احمەت بايتۇرسىنوۆتىڭ 150 جىلدىعى اياسىندا «احمەت بايتۇرسىن ۇلى – ءداۋىردىڭ دارا تۇلعاسى» اتتى جالپىقازاقستاندىق ديكتانت ءوتتى Egemen.kz.
وعان ەتنومادەني بىرلەستىكتەر, ستۋدەنت جاستار, «مامىلە» اۋىزەكى قازاق ءتىلى كلۋبىنىڭ مۇشەلەرى, ەتنولينگۆيستيكالىق مەكتەپتەردىڭ ديرەكتورلارى, زەينەتكەرلەر, سونداي-اق بارلىق نيەت بىلدىرۋشىلەر قاتىستى.
سونىمەن قاتار ديكتانت ەلوردا كوللەدجدەرىندە جانە «رۋحانيات» ورتالىعىنىڭ تىڭداۋشىلارى اراسىندا ۇيىمداستىرىلدى. ديكتانتقا 3000-عا جۋىق ادام قاتىستى.
اتالعان ءىس-شارا ءتىل مادەنيەتىنىڭ دەڭگەيىن ارتتىرۋ, مەملەكەتتىك ءتىلدى قولدانۋ اياسىن كەڭەيتۋ, جاستار اراسىندا پاتريوتيزمگە تاربيەلەۋ جانە قوعامدىق كەلىسىمدى نىعايتۋ ماقساتىندا وتكىزىلەدى.
ەلوردالىق «يۋنچي» دۇنگەن ەتنومادەني ورتالىعىنىڭ ءتورايىمى زۋلفيا مۇحانزاەۆا جىل سايىن جالپىقازاقستاندىق ديكتانتقا قاتىسادى.
- سوڭعى جىلدارى ءبىزدىڭ دۇنگەن ورتالىعى مەملەكەتتىك تىلدە ديكتانت جازۋعا قاتىسىپ كەلەدى. ءبىز ءوز ءبىلىمىمىزدى قۋانا تەكسەرەمىز, ويتكەنى ءبىزدىڭ رەسپۋبليكامىزدىڭ بارلىق ازاماتتارى ءتىلدى ءبىلۋى جانە وندا جازۋى ءتيىس دەپ ەسەپتەيمىز, سول ارقىلى جاستارعا ۇلگى كورسەتەمىز. ديكتانت جازۋ سياقتى تاجىريبە ءوز ءبىلىمىڭىزدى تەكسەرىپ قانا قويماي, كوكجيەگىڭىزدى كەڭەيتۋگە مۇمكىندىك بەرەدى, - دەدى ول.
ايتا كەتسەك, ديكتانت وتكىزۋگە «رۋحانيات» ورتالىعى» كمم وقىتۋشىلارى ادىستەمەلىك كومەك كورسەتكەن.