قوستاناي وبلىسىندا ۇيلەرى ورتەنىپ كەتكەن وتباسىلارعا Halyk Bank-تەن 1 ملن تەڭگە بەرىلەدى. بۇل جونىندە بانكتىڭ ءباسپاسوز قىزمەتى الەۋمەتتىك جەلىلەردەگى رەسمي پاراقشالارىندا حابارلادى.
رەسمي اقپاراتتا Halyk Bank-ءتىڭ قوستاناي وبلىسىنداعى الاپات ءورت كەزىندە ۇيلەرى كۇلگە اينالعان ءار وتباسىعا 1 ملن تەڭگە كولەمىندە قارجىلاي كومەك كورسەتىلەتىندىگى جونىندە ايتىلعان. «بۇل قارجىنى باسپانالارىنان ايىرىلعان ادامدار كۇش جيناپ, ەڭ قاجەتتىسى – تۇرعىن ءۇيدى جالعا الۋعا, كيىم-كەشەك, تاماق جانە قاجەتتى تاۋارلار ساتىپ الۋعا جۇمساۋعا مۇمكىندىك الادى» دەلىنگەن حابارلامادا.
سونىمەن قاتار بانك باسشىلىعى جانىپ كەتكەن ۇيلەردىڭ بارلىق يەسىنە Halyk Bank-تەگى قولدانىستاعى كرەديتتەردى جابۋ تۋرالى شەشىم قابىلدا- دى.
بانك باسشىلىعى مەن ۇجىمى وزەرنوە, لەسنوە, امانقاراعاي اۋىلدارىنىڭ ءورت سالدارىنان زارداپ شەككەن بارلىق تۇرعىنىنا جاناشىرلىق تانىتىپ, ولاردىڭ ومىرلەرى جاقىن ارادا ۇيرەنشىكتى قالىپقا كەلەدى دەگەن ۇمىتتە.