اۋىلدىق دەنساۋلىق ساقتاۋ سالاسىن جاڭعىرتۋ بويىنشا ۇلتتىق جوبا ازىرلەندى

جوبانىڭ ماقساتى - بارلىق اۋىلدىق ەلدى مەكەندەردى باستاپقى مەديتسينالىق-سانيتاريالىق كومەك ۇيىمدارىمەن قامتاماسىز ەتۋ, سونداي-اق اۋىل حالقىنا شۇعىل مەديتسينالىق كومەك كورسەتۋ تيىمدىلىگىن ارتتىرۋ ەسەبىنەن قالالىق جانە اۋىلدىق دەنساۋلىق ساقتاۋ اراسىنداعى تەڭگەرىمسىزدىكتى قىسقارتۋ.

جوبا كەلەسى نەگىزگى مىندەتتەردى شەشۋدى كوزدەيدى:

اۋىلداردا جەتىسپەيتىن مەديتسينالىق پۋنكتتەر, فەلدشەرلىك-اكۋشەرلىك پۋنكتتەر, دارىگەرلىك امبۋلاتوريالار سياقتى بمسك وبەكتىلەرىن سالۋ. رەسپۋبليكانىڭ بۇكىل اۋماعىن زاماناۋي كوپ بەيىندى اۋدانارالىق ورتالىق اۋرۋحانالار جەلىسىمەن قامتۋ, سونىڭ ىشىندە ينسۋلت ورتالىقتارىن, كارديولوگيا, رەانيماتسيا, وڭالتۋ بولىمشەلەرىن كت, مرت, ۋدز, ءوجج جانە باسقا دا قاجەتتى اپپاراتتارمەن جاراقتاندىرۋ.

جوبا شەڭبەرىندە اۋىلداردا 655 العاشقى مەديتسينالىق-سانيتارلىق كومەك وبەكتىلەرىن سالۋ, رەكونسترۋكتسيالاۋ, قوسىمشا جاراقتاندىرۋ, سونىڭ ىشىندە 700 مىڭنان استام اۋىل تۇرعىندارىن مەديتسينالىق كومەكپەن قامتۋعا مۇمكىندىك بەرەتىن جاڭا 228 جانە جۇمىس ىستەپ تۇرعاندارىنىڭ ورنىنا 427 وبەكت سالۋ جوسپارلانىپ وتىر.

سونىمەن قاتار, اۋىلدارداعى مەديتسينالىق جانە فەلدشەرلىك-اكۋشەرلىك پۋنكتتەر, دارىگەرلىك امبۋلاتوريالار زاماناۋي جابدىقتارمەن جابدىقتالادى, سونداي-اق تىركەۋ ورنى مەن كۇتۋ بولمەسى ديزاينىنىڭ بىرىڭعاي تۇجىرىمداماسى پايدالانىلاتىن بولادى.

دەنساۋلىق ساقتاۋ مينيسترلىگىنىڭ حابارلاۋىنشا, رەسپۋبليكادا امسك نىساندارىنىڭ توزۋى 51,6%-دى قۇرايدى, قازىرگى ۋاقىتتا 33 اپاتتى نىسان بار.

دەنساۋلىق ساقتاۋ مينيسترلىگىنىڭ الدىن الا باعالاۋى بويىنشا, بۇعان شامامەن 126,5 ملرد تەڭگە, ونىڭ ىشىندە باستاپقى مەديتسينالىق-سانيتارلىق كومەك كورسەتۋگە 9,16 ملرد تەڭگە قاجەت.

جاڭا مەديتسينالىق نىسانداردى كادرلارمەن قامتاماسىز ەتۋ ءۇشىن ەلىمىزدىڭ 61 مەديتسينالىق كوللەدجىندە 16 570 مەدبيكە مەن 17 585 فەلدشەر دايىندالادى دەپ جوسپارلانۋدا.

بۇدان باسقا, جۇمىس ىستەپ تۇرعان 12 ورتالىق اۋداندىق اۋرۋحانانى جاڭعىرتۋ جانە 20 جاڭا كوپبەيىندى ورتالىق اۋرۋحانانى اشۋ جوسپارلانۋدا, ولار «التىن ساعات» قاعيداتىن ساقتاي وتىرىپ, ينفاركت, ينسۋلت, اۋىر جاراقات جانە باسقا دا جاعدايلار كەزىندە شۇعىل مەديتسينالىق كومەك كورسەتە الادى.

ناتيجەسىندە قان اينالىمى جۇيەسى اۋرۋلارىنان بولاتىن ءولىم-ءجىتىمدى 100 مىڭ تۇرعىنعا شاققاندا 226,9-دان 134,85-كە دەيىن تومەندەتۋ, 4 ملن-نان استام اۋىل تۇرعىندارىن ساپالى, جەدەل جانە جوعارى تەحنولوگيالىق مەديتسينالىق كومەكپەن قامتاماسىز ەتۋ كۇتىلۋدە.

قۇجات جاريا تالقىلاۋ ءۇشىن 21 قىركۇيەككە دەيىن اشىق نقا سايتىندا ورنالاستىرىلعان.