بۇل تۋرالى ۇكىمەت باسشىسى ىشكى نارىقتى جانار-جاعارمايمەن قامتاماسىز ەتۋ ماسەلەسىن تالقىلاۋ بارىسىندا ايتتى, دەپ حابارلايدى Egemen.kz.
ءاليحان سمايىلوۆ جانارمايدىڭ مۇناي وڭدەۋ زاۋىتتارىنان وڭىرلەردەگى ساقتاۋ ورىندارى مەن جانارماي قۇيۋ ستانتسيالارىنا دەيىنگى وڭتايلى لوگيستيكاسىن قامتاماسىز ەتۋدى, ەگىن ەگۋ جانە جيناۋ ناۋقانى كەزىندە جانار-جاعارماي تاسىمالداۋ ءۇشىن تەمىرجول تاريفتەرىن تومەندەتۋ ماسەلەسىن قاراۋدى, سونداي-اق باعانىڭ نەگىزسىز وسۋىنە جانە مۇناي ونىمدەرىنىڭ سىرتقا تاسىمالدانۋىنا جول بەرمەۋ ءۇشىن مۇناي بازالارى مەن ۇساق جانارماي قۇيۋ ستانتسيالارىنا باقىلاۋ جاساۋ جونىندەگى وڭىرلىك كوميسسيالار قۇرۋدى تاپسىردى.
پرەمەر-مينيستر وڭىرلەردى كومىرمەن قامتاماسىز ەتۋ بويىنشا جەرگىلىكتى جەرلەردە بولشەك ساۋدا باعاسىنىڭ نەگىزسىز وسۋىنە جول بەرمەۋ ماسەلەسىن الدىن الا پىسىقتاۋدى جانە قاتتى وتىندى شالعاي اۋداندارعا جوسپارلى تۇردە جەتكىزۋ بويىنشا شۇعىل شارالار قابىلداۋ كەرەگىن ايتتى.