قازاقستاندا ءسۇت ونىمدەرى قىمباتتادى

Energyprom ۇسىنعان دەرەكتەرگە سايكەس, وسى جىلدىڭ 1 تامىزىنا قاراي ەلىمىزدە 4,6 ملن سيىر بولدى, بۇل ءبىر جىل بۇرىنعىعا قاراعاندا 5,9%-عا ارتىق. سيىرلاردىڭ ەڭ كوپ سانى تۇركىستان وبلىسىندا تىركەلدى (609,4 مىڭ), مۇنداعى جىلدىق ءوسىم 10,7%-دى قۇرادى. ۇزدىك ۇشتىككە اباي (393,9 مىڭ باس, جىلىنا پليۋس 4,5%) جانە باتىس قازاقستان (388,9 مىڭ باس, پليۋس 11,5%) وبلىستارى دا ىلىكتى.

2022 جىلدىڭ قاڭتار-شىلدە ايلارىنىڭ قورىتىندىسى بويىنشا ەلىمىزدىڭ شارۋاشىلىقتارىندا 3,8 ملن توننا ءسۇت ءوندىرىلدى. بۇل وتكەن جىلمەن سالىستىرعاندا 1,2%-عا ارتىق. ەڭ ۇلكەن كولەم تۇركىستان وبلىسىنا كەلەدى دەپ كۇتىلۋدە: 492 مىڭ توننا. جەتى ايدىڭ قورىتىندىسى بويىنشا ءسۇت ونىمدەرىنىڭ ءوندىرىسى قۇندىق ماندە 259 ملرد تەڭگەنى قۇرادى, بۇل ءبىر جىل بۇرىنعىعا قاراعاندا 8,4%-عا از.

ء«سۇت ونىمدەرى اراسىندا شۇبات (بىردەن 49,2%-عا, 1,6 مىڭ تونناعا دەيىن), سارى ماي جانە ءسۇت سپرەدتەرى (12,6%-عا, 13,9 مىڭ تونناعا دەيىن), وڭدەلگەن سۇيىق ءسۇت جانە كىلەگەي (9,8%-عا, 324,4 مىڭ تونناعا دەيىن), بالمۇزداق (4,4%-عا, 25,5 مىڭ تونناعا دەيىن), يوگۋرتتار (1,8%-عا, 134,8 مىڭ تونناعا دەيىن) قىمباتتاعان. قىمىز ءوندىرىسى 18,9%-عا, 900 تونناعا دەيىن, قاتتى تۇردەگى ءسۇت - 10,5%-عا, 4,6 مىڭ تونناعا دەيىن, ىرىمشىك پەن سۇزبە - 0,8%-عا, 21,3 مىڭ تونناعا دەيىن ءوستى», دەلىنگەن زەرتتەۋدە.

وسى جىلدىڭ تامىز ايىنىڭ قورىتىندىسى بويىنشا ءسۇت ونىمدەرىنىڭ قۇنى ءبىر جىلدا 24,6%-عا ءوستى.

«ونىڭ ىشىندە ءسۇت 24,6%-عا, كونسەرۆىلەنگەن ءسۇت 28,9%-عا, اشىعان ءسۇت ونىمدەرى 26,4%-عا قىمباتتادى. اشىعان ءسۇت ونىمدەرىنىڭ ىشىندە يوگۋرت 33,5%-عا, 2,5%-دىق ايران - 17,1%-عا, قايماق 30,4%-عا, 5%-دىق سۇزبە - 9%-عا, قاتتى ىرىمشىك 29%-عا قىمباتتادى. وڭىرلەر تۇرعىسىنان باعانىڭ جىلدىق ءوسۋىن ماڭعىستاۋ وبلىسىنىڭ (جىلىنا 34,8%-عا), شىمكەنت (28,6%-عا) جانە تۇركىستان وبلىسىنىڭ (27,6%-عا) تۇرعىندارى قاتتى سەزىندى», دەپ قورىتىندىلادى تالداۋشىلار.