ۇلىبريتانيانىڭ سىرتقى ىستەر ءمينيسترى ليز تراسس جاڭا پرەمەر-مينيستر جانە كونسەرۆاتيۆتى پارتيانىڭ جەتەكشىسى بولىپ سايلاندى, دەپ حابارلايدى Egemen.kz Deutsche Welle باسىلىمىنا سىلتەمە جاساپ.
ليز تراسس پارتيا مۇشەلەرىنىڭ 81,3 مىڭ داۋىسىنا يە بولدى. ال بۇرىنعى قارجى ءمينيسترى ريشي سۋناك 60,4 مىڭ داۋىس جينادى.
باسىلىم مالىمەتىنشە, تراسس پەن دجونسون 6 قىركۇيەكتە شوتلاندياعا بارادى, وندا بيلىكتى رەسمي تۇردە بەرۋ ءۇشىن پاتشايىم ەليزاۆەتا II-مەن كەزدەسەدى. دجونسون رەسمي تۇردە قوشتاسۋ ءسوزىن سويلەپ, وتستاۆكاعا كەتەتىنىن جاريالايدى.
سونداي-اق, تراسس لوندونعا ورالىپ, داۋنينگ-ستريتتە ءسوز سويلەپ, مينيسترلەر كابينەتىن تاعايىندايدى.
ليز تراسس – ۇلىبريتانيانىڭ بۇرىنعى سىرتقى ىستەر ءمينيسترى. ول قورشاعان ورتا, ازىق-ت ۇلىك جانە اۋىل شارۋاشىلىعى ءمينيسترى, ادىلەت ءمينيسترى قىزمەتتەرىن قوسا اتقاردى جانە تەرەزا مەيدىڭ ءبىرىنشى كابينەتىندەگى تۇڭعىش ايەل لورد-كانتسلەر.