ەلوردادا ءال-فارابي اتىنداعى وقۋشىلار سارايىندا بۇكىل وتباسى ءۇشىن عىلىمي دەمالىس ءوتتى. ەلىمىزدە العاش رەت وتكىزىلگەن بۇل PRO.NRG FEST عىلىم, ونەر جانە تەحنولوگيالار فەستيۆالىنە جينالعانداردىڭ قاتارى قالىڭ بولدى. وعان 4 مىڭنان اسا قاتىسۋشى جينالدى. بۇل قازاقستاندا STEAM-ءبىلىمدى دامىتاتىن «Caravan of Knowledge» ءبىلىم بەرۋ قورىنىڭ باستاماسى بويىنشا جۇرگىزىلدى.
فەستيۆالدا بالالار, مۇعالىمدەر جانە اتا-انالار وزدەرىن قىزىقتىرعان سۇراقتارعا جاۋاپ الىپ, جاڭا وقۋ جىلى باسىندا ەرەكشە تىڭ جاڭالىقتارمەن شابىتتانعاندى. فەستيۆالعا كەلۋشىلەر ءوز سپيكەرىن تاڭداۋعا جانە ءبىلىم قۋاتىنا يە بولۋعا, دارىستەردىڭ اقپاراتتىق اعىمىنا ەنۋگە, شەبەرلىك ساباقتارىنا داعدىلانۋعا, عىلىمي شوۋلاردى كورۋگە مۇمكىندىك الدى. سونداي-اق فەستيۆال اياسىندا وقۋشىلار اراسىندا روبوتتەحنيكا بويىنشا الەمدىك چەمپيونات – First Global Challenge ۇلتتىق كەزەڭىنىڭ فينالى ءوتتى. جەڭىمپاز كوماندا جەنەۆادا وتەتىن الەم بىرىنشىلىگىندە 160 ەلدەن 190-نان اسا كوماندا اراسىندا قازاقستاننىڭ نامىسىن قورعاماق.
بۇگىنگى تاڭدا STEAM-ءبىلىم پانارالىق جانە قولدانبالى تاسىلدەردى قولدانۋعا, سونداي-اق بارلىق بەس ءپاندى بىرىڭعاي وقىتۋ سحەماسىنا بىرىكتىرۋگە نەگىزدەلگەن. وقۋ-اعارتۋ ءمينيسترى اسحات ايماعامبەتوۆ: «Sتەام-ءبىلىم بالالاردى تەحنولوگيالىق الەمگە دايارلايدى. بولاشاق ماماندارعا جاراتىلىستانۋ عىلىمدارىنىڭ ءارتۇرلى ءبىلىم بەرۋ سالاسىنان جان-جاقتى دايىندىق پەن ءبىلىم قاجەت. بالالار ءوز بەتىنشە تاجىريبە جاساۋدى, جوبالار جاساۋدى ۇناتادى. سوندىقتان Ѕتەام-داعدىلاردى دامىتۋ وقۋدىڭ ءبىرىنشى جىلىنان باستالادى. ءبىلىم بەرۋ مازمۇنىن جاڭارتۋ شەڭبەرىندە جاراتىلىستانۋ عىلىمدارى نەگىزدەرى مەن اقپاراتتىق ساۋاتتىلىققا ەرتە وقىتۋدى ىسكە اسىرۋ جالعاسىپ جاتىر. تەحنولوگيالاردىڭ قارقىندى دامۋى ارقىلى جاڭا ماماندىقتار پايدا بولۋدا, Ѕتەام ماماندارىنىڭ سۇرانىسى بارلىق جەردە وسۋدە», دەدى.
ال قور باسشىسى زارينا بيۋمباەۆا: ء«بىز PRO.NRG.FEST سياقتى فەستيۆالدار قازاقستاندىقتاردىڭ عىلىمعا, جاڭا تەحنولوگيالارعا, ءبىلىم بەرۋدىڭ ءتيىمدى شەشىمدەرىنە دەگەن قىزىعۋشىلىعىن ارتتىرۋعا مۇمكىندىك بەرەتىن ۇزدىك فورماتتاردىڭ ءبىرى ەكەنىنە سەنىمدىمىز. ءبىز قازاقستاندا ەڭ وزىق ءبىلىم بەرۋ پراكتيكاسىن ىلگەرىلەتەتىن جاس عالىمداردى, عىلىمدى كەڭىنەن تانىتۋشىلاردى, كرەاتيۆتى پەداگوگتەردى ءبىر الاڭعا بىرىكتىردىك», دەدى. سونداي-اق ول ەكى جىل جۇمىسىندا 9 مىڭ STEAM مۇعالىمىنەن تۇراتىن قاۋىمداستىق قۇرىلىپ, 200 مىڭ پەداگوگ ءتۇرلى وقۋ باعدارلاماسىمەن قامتىلعانىن, حالىقارالىق فورماتتاعى 36 سەرتيفيكاتتالعان STEAM ترەنەرلەر دايارلانعانىن جانە 126 مۇعالىمگە STEAM اۆتورلىق وقىتۋ باعدارلامالارىن جاساۋعا كومەكتەسكەنىن اتاپ ءوتتى.
ءوز كەزەگىندە «شەۆرون» ەۋرازيالىق بولىمشەسىنىڭ باسقارۋشى ديرەكتورى دەرەك ماگنەسس اتالعان فەستيۆال مۇمكىندىكتەردى جاساۋعا, وسىرۋگە جانە كەڭەيتۋگە ارنالعان الاڭ ەكەنىن, مەملەكەتتىك ورگاندارمەن, ۇەۇ-مەن, مەكتەپتەرمەن, جوو-مەن بىرلەسىپ, ينۆەستيتسيالار سالۋ ارقىلى ادام كاپيتالىن نىعايتۋعا ۇمتىلاتىنىن مالىمدەدى.
بالالاردىڭ بەلسەندىلىگىن ارتتىراتىن فەستيۆالدا TikTok الەۋمەتتىك جەلىسىندە 1 ملن جازىلۋشىسى بار قازاقستاندىق حيميا مۇعالىمى ۇلان ۇسەنوۆ دالادا كوركەم عىلىمي شوۋ وتكىزدى جانە حيميالىق تاجىريبەلەر سيقىرعا ۇقساس ەكەنىن دالەلدەدى. ال يتاليادان كەلگەن مۇعالىم پەترو وللا عىلىمي ەكسپەريمەنتتەردى تسيرك جانە تەاتر تەحنيكالارىمەن بىرىكتىرىپ, بالالارعا ناعىز قويىلىم ۇيىمداستىرسا, بريتاندىق عالىم مايكل لوندەسبورو ءبىز ءومىر ءسۇرىپ جاتقان «پلاستيكالىق عاسىر» تۋرالى ايتىپ, زەرتحانالاردا عالىمدار قانداي جاڭا جانە بەرىك ماتەريالدار مەن پوليمەرلەر جاسايتىنىن ءتۇسىندىردى.
بەلسەندى تالاپكەر, 12-سىنىپ وقۋشىسى ەراسىل تاۋەكەل قۇرداستارىنا NASA باعدارلاماسىنان قالاي وتكەنىن جانە جاسوسپىرىمدەرگە عارىشتى ۇيرەنۋگە بولاتىنىن ايتسا, Microsoft Kazakhstan-نىڭ IT-ساۋلەتشىسى سانجار مىرزاعالىم جاساندى ينتەللەكت جانە ماشينالار قالاي ويلايتىنىن ءتۇسىندىردى. ال «دارىن» رعپو باسشىسى ءانۋار وڭايبەكوۆ قازاقستاندا وليمپيادالىق قوزعالىس قالاي قۇرىلعانى جانە كەز كەلگەن وقۋشى وليمپيادا ويىندارىنان مانسابىن قالاي باستاپ, الەمنىڭ ۇزدىك جوو-نىڭ ەسىگىن قالاي اشۋعا بولاتىنى تۋرالى ءدارىس وقىدى.
فەستيۆالدا اتا-انالار مەن مۇعالىمدەردى بەلسەندىلىككە شاقىرۋ دا نازاردان تىس قالمادى. قارجى كەڭەسشىسى مەدەر اماتوۆ اتا-انالارعا ءتىپتى ينفلياتسيا جاعدايىندا دا جوو-دا وقۋعا اقشا جيناۋعا كومەكتەسەتىن قۇرالدار تۋرالى ويىن ايتسا, ارت-كەڭەسشى ۆلاد سلۋدسكي شىعارماشىل بالالار ءۇشىن جاڭا پەرسپەكتيۆالار اشاتىن عىلىم مەن ونەردىڭ سيمبيوزى تۋرالى ءدارىس وقىدى. بيزنەس-جاتتىقتىرۋشى اركادي تسۋكەر العا جىلجۋعا جانە ماقساتتارعا جەتۋگە كومەكتەسەتىن جۇيەلى ويلاۋ تۋرالى ترەنينگ وتكىزدى. تايلاندتاعى وڭتۇستىك-شىعىس ازيا ءبىلىم مينيسترلەرىنىڭ ۇيىمى جانىنداعى وڭىرلىك STEM-ءبىلىم بەرۋ ورتالىعىنىڭ SEAMEO STEM-ED ساراپشىلارىنىڭ پەداگوگتارى ءۇشىن ارنايى شەبەرلىك ساباقتارى ءوتتى. ولاردىڭ قارقىندى باعدارلاماسى 36 قازاقستاندىق مۇعالىمگە STEM-وقىتۋ قاعيداتتارىن ۇيرەنۋگە جانە ءوز ساباقتارىندا جاڭا ادىستەمەنى ەنگىزۋگە كوپ كومەكتەستى.
«رفمم» كەاق باسقارما توراعاسىنىڭ ورىنباسارى الماس ورداباەۆ مەكتەپتەردى بالالاردىڭ جان-جاقتى دامۋىنا مۇمكىندىك بەرەتىن شىعارماشىلىق زەرتحانالارعا اينالدىرۋ تۋرالى ايتىپ وتسە, بايلانىس جونىندەگى ساراپشى لاتينا ساتاروۆا مۇعالىمنىڭ جەكە برەند قۇرىپ, ءوزىنىڭ مەديا جۇمىسى تۋرالى قالاي سويلەسەتىنى جايىندا ءدارىس وقىدى.
سونداي-اق كرەاتيۆتى مۇعالىمدەردىڭ ارنايى كورمەسى ءوتىپ, وندا قازاقستاندىق ۇزدىك پەداگوگتاردىڭ عىلىمي STEAM-جوبالارى مەن ءبىلىم بەرۋ شەشىمدەرى ۇسىنىلدى. ءتىپتى ەڭ ءىش پىستىرارلىق تاقىرىپتى قىزىقتى تۇردە ۇيرەتۋگە بولاتىنى جونىندە, ياعني ورتاعاسىرلىق نوۋ-حاۋ مەن ونەرتابىستاردى زاماناۋي ستارتاپتار مەن ازىرلەمەلەرمەن سالىستىرا وتىرىپ, قازاقستان تاريحى تۋرالى جانات راحماني ءدارىس وقىدى. ماتەماتيكا جانە ينفورماتيكا ءپانىنىڭ مۇعالىمى بەگايىم مۇرات ينتەراكتيۆتى ساباق وتكىزىپ, جاساندى ينتەللەكتىنى جانۋارلاردى تانۋعا قالاي ۇيرەتۋ كەرەكتىگىن كورسەتسە, بيوتەحنولوگ جانار نۇرتولەۋ ادام اعزاسى ەنەرگيانى قالاي وندىرەتىنىن جانە اعزادا تاعى قانداي تاڭعاجايىپ بيوحيميالىق پروتسەستەر جۇرەتىنىن ءتۇسىندىردى.