ەل پرەزيدەنتىنىڭ قازاقستان حالقىنا جولداۋى ەل كوڭىلىنە قونىمدى ءارى جاعىمدى جاڭالىقتارعا تولى بولدى. سونىڭ ىشىندەگى ەڭ ەرەكشە رەفورمالارىنىڭ ءبىرى − ۇلتتىق قوردان وسكەلەڭ ۇرپاققا كامەلەت جاسىنا تولعانعا دەيىن بولىنەتىن قارجىلىق ۇلەسى جايىندا.
«ەل بولامىن دەسەڭ, بەسىگىڭدى تۇزە» دەگەن ءسوزدى بولاشاق جاستاردىڭ قولىندا ەكەنىن, ولارعا جاساعان تاربيەلىك جانە قارجىلىق ينۆەستيتسيانىڭ بەكەرگە كەتپەيتىنىن اتا-بابامىز ءبىلىپ ايتسا كەرەك. ولاي بولسا, بۇگىنگى جاڭا رەفورما − ونىڭ جارقىن دالەلى ىسپەتتەس. بالالارعا جاعداي جاساۋ, ولارعا كومەك قولىن سوزۋ, قولداۋ – ۇلكەندەردىڭ مىندەتى, پارىزى. جاستايىنان قولداۋ كورىپ وسكەن بالانىڭ «ۇيادا نە كورسەڭ, ۇشقاندا سونى الارسىڭ» دەگەندەي, بولاشاقتا ەلىنە جاناشىر, قامقور بولاتىنى ءسوزسىز. بۇل رەفورما − جاڭا قازاقستاندى قۇرۋداعى العىشارتتاردىڭ ءبىرى. ەل پرەزيدەنتىنىڭ بۇل كورەگەندىلىگى قولداۋعا تۇرارلىق, قۇپتارلىق ءىس. مۇنداي ىستەردە جاڭا قازاقستانداعى جۇرت جاعدايىن جاقسارتاتىن جاقسى رەفورمالاردىڭ ورىندالۋى مەن جۇزەگە اسۋى قاداعالانۋعا ءتيىس.
ادىلەتتى قازاقستاندى قالىپتاستىرۋ بالالارعا جاعداي جاساۋ مۇمكىندىكتەرىن زاڭدىق تۇرعىدان نەگىزدەۋمەن دە ەرەكشەلەنسە دەگەن ۇسىنىسىمىز بار. ەندەشە وسىنداي يگى ىستەرگە ۇيىتقى بولىپ وتىرعان پرەزيدەنتىمىزدىڭ جاڭا باستامالارىن قولداي وتىرىپ, ءارى قاراي دا جاڭا رەفورمالار كۇتەتىنىمىزدى ايتقىمىز كەلەدى.
ەڭلىك قاسابەكوۆا,
فيلوسوفيا, ساياساتتانۋ جانە ءدىنتانۋ ينستيتۋتى ءدىنتانۋ ورتالىعىنىڭ عىلىمي قىزمەتكەرى