ءبىر ويىندا جەتى گول سوعىلدى

بۇل ماتچتا اقتوبەلىكتەر العاشقى بولىپ ەسەپ اشتى. 24 مينۋتتا رۋسلان كومبولوۆ نىسانانى ءدال كوزدەدى. 58 مينۋتتا الاڭ يەلەرىنىڭ جارتىلاي قورعاۋشىسى بيليال سەباحي تارازى باسىن تەڭەستىردى – 1:1. بۇل ەسەپ كەزدەسۋدىڭ سوڭىنا دەيىن ساقتالدى. «اق­جايىق» ءوز الاڭىندا «شاحتەردەن» 1:2 ەسە­بىمەن ۇتىلدى. العاشقى ەكى گولدى قارا­عاندىلىق رومان مۇرتازاەۆ پەن تەمۋر چوگادزە سوقتى. ورالدىقتاردىڭ ساپىنان ۆيتالي پريندەتانىڭ عانا جاۋاپ قايىرۋعا شاماسى جەتتى. «تاراز» بەن «اقسۋ» اراسىنداعى كەزدەسۋدە كورەرمەندەر جەتى گولدىڭ كۋاسى بولدى. تورەشى بەلگىلەگەن نەگىزگى ۋاقىتتىڭ قوسىمشا مينۋتتارىنىڭ وزىندە تارازى باسى تەڭسەلىپ تۇردى. دەسەك تە سوڭعى سەكۋندتا دامير ماراتتىڭ ءدال سوققىسى قوناقتارعا جەڭىس سىيلادى. ەسەپ – 3:4. «استانا» سىرت الاڭدا «كاسپيدىڭ» قاقپاسىنا جاۋاپسىز ءۇش دوپ سالدى – 0:3. بۇل گولداردىڭ اۆتورلارى – ابات ايىمبەتوۆ, تالعات كۋسياپوۆ جانە پەدرۋ ەۋجەنيو. «توبىل» مەن «اتىراۋدىڭ» باسەكەسىندە توسىن ناتيجە تىركەلدى. كەزدەسۋدىڭ ءفاۆوريتى سانالعان قوستانايلىقتار ءوز الاڭىندا قوناقتارعا 0:2 ەسەبىمەن ەسە جىبەردى. وسى ماتچ­تا دەمير يمەري نىسانانى ەكى رەت ءدال كوزدەدى.

جارىس كەستەسىندە «اقتوبە» ءالى دە الدا كەلەدى.