-جومارت توقاەۆتىڭ ۇستانىمى ءابسوليۋتتى پراگماتيزممەن, شەشىمدەرگە سالماقتى كوزقاراسپەن جانە پوپۋليزمنەن بويىن اۋلاق سالۋىمەن ەرەكشەلەنەدى. بۇل – قازىرگى قيىن كەزەڭدە ەڭ دۇرىس ستراتەگيا.
جۇلدىزاي ىسقاقوۆا,
ساياساتتانۋشى